ଦୁଇ ପ୍ରକାର ନୂଆ ୫ଶହ ଟଙ୍କିଆ ନୋଟକୁ ନେଇ ଦ୍ୱନ୍ଦ ! ସ୍ପଷ୍ଟିକରଣ ରଖିଲା ଆରବିଆଇ
କନକ ବ୍ୟୁରୋ : ୫୦୦ ଟଙ୍କିଆ ନୋଟରେ ମୁଦ୍ରଣ ଜନିତ ତ୍ରୁଟି । ବଜାରରେ ଦୁଇ ପ୍ରକାର ୫୦୦ ଟଙ୍କିଆ ନୋଟ୍ ନେଇ ଯେଉଁ ଦ୍ୱନ୍ଦ୍ୱ ଉପୁଜି ଥିଲା, ଏଥିରେ ସ୍ପଷ୍ଟୀକରଣ ଦେଇଛନ୍ତି ରିଜର୍ଭ ବ୍ୟାଙ୍କ । ଆରବିଆଇ ସ୍ୱୀକାର କରିଛି ଯେ ଦୁଇ ପ୍ରକାର ନୋଟ୍ ବଜାରରେ ଉପଲବ୍ଧ ହେଉଛି । ଜରୁରୀ ପରିସ୍ଥିତିରେ ଦ୍ରୁତ ଗତିରେ ନୂଆ ଟଙ୍କା ମୁଦ୍ରଣ ଚାଲିଥିବାରୁ ଏଭଳି ତ୍ରୁଟି ଘଟିଛି ବୋଲି ଆରବିଆଇ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର କିଛି ଦିନ ତଳେ ବଜାରକୁ ଆସିଥିବା ଏହି ନୂଆ ୫୦୦ ଟଙ୍କିଆ ନୋଟ ତ୍ରୁଟି ଦେଖିବା ପରେ ଲୋକଙ୍କ ମନରେ ଆଶଙ୍କା ଉପୁଜି ଥିଲା । ଏପରିକି ଅନେକଙ୍କ ମନରେ ନକଲି ନୋଟ ବୋଲି ମଧ୍ୟ ସଂଦେହ ସୃଷ୍ଟି ହୋଇଥିଲା । ତେବେ ଆରବିଆଇ ପକ୍ଷରୁ କୁହାଯାଇଛି ଦୁଇଟି ଯାକ ନୋଟ ଅସଲି, ତେଣୁ ଆଶଙ୍କା କରିବା ଉଚିତ ନୁହେଁ । ଏହା କେବଳ ମୁଦ୍ରଣ ଜନିତ ସମସ୍ୟା ।
ଆବଶ୍ୟକତାକୁ ଦୃଷ୍ଟିରେ ରଖି ଦ୍ରୁତ ଗତିରେ ମୁଦ୍ରଣ ଚାଲିଥିବାରୁ ଏଭଳି ସମସ୍ୟା ସୃଷ୍ଟି ହୋଇଛି । କୌଣସି ବ୍ୟକ୍ତି ପାଖରେ ଏହି ନୋଟ ଥିଲେ ସେ ଏହାକୁ କାରବାର କରିପାରିବ । ନହେଲେ ଆରବିଆଇରେ ଏହାକୁ ବଦଲାଇ ପାରିବ । ତେବେ ୫୦୦ ଟଙ୍କିଆ ନୋଟରେ ମୁଦ୍ରଣ ଜନିତ ତ୍ରୁଟି କେନ୍ଦ୍ର ସରକାରଙ୍କୁ ଅଡୁଆରେ ପକାଇଛି ।