ରେଳ ବିଭାଗର ନୂଆ ନିୟମ! ଭେଣ୍ଡର ବିଲ ନ ଦେଲେ, ଯାତ୍ରୀଙ୍କୁ ମିଳିବ ଫ୍ରିରେ ଖାଦ୍ୟ । ଜାଣନ୍ତୁ କେବେଠୁ ଲାଗୁ ହେଉଛି ଏହି ନିୟମ
ଟ୍ରେନରେ ମିଳୁଥିବା ଖାଦ୍ୟ, ପାନୀୟ ସାମଗ୍ରୀ ଉପରେ ବେଲଗାମ ଦାମ୍ ଆଦାୟକାରୀଙ୍କ ଉପରେ ରେଳବାଇ ଲଗାମ ଲଗାଇବାକୁ ଯାଉଛି । ଏଥିପାଇଁ ରେଲୱେ ପକ୍ଷରୁ ନୂଆ ସ୍କିମ୍ ଲଞ୍ଚ କରାଯାଇଛି । ଏହି ସ୍କିମ୍ ଅନୁସାରେ, ଯଦି ଟ୍ରେନରେ ଖାଦ୍ୟ ସାମଗ୍ରୀର ବିଲ୍ ଦିଆଯିବ ନାହିଁ, ତେବେ ସେହି ଖାଦ୍ୟ ଆପଣଙ୍କୁ ମାଗଣାରେ ମିଳିବ । ସରକାରଙ୍କ କହିବା ଅନୁସାରେ, ଏପରି କରିବା ଦ୍ୱାରା ରେଳବାଇ କମ୍ପାନୀର ମନମୁଖୀ କାର୍ଯ୍ୟକୁ ରୋକାଯାଇପାରିବ । ମିଡିଆ ରିପୋର୍ଟ ଅନୁସାରେ, ଏହି ସମ୍ବନ୍ଧରେ ରେଲୱେ ମନ୍ତ୍ରାଳୟ ସବୁ ଟ୍ରେନ ଗୁଡିକରେ ନୋଟିସ ଲଗାଇବା ପାଇଁ ନିର୍ଦ୍ଦେର୍ଶ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ, ଟ୍ରେନରେ ଯାତ୍ରୀମାନଙ୍କୁ ଖାଦ୍ୟ ଦେଉଥିବା କର୍ମଚାରୀ ମାନେ ବିଲ୍ ଦେବାକୁ ମନା କରୁଥିବା, ରେଲୱେ ପାଖକୁ ଅଭିଯୋଗ ଆସୁଛି । ବେଳେ ବେଳେ କର୍ମଚାରୀମାନେ ବିଲ୍ ବୁକ ତାଙ୍କ ପାଖରେ ନାହିଁ ବୋଲି କହିଥାନ୍ତି । ଏହାସହ ଖାଦ୍ୟ ପାଇଁ ମନଇଚ୍ଛା ଟଙ୍କା ନେଇଥାନ୍ତି ।
ନୂଆ ନିୟମ ଅନୁସାରେ, ଯଦି କୌଣସି ପ୍ରକାର ଭେଣ୍ଡର ବିଲ୍ ଦେବାକୁ ମନା କରନ୍ତି, ତେବେ ଉକ୍ତ କ୍ୟାଟରିଙ୍ଗ କମ୍ପାନୀର ଲାଇସେନ୍ସ ରଦ୍ଦ କରାଯାଇପାରେ ।
ସୂଚନା ଅନୁସାରେ, ୩୧ ମାର୍ଚ୍ଚ ୨୦୧୮ ପରଠାରୁ ଯେଉଁ ଟ୍ରେନରେ ଯାତ୍ରୀମାନଙ୍କୁ ଖାଦ୍ୟ ସାମଗ୍ରୀ ଯୋଗାଇ ଦିଆଯାଉଛି, ସେଠାରେ ବିଲ୍ ଦେବା ବାଧ୍ୟତାମୂଳକ କରାଯାଇଛି । ଏହି ବିଷୟରେ ଓଜଉଞଉ ପକ୍ଷରୁ ଟିକେଟ୍ ବୁକିଂ ୱେବସାଇଟରେ ଯାତ୍ରୀ ମାନଙ୍କୁ ଏସମ୍ପର୍କରେ ସୂଚନା ଦିଆଯିବା ଆରମ୍ଭ ହୋଇଗଲାଣି ।