ଖୁବ୍ ଶୀଘ୍ର ବଜାରକୁ ଆସିବ ୧୦୦ ଟଙ୍କିଆ କଏନ୍ ! ଜାଣନ୍ତୁ କଣ ରହିଛି ବିଶେଷତ୍ୱ
କନକ ବ୍ୟୁରୋ : ଭାରତୀୟ ମୁଦ୍ରା ଇତିହାସରେ ଆରମ୍ଭ ହେବାକୁ ଯାଉଛି ଏକ ନୂଆ ଅଧ୍ୟାୟ । କାରଣ ଖୁବ୍ ଶୀଘ୍ର ବଜାରକୁ ଆସିପାରେ ୧୦୦ ଟଙ୍କିଆ କଏନ୍ ବା ୧୦୦ ଟଙ୍କିଆ ମୁଦ୍ରା । ଅଭିନେତା ତଥା ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଏମଜି ରାମଚନ୍ଦ୍ରନଙ୍କ ଜନ୍ମବାର୍ଷିକୀକୁ ସ୍ମରଣୀୟ କରିବା ପାଇଁ ଏହି କଏନର ଶୁଭାରମ୍ଭ କରାଯିବ । ଏପରି କରିବା ଦ୍ୱାର ଭାରତରତ୍ନ ପ୍ରାପ୍ତ ରାମଚନ୍ଦ୍ରନଙ୍କୁ ଉଚିତ୍ ଶ୍ରଦ୍ଧାଞ୍ଜଳୀ ହେବ । ଏନେଇ ଅର୍ଥ ମନ୍ତ୍ରାଳୟ ଏକ ନୋଟିଫିକେସନ୍ ଜାରି କରିଛି । ଏହା ସହ ନୂଆ ୫ ଟଙ୍କିଆ ମୁଦ୍ରା ମଧ୍ୟ ଏଆଇଏଡିଏମକେର ପ୍ରତିଷ୍ଠାତାଙ୍କ ଉଦ୍ଦେଶ୍ୟରେ ପ୍ରଚଳନ ହେବ ।
Kanak News is now on WhatsApp
Join and get latest news updates delivered to you via WhatsApp
୩୫ ଗ୍ରାମ୍ ଓଜନର ଏହି ୧୦୦ଟଙ୍କିଆ କଏନରେ ରୁପାର ପରିମାଣ ୫୦ ପ୍ରତିଶତ, ତମ୍ବା ୪୦ ପ୍ରତିଶତ, ନିକେଲ୍ ୫ ପ୍ରତିଶତ ରହିବ । ଏହା ସହ ଏହାର ଆକାର ୪୪ ମିଲିମିଟର ଡାଏମିଟର ରହିବ । ଏହି କଏନର ଆରମ୍ଭ ପଟେ କେନ୍ଦ୍ରରେ ଅଶୋକ ସ୍ତମ୍ବ ରହିବା ସହ ତଳଭାଗରେ ଦେବନଗରୀ ଲିପିରେ ସତ୍ୟମେବ ଜୟତେ ଲେଖା ରହିବ । ମୁଦ୍ରାର ବାମ ପଟେ ଦେବନଗରୀ ଲିପିରେ ଭାରତ ଲେଖା ହେବା ସହ ଦକ୍ଷିଣ ପଟରେ ଇଂରାଜୀରେ ଇଣ୍ଡିଆ ଲେଖା ରହିବ ।
ସେହିପରି ମୁଦ୍ରାର ଦ୍ୱିତୀୟ ପାଶ୍ୱର କେନ୍ଦ୍ରରେ ରାମଚନ୍ଦ୍ରନଙ୍କ ଚେହେରା ରହିବା ସହ ଦେବନଗରୀ ଲିପିରେ ରାମଚନ୍ଦ୍ରନଙ୍କ ଜନ୍ମ ବିଶେଷାଙ୍କ ରହିବ । ଏହା ସହ କଏନର ତଳ ପାଶ୍ୱର୍ରେ ଅନ୍ତରାଷ୍ଟ୍ରିୟ ଅଙ୍କରେ ଲେଖାଯିବ ୧୯୧୭-୨୦୧୭ । ଆଉ ଏକ ଡିଜାଇନ୍ ଅନୁଯାୟୀ,ଦ୍ୱିତୀୟ ପଟେ ଏମ.ଏସ୍ ସୁବୁଲକ୍ଷ୍ମୀଙ୍କ ଚେହେରା ରହିପାରେ । ଏହି ଡିଜାଇନରେ ଏମ.ଏସ୍ ସୁବୁଲକ୍ଷ୍ମୀଙ୍କ ନାଁ କଏନର ଉପର ପାଶ୍ୱର୍ରେ ଦେବନଗରୀ ଲିପିରେ ଲେଖାଯିବ । ଏବଂ ତଳ ପାଶ୍ୱର୍ରେ ରହିବ ଜନ୍ମ ତାରିଖ । ତେବେ କଏନର ଦକ୍ଷିଣ ପାଶ୍ୱର୍ରେ ଅନ୍ତରାଷ୍ଟ୍ରିୟ ଅଙ୍କରେ ଲେଖାଯିବ ୧୯୧୬-୨୦୧୬ ।
ସେହିପରି ନୂଆ ୫ ଟଙ୍କିଆ କଏନ ୬ ଗ୍ରାମ୍ ବିଶିଷ୍ଟ ହେବ । ଏହାର ଆକାର ୨୩ ମିଲିମିଟର ଡାଏମିଟର ରହିବ । ଏହା ସହ ଏଥିରେ ତମ୍ବା ୭୫ ପ୍ରତିଶତ, ଜିଙ୍କ୍ ୨୦ ପ୍ରତିଶତ ଏବଂ ନିକେଲ୍ ରହିଛି ୫ ପ୍ରତିଶତ ।
ଏହି ମୁଦ୍ରାରେ ମଧ୍ୟ ଆରମ୍ଭ ପଟେ କେନ୍ଦ୍ରରେ ଅଶୋକ ସ୍ତମ୍ବ ରହିବା ସହ ତଳଭାଗରେ ଦେବନଗରୀ ଲିପିରେ ସତ୍ୟମେବ ଜୟତେ ଲେଖା ରହିବ । ମୁଦ୍ରାର ବାମ ପଟେ ଦେବନଗରୀ ଲିପିରେ ଭାରତ ଲେଖା ହେବା ସହ ଦକ୍ଷିଣ ପଟରେ ଇଂରାଜୀରେ ଇଣ୍ଡିଆ ଲେଖା ରହିବ ।
ସେହିପରି ଦ୍ୱିତୀୟ ପାଶ୍ୱର୍ର କେନ୍ଦ୍ରରେ ରାମଚନ୍ଦ୍ରନଙ୍କ ଚେହେରା ରହିବ । ଉପର ପାଶ୍ୱର୍ରେ ଦେବନଗରୀ ଲିପିରେ ରାମଚନ୍ଦ୍ରନଙ୍କ ଜନ୍ମ ବିଶେଷାଙ୍କ ରହିବା ସହ ତଳ ପାଶ୍ୱର୍ରେ ଇଂରାଜୀରେ ଲେଖା ରହିବ । ଏହା ସହ କଏନର ତଳ ପାଶ୍ୱର୍ରେ ଅନ୍ତରାଷ୍ଟ୍ରିୟ ଅଙ୍କରେ ଲେଖାଯିବ ୧୯୧୭-୨୦୧୭ ।