ସୋସିଆଲ ମିଡ଼ିଆରେ ଭାଇରାଲ ହେଲା ବଲିଉଡ ସିଙ୍ଗରଙ୍କ ଆଖି ମାରିବା ଭିଡ଼ିଓ : ପ୍ରଥମ ଦିନରେ ୧୨ ଲକ୍ଷରୁ ଉଦ୍ଧ୍ୱର୍ ପ୍ରଶଂସକଙ୍କ ଲାଇକ
କନକ ବ୍ୟୁରୋ : ନେହା କକ୍କର ପୁଣି ଥରେ ଚର୍ଚ୍ଚାରେ । ମାଲୟାଲମ ଅଭିନେତ୍ରୀ ପ୍ରିୟା ପ୍ରକାଶଙ୍କୁ ଅନୁକରଣ କରି ଚର୍ଚ୍ଚା ସୃଷ୍ଟି କଲେ ନେହା । ପ୍ରିୟାଙ୍କ ଶୈଳୀରେ ନେହାଙ୍କ ଆଖି ମାରୁଥିବା ଭିଡ଼ିଓ ସୋସିଆଲ ମିଡ଼ିଆରେ ଏବେ ଭାଇରାଲ୍ ହେବାରେ ଲାଗିଛି । ବଲିଉଡର ଏହି ଆଗଧାଡ଼ିର କଣ୍ଠଶିଳ୍ପୀ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ଏହି ଭିଡ଼ିଓକୁ ପୋଷ୍ଟ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
‘କାଲା ଚଷମା’, ‘ମେଁ ତେରା ବୟଫ୍ରେଣ୍ଡ’, ‘କର ଗୟି ଚୁଲ’ ଭଳି ଗୀତ ଗାଇ ଲୋକପ୍ରିୟତା ହାସଲ କରିଥିବା ନେହାଙ୍କ ଭିଡ଼ିଓକୁ ମାତ୍ର ଗୋଟିଏ ଦିନ ମଧ୍ୟରେ ୧୨ ଲକ୍ଷରୁ ଉଦ୍ଧ୍ୱର୍ ପ୍ରଶଂସକ ଦେଖିଥିବା ଜଣାପଡ଼ିଛି । ଏହି ଅନ୍ଦାଜକୁ ପ୍ରସିଦ୍ଧ କରିବାର ଶ୍ରେୟ ପ୍ରିୟା ପ୍ରକାଶ କୁ ଯାଉଛି ।
ସୂଚନାଯୋଗ୍ୟ, ଗତ ମାସରେ ୨୬ ସେକେଣ୍ଡର ଏକ ଭିଡିଓ ପ୍ରିୟାଙ୍କୁ ଇଣ୍ଟରନେଟରେ ରାତାରାତି ଷ୍ଟାର ବନାଇ ଦେଇଥିଲା । ତାଙ୍କ ପିଲ୍ମ ‘ଓରୁ ଅଦାର ଲଭ’ ରିଲିଜ ହେବା ପୂର୍ବରୁ ସେ ପ୍ରସିଦ୍ଧି ଲାଭ କରିଥିଲେ । ପ୍ରିୟା ଗୁଗଲ ସର୍ଚ୍ଚ ମାମଲାରେ ସନି ଲିଓନିଙ୍କୁ ବି ପଛରେ ପକାଇ ଦେଇଥିଲେ । ଭେଲେଣ୍ଟାଇନ ଡେରେ ଭାଇରାଲ ହୋଇଥିବା ଏହି ଭିଡିଓ ବହୁତ ରେକର୍ଡ ସୃଷ୍ଟି କରିଥିଲା । ପ୍ରିୟାଙ୍କ ଏହି ଗୀତ ସ୍କୁଲ ରୋମାନ୍ସ ଉପରେ ଆଧାରିତ ଥିଲା, ଯେଉଁଠି ପୁଅ-ଝିଅ ଇସାରାରେ ପ୍ରେମଭାବ ବ୍ୟକ୍ତ କରୁଥିବା ନଜର ଆସିଥିଲେ ।