ବିରାଟଙ୍କ ବଡ ରେକର୍ଡ ! ୨୭ ବର୍ଷ ପରେ ଇତିହାସ ରଚିଲେ କ୍ୟାପଟେନ କୋହଲି
ବିଶ୍ୱର ସର୍ବଶ୍ରେଷ୍ଠ କ୍ରିକେଟର ତଥା ଭାରତୀୟ କ୍ରିକେଟ ଟିମର କ୍ୟାପଟେନ କୋହଲି ଆଉ ଏକ ମାଇଲଖୁଣ୍ଟ ଅତିକ୍ରମ କରିଛନ୍ତି । ଏହାସହ ଦୀର୍ଘ ୨୭ ବର୍ଷ ପରେ ଆଇସିସି ଦିନିକିଆ ମାନ୍ୟତାରେ ୯୦୯ ପଏଣ୍ଟ ହାସଲ କରି ଇତିହାସ ରଚିଛନ୍ତି ବିରାଟ । ଏହାସହ ଦକ୍ଷିଣ ଆଫ୍ରିକାର ଏବି ଡି ଭିଲିୟର୍ସ ପରେ ଉଭୟ ଦିନିକିଆ ଓ ଟେଷ୍ଟ ମାନ୍ୟତାରେ ୯୦୦ ପଏଣ୍ଟ ହାସଲ କରିବା ସହ ଦ୍ୱିତୀୟ ବ୍ୟାଟସମ୍ୟାନ ଏଭଳି ବିରଳ ରେକର୍ଡର ଅଧିକାରୀ ହୋଇଛନ୍ତି କୋହଲି । ବିରାଟ ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜରେ ୬ଟି ମ୍ୟାଚରୁ ମୋଟ ୫୫୮ ରନ କରିଥିଲେ । ଯାହାର ପୁରସ୍କାର ବିରାଟଙ୍କୁ ଏବେ ମିଳିଛି । ଏହି ସିରିଜରେ ସେ ୩ ଶତକ ହାସଲ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଆଇସିସିି ପକ୍ଷରୁ ଜାରି ହୋଇଥିବା ଦିନିକଆ ମାନ୍ୟତାରେ କୋହଲି ୩୩ ରେଟିଂ ପଏଣ୍ଟ ହାସଲ କରିବା ସହ ନମ୍ବର ୱାନ ସ୍ଥାନକୁ ଆହୁରି ସୁରକ୍ଷିତ କରିଛନ୍ତି । ବିରାଟଙ୍କ ଏହି ରେଟିଂ ଅଷ୍ଟ୍ରେଲିଆର ଡିନ ଜୋନ୍ସଙ୍କ ପରେ ସର୍ବାଧିକ ଅଟେ । ୧୯୯୧ରେ ଜୋନ୍ସ ୯୧୮ ରେଟିଂ ପଏଣ୍ଟ ହାସଲ କରିଥିଲେ । ଏହି ରେଟିଂ ହାସଲ କରିବା ସହ ସର୍ବାଧିକ ରେଟିଂ ପଏଣ୍ଟ ହାସଲ କରିବାରେ ବିରାଟ ସପ୍ତମ ସ୍ଥାନରେ ପହଞ୍ଚିଛନ୍ତି । ଏହି ଲିଷ୍ଟରେ ୱେଷ୍ଟଇଣ୍ଡିଜର ଭିଭିଆନ ରିଚାଡର୍ସ ମୋଟ ୯୩୫ ପଏଣ୍ଟ ହାସଲ କରି ପ୍ରଥମ ସ୍ଥାନରେ ରହିଛନ୍ତି ।