କନକ ବ୍ୟୁରୋ: ମନ୍ତ୍ରିମଣ୍ଡଳର ନୂଆ ଚେହେରା । ନବୀନ ଟିମରେ ସାମିଲ ହେବେ ୯ ନୂଆ ମନ୍ତ୍ରୀ । ଦକ୍ଷିଣ ଓଡିଶାର ଟାଣୁଆ ନେତା ତଥା ଦଳର ମୁଖପାତ୍ର ସୂର୍ଯ୍ୟନାରାୟଣ ପାତ୍ର ମନ୍ତ୍ରୀ ହେବେ । ପୂର୍ବରୁ ବିଜେଡି ସରକାରରେ ରାଜସ୍ୱ ମନ୍ତ୍ରୀ ଥିଲେ ସୂର୍ଯ୍ୟ ନାରାୟଣ ପାତ୍ର । ଏହି ଅନୁଭବୀ ନେତାଙ୍କୁ ପୁଣି ନିଜ କୋର ଟିମକୁ ଆଣୁଛନ୍ତି ନବୀନ । ସେହିପରି ପୁରୀ ବିଧାୟକ ମହେଶ୍ୱର ମହାନ୍ତି ବି ମନ୍ତ୍ରୀ ହେବେ । ପୂର୍ବରୁ ବିଧାନସଭା ବାଚସ୍ପତି ରହିସାରିଥିବା ମହେଶ୍ୱର ମହାନ୍ତିଙ୍କ ନିକଟରେ ରହିଛି ବିରାଟ ରାଜନୈତିକ ଅଭିଜ୍ଞତା ।
Kanak News is now on WhatsApp
Join and get latest news updates delivered to you via WhatsApp
ନବକଳେବର ସମନ୍ୱୟ କମିଟିର ଅଧ୍ୟକ୍ଷ ଥିବା ମହେଶ୍ୱର ସୁଚାରୁ ରୁପେ ସମ୍ପାଦନ କରି ନବୀନଙ୍କ ଗୁଡ୍ ବୁକରେ ଅଛନ୍ତି । ନବୀନଙ୍କ ନୂଆ ଟିମରେ ମନ୍ତ୍ରୀ ହେବେ ପ୍ରତାପ ଜେନା । ମାହାଙ୍ଗାରୁ ବିଧାୟକ ଥିବା ପ୍ରତାପ ଜେନାଙ୍କୁ ଦେବୀ ମିଶ୍ରଙ୍କ ସ୍ଥାନରେ ମନ୍ତ୍ରିମଣ୍ଡଳରେ ସାମିଲ କରି କଟକ ଜିଲ୍ଲାକୁ ପ୍ରତିନିଧିତ୍ୱ ଦେଇପାରନ୍ତି ନବୀନ । ପୂର୍ବରୁ ଗଣଶିକ୍ଷା ମନ୍ତ୍ରୀ ଥିବାରୁ ତାଙ୍କର ମଧ୍ୟ ଅଭିଜ୍ଞତା ରହିିଛି । ସେହିପରି ବାଚସ୍ପତି ପଦରୁ ଇସ୍ତଫା ଦେଇଥିବା ନିରଂଜନ ପୂଜାରୀ ବି ମନ୍ତ୍ରୀ ହେବେ । ବିନିକା ଓ ସୁବଣ୍ଣପୁରରୁ ବାରମ୍ବାର ବିଧାନସଭାକୁ ନିର୍ବାଚିତ ହୋଇ ପଶ୍ଚି ଓଡିଶାରେ ନିଜର ପତିଆରା ଦେଖାଇଛନ୍ତି ନିରଂଜନ ।
ସେହିପରି ଭଣ୍ଡାରୀପୋଖରୀ ପ୍ରଫୁଲ ସାମଲ ବି ମନ୍ତ୍ରୀ ହେବେ । ପୂର୍ବରୁ ପଂଚାୟତିରାଜ ମନ୍ତ୍ରୀ ଥିଲେ ପ୍ରଫୁଲ । ଭଟଲୀ ବିଧାୟକ ସୁଶାନ୍ତ ସିଂ ଯୁବ ମନ୍ତ୍ରୀ ଭାବେ ନବୀନଙ୍କ ଟିମରେ ସାମିଲ ହୋଇପାରନ୍ତି । ବିଜେଡି କୃଷକ ସେଲର ଆବାହକ ଥିବା ସୁଶାନ୍ତଙ୍କୁ ସରପ୍ରାଇଜ୍ ଗିଫ୍ଟ ଦେଇଛନ୍ତି ନବୀନ । କରଂଜିଆ ବିଧାୟକ ବିଜୟ ନାୟକ ବି ମନ୍ତ୍ରୀ ହେବେ । ଏଥିସହ ନୃସିଂହ ସାହୁ, ମୁଖପାତ୍ର ଶଶୀଭୂଷଣ ବେହେରାଙ୍କୁ ମଧ୍ୟ ନବୀନ ନିଜ ନୂଆ ଟିମରେ ସାମିଲ କରିଛନ୍ତି । ଆସନ୍ତାକାଲି ଦିନ ୧୧ଟାରେ ନୂଆ ମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ ।
ଦେଖନ୍ତୁ ଏହି ଭିଡିଓ –