ନୟାଗଡରେ କଙ୍ଗାରୁ କୋର୍ଟ : ୨ଗିରଫ, ୩ଜଣଙ୍କୁ ଖୋଜୁଛି ପୁଲିସ
ନୟାଗଡ : ନୟାଗଡରେ କଙ୍ଗାରୁ କୋର୍ଟ । ଗାଁ ଦାଣ୍ଡରେ ଶିକ୍ଷକଙ୍କୁ ଆଣ୍ଠେଇ ଚଲେଇଲେ ଏବଂ ପୁଣି ଗୋଡ ତଳେ ଗଳାଇଲେ ଗାଁ ଲୋକ । ସଭାଡାକି ଗାଁ ଲୋକ ଶିକ୍ଷକଙ୍କୁ ଭୁଲମାଗିବା ସହ ଜଣଙ୍କ ଗୋଡ ତଳେ ଗଳିବାକୁ ବାଧ୍ୟ କରାଯାଇଛି । ଏପରିକି ଏହି ଭିଜୁଆଲ ସୋସିଆଲ ମିଡିଆରେ ଭାଇରାଲ ହୋଇଛି । ଲଜ୍ୟାରେ ଶିକ୍ଷକ ଜଣକ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି । ଅଭିଯୋଗ ପରେ ପୁଲିସ ୨ଜଣଙ୍କୁ ଗିରଫ କରିବା ସହ ୩ଜଣଙ୍କୁ ଖୋଜୁଛି । ଏହି ଅଭାବନୀୟ ଘଟଣା ଘଟିଛି ନୟାଗଡ ଜିଲ୍ଲାର ଇଟାମାଟି ଥାନା ଅନ୍ତର୍ଗତ ବାଉଁଶିଆପଡା ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ପାଟଚଣ୍ଡୀ ପ୍ରସାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିବା ବାଉଁଶିଆପଡାରେ ଶ୍ରୀଧର ନାୟକଙ୍କୁ ଏପରି ଅମାନୁଷିକ ନିର୍ଯ୍ୟାତନା ଦେଇଛନ୍ତି ଗାଁର କିଛି ଲୋକ । ପୂର୍ବ ବିବାଦକୁ କେନ୍ଦ୍ର କରି ଏଭଳି ନିର୍ଯ୍ୟାତନା ଦେଇଥିବାର ଅଭିଯୋଗ ହୋଇଛି । ଏ ସମ୍ପର୍କରେ ଶ୍ରୀଧର ଇଟାମାଟି ଥାନାରେ ଅଭିଯୋଗ କରିବା ପରେ ପୁଲିସ ବଳରାମ ପୁର ଗାଁର ମାୟାଧର ପ୍ରଧାନ ଓ ସଂଜୟ ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି । ମୁଖ୍ୟ ଖଳନାୟକ ବାରିଧର ଫେରାର ଥିବା ଜଣାପଡିଛି ।