ରାଜ୍ୟ ରାଜନୀତିରେ ନୂଆ ସମୀକରଣ ! ଧର୍ମେନ୍ଦ୍ର କହିଲେ, ବିଜେଡି ଓ କଂଗ୍ରେସକୁ କ୍ଷମତାରୁ ଦୂରେଇ ରଖିବାକୁ ନୂଆ ରାଜନୈତିକ ଶକ୍ତିକୁ ସମର୍ଥନ ଦେବ ବିଜେପି ।
କନକ ବ୍ୟୁରୋ : ରାଜ୍ୟ ରାଜନୀତିରେ ନୂଆ ସମୀକରଣ ନେଇ ସଂକେତ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜେଡି ବିଦ୍ରୋହୀକୁ ସମର୍ଥନ ଦେବା ନେଇ ସେ ଇସାରା ଦେଇଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଏପରି ମନ୍ତବ୍ୟ ଦେଇଛନ୍ତି, ଯାହା ରାଜ୍ୟ ରାଜନୀତିକୁ ସରଗରମ କରିଦେଇଛି । ଧର୍ମେନ୍ଦ୍ର କହିଛନ୍ତି, ରାଜ୍ୟରେ ବିଜେଡି ଓ କଂଗ୍ରେସ ବିରୋଧରେ ସବୁ ଶକ୍ତିକୁ ଏକାଠି କରାଯିବ ଓ ଏହାର ନେତୃତ୍ୱ ଦେବ ବିଜେପି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ନୂଆ ଦଳ ଗଠନ ସମ୍ପର୍କରେ ଚର୍ଚ୍ଚା ହେଉଥିବା ନେଇ ଏକ ପ୍ରଶ୍ନର ଉତ୍ତରରେ ସେ ଏଭଳି ବୟାନ ରଖିଛନ୍ତି । ସେ କହିଛନ୍ତି, ବିଜେଡି-କଂଗ୍ରେସ ବିରୋଧରେ ଏକାଠି ହେଉଥିବା ଶକ୍ତିକୁ ସମର୍ଥନ କରିବ ବିଜେପି । ବିଜେଡିରୁ ଡାକ୍ତର ଦାମ ରାଉତ ବହିଷ୍କାର ହେବା ପରେ ବୈଜୟନ୍ତଙ୍କ ସମେତ ନବୀନ ବିରୋଧୀମାନେ ଏକାଠି ହେବା ନେଇ ଚର୍ଚ୍ଚା ଜୋର ଧରୁଥିବା ବେଳେ ଧର୍ମେନ୍ଦ୍ରଙ୍କ ଏପରି ମନ୍ତବ୍ୟ ରାଜନୈତିକ ମାହୋଲକୁ ଉଷୁମ କରିଦେଇଛି ।