ଆଜି ଶ୍ରୀଲିଙ୍ଗରାଜଙ୍କ ଦର୍ଶନ କରିବେ ନେପାଳ ରାଜା ! ସୁରକ୍ଷା ବ୍ୟବସ୍ଥା କଡାକଡି
କନକ ବ୍ୟୁରୋ : ଓଡିଶାରେ ନେପାଳର ରାଜା ଜ୍ଞାନେନ୍ଦ୍ର ବୀରବିକ୍ରମ ଶାହଦେବ । ରାଜ୍ୟର ସ୍ୱତନ୍ତ୍ର ଅତିଥି ଭାବେ ସେ ୧୨ ତାରିଖ ପର୍ଯ୍ୟନ୍ତ ରହିବେ । ଆଜି ଭୁବନେଶ୍ୱର ଲିଙ୍ଗରାଜ ମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିବେ । ୧୧ଟାରୁ ୧୨ ପର୍ଯ୍ୟନ୍ତ ଲିଙ୍ଗରାଜ ମନ୍ଦିରରେ ନେପାଳ ରାଜା ରହିବେ ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତାକାଲି ପୁରୀ ଗୋବର୍ଦ୍ଧନ ପୀଠରେ ହେବାକୁ ଥିବା ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ଉତ୍ସବରେ ସେ ଯୋଗଦାନ କରିବେ । ଆସନ୍ତା ୧୧ ତାରିଖ ଦିନ ପୁରୀ ଶ୍ରୀମନ୍ଦିରରେ ନେପାଳର ପରମ୍ପରା ଅନୁଯାୟୀ ଶ୍ରୀଜୀଉଙ୍କୁ ରତ୍ନସିଂହାସନରେ ପୂଜାର୍ଚନା କରିବେ ଜ୍ଞ୍ୟାନେନ୍ଦ୍ର ବୀରବିକ୍ରମ ଶାହଦେବ । ଏପରି ପୂଜା କରିବାର ଅଧିକାର କେବଳ ନେପାଳ ରାଜାଙ୍କର ରହିଛି । ସେହି ସମୟରେ ଶ୍ରୀମନ୍ଦିର ବେଢାରେ ଥିବା ସମସ୍ତ ମନ୍ଦିର ବନ୍ଦ ରହିବ । ଏକୁଟିଆ ରତ୍ନସିଂହାସନରେ ଶ୍ରୀଜିଉଙ୍କୁ ଆରାଧନା କରିବେ ନେପାଳ ରାଜା । ଦୀର୍ଘ ୧୫ ବର୍ଷ ପରେ ଇତିହାସର ପୁନରାବୃତି ହେବାକୁ ଯାଉଛି । ନେପାଳ ନରେଶ ଜ୍ଞ୍ୟାନେନ୍ଦ୍ର ବୀରବିକ୍ରମ ଶାହ ଦେବ ରତ୍ନ ସିଂହାସନରେ ଚଢି ପୂଜାର୍ଚ୍ଚନା କରିବାକୁ ଯାଉଛନ୍ତି । ଏଥିପାଇଁ ଓଡିଶା ଆସିଛନ୍ତି ନେପାଳର ରାଜା । ୧୨ ତାରିଖ ଯାଏ ସେ ଓଡିଶାରେ ରହିବେ । ତାଙ୍କୁ ରାଜ୍ୟ ଅତିଥି ଭାବେ ଘୋଷଣା କରାଯାଇଛି ।
୧୧ ତାରିଖ ପୂର୍ବାହ୍ନ ୧୧ଟାବେଳେ ସେ ଶ୍ରୀମନ୍ଦିରର ପ୍ରବେଶ କରି ପୂଜାର୍ଚ୍ଚନା କରିବେ । ଏଥିପାଇଁ ଶ୍ରୀମନ୍ଦିର ବେଢାରେ ଥିବା ସମସ୍ତ ମନ୍ଦିରରେ ତାଲା ପଡିବ । ନେପାଳର ପାରମ୍ପରିକ ବେଶରେ ସେ ପୁରୀ ଗଜପତି ମହାରାଜଙ୍କ ଭଳି ଦକ୍ଷିଣଦ୍ୱାର ଦେଇ ପ୍ରବେଶ କରିବେ ଓ ସେହି ଦ୍ୱାର ଦେଇ ପ୍ରସ୍ଥାନ କରିବେ । ନେପାଳ ନରେଶଙ୍କ ପୁରୀ ଗସ୍ତକୁ ନଜରରେ ରଖି ପୋଲିସ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ଉଲ୍ଲେଖଥାଉ କି, ସ୍ୱତନ୍ତ୍ର ନୀତିକାନ୍ତରେ ନେପାଳ ନରେଶ ଜ୍ଞାନେନ୍ଦ୍ର ବୀରବିକ୍ରମ ଶାହା ଦେବ ରତ୍ନ ସିଂହାସନରେ ପୂଜା କରିବେ । ଆସନ୍ତା ୧୧ ତାରିଖ ପୂର୍ବାହ୍ନ ୧୧ଟା ବେଳେ ଶ୍ରୀମନ୍ଦିରରେ ତାଙ୍କର ପ୍ରବେଶ ସମୟ ଧାର୍ଯ୍ୟ ହୋଇଛି । ଶ୍ରୀମନ୍ଦିର ପ୍ରଶାସନ କିମ୍ବା ଜିଲ୍ଲା ପ୍ରଶାସନ ପକ୍ଷରୁ ଏହି ନୀତି ନିର୍ଘଂଟ ହୋଇନାହିଁ ବରଂ ନେପାଳ ନରେଶଙ୍କଠାରୁ ଆସିଥିବା ନୀତିନିର୍ଘଂଟରେ ଏହା ଉଲ୍ଲେଖ ରହିଛି । କୌତୁହଳପ୍ରଦ ହେଉଛି ଏହି ଦିନ ପଙ୍କୋଦ୍ଧାର ଏକାଦଶୀ ।