ଫିଟନେସ ନାହିଁ ତ ଚାକିରି ନାହିଁ ! କୋଲ ଇଣ୍ଡିଆର ଅଜବ ନିୟମ
ଦେଶରେ ଦିନକୁ ଦିନ ଚାକିରି ସମସ୍ୟା ବଢି ବଢି ଚାଲିଛି । ଏଭଳି ସମୟରେ ଗୋଟିଏ ଚାକିରି ପାଇବା କେତେ କଷ୍ଟ ତାହା ଅଙ୍ଗେ ନିଭାଇଥିବା ବ୍ୟକ୍ତି ହିଁ କହି ପାରିବ । ଏସବୁ ଭିତରେ କୋଲ ଇଣ୍ଡିଆରେ ଚାକିରି କରିବାକୁ ଇଚ୍ଛା କରିଥିବା ଆଶାୟୀଙ୍କ ପାଇଁ ଏକ ନୂଆ ନିୟମ ଲାଗୁ ହୋଇଛି । କମ୍ପାନି ପକ୍ଷରୁ କୁହାଯାଇଛି ଯେ, ଯେଉଁମାନେ ଶାରୀରିକ ଭାବେ ଫିଟ୍ ଥିବେ ସେମାନଙ୍କୁ ହିଁ କୋଲ ଇଣ୍ଡିଆରେ ଚାକିରି ମିଳିବ । ଯେଉଁମାନେ ଶାରୀରିକ ଭାବେ ଅନଫିଟ୍ ଥିବେ ସେମାନଙ୍କୁ ଚାକିରି ମିଳିବ ନାହିଁ ବୋଲି ଘୋଷଣା କରିଛି । ଆଉ ଏଥିପାଇଁ ନୂଆ ନିୟମ ସାମ୍ନାକୁ ଆଣିଛି କୋଲ ଇଣ୍ଡିଆ ।
Kanak News is now on WhatsApp
Join and get latest news updates delivered to you via WhatsApp
କୋଲ ଇଣ୍ଡିଆର ନୂଆ ନିୟମ ଅନୁଯାୟୀ, ଯେଉଁ ଆଶାୟୀ ମାନେ କୋଲ ଇଚ୍ଚ୍ଡିଆରେ ଚାକରି କରିବାକୁ ଚାହୁଁଛନ୍ତି ସେମାନେ ନିଜ ଶରୀରକୁ ଫିଟ୍ ରଖିବା ଆବଶ୍ୟକ । ଅତ୍ୟଧିକ ପତଳା କିମ୍ବା ଅତ୍ୟଧିକ ମୋଟା ଓଜନର ପିଲାଙ୍କୁ ଚାକିରି ମିଳିବ ନାହିଁ ବୋଲି କୋଲ ଇଚ୍ଚ୍ଡିଆ ସ୍ପଷ୍ଟ କରିଛି । ଏପରିକି ଚାକରି କରିବା ପୂର୍ବରୁ କମ୍ପାନୀ ପକ୍ଷରୁ ଡାକ୍ତରୀ ପରୀକ୍ଷା କରାଯିବ । ଯେଉଁମାନେ ଏହି ପରୀକ୍ଷାରେ ଉତ୍ତୀର୍ଣ୍ଣ ହେବେ ସେମାନେ ହିଁ ଚାକିରୀ ପାଇଁ ଯୋଗ୍ୟ ବିବେଚିତ ହେବେ ।
କଣ ଅଛି ନିୟମ :
କୋଲ ଇଣ୍ଡିଆ ପକ୍ଷରୁ ଜାରି ହୋଇଥିବା ନିୟମ ଅନୁଯାୟୀ, ଆଶାୟୀ ପ୍ରାର୍ଥୀଙ୍କ ଉଚ୍ଚତା ସର୍ବନିମ୍ନ ୧୫୯ ସେଣ୍ଟିମିଟରରୁ ଅଧିକ ହୋଇଥିବା ଆବଶ୍ୟକ । ସେହିଭଳି ଛାତିର ଚଉଡା ବିନା ଫୁଲାଇବାରେ ୭୫ ସେ.ମି ଓ ଫୁଲିବା ବେଳେ ୮୧ ସେମି ସର୍ବନିମ୍ନ ରହିବା ଆବଶ୍ୟକ । ଏହାଛଡା ବ୍ଲଡ ପ୍ରେସର ନର୍ମାଲ ରହିବା ଆବଶ୍ୟକ । ସେହିଭଳି ହାତ, ପାଦ, ଶରୀରର ଅନ୍ୟ ଅଙ୍ଗପ୍ରତ୍ୟଙ୍ଗ ଠିକ୍ ରହିବା ଆବଶ୍ୟକ । ଯଦି ଆଶାୟୀଙ୍କ ଫିଟନେସରେ କୌଣସି ତ୍ରୁଟି ଦେଖାଦିଏ ତେବେ ତାଙ୍କୁ ଚାକିରି ମିଳିବ ନାହିଁ । ଏପରିକି ବିକୃତ ତ୍ୱଚା, ଦିବ୍ୟାଙ୍ଗ ଆଶାୟୀଙ୍କୁ ମଧ୍ୟ ଚାକିରି ମିଳିବ ନାହିଁ ବୋଲି ସ୍ପଷ୍ଟ କରିଛି ।
କୋଲ ଇଣ୍ଡିଆର ଟ୍ରେଡ ୟୁନିୟନ ଏଭଳି ନୂଆ ନିୟମକୁ ବିରୋଧ କରିଛି । ଟ୍ରେଡ ୟୁନିୟନର କହିବା ଅନୁଯାୟୀ, ଚାକିରି କରିବା ସମସ୍ତଙ୍କର ଅଧିକାର । ତେଣୁ ଶାରୀରିକ ଅକ୍ଷମ ଥିବା ଯୋଗ୍ୟ ଆଶାୟୀଙ୍କୁ ଚାକିରିରୁ ବଞ୍ଚିତ କରିବା ଉଚିତ ନୁହେଁ । ତେବେ ନୂଆ ନିୟମରେ ଏକଥା ମଧ୍ୟ ଉଲ୍ଲେଖ ଅଛି ଯେ, ,କୋଲ ଇଣ୍ଡିଆର ଚେୟରାମ୍ୟାନ ଓ ସମସ୍ତ କୋଇଲା କମ୍ପାନିର ସିଏମଡି ବିଶେଷ ପରିସ୍ଥିତିରେ ଏହି ନିୟମରେ ପରିବର୍ତ୍ତନ ଆଣିପାରିବେ ।