ପାକିସ୍ତାନ ନିର୍ବାଚନ ଫଳାଫଳ ପରେ ଆସିଲା ନୱାଜ ସରିଫଙ୍କ ପ୍ରଥମ ପ୍ରତିକ୍ରିୟା : କହିଲେ, ଚୋରି କରାଯାଇଛି ଜନମତ, ଏହା କଳଙ୍କିତ ଓ ସନ୍ଦେହଜନକ
କନକ ବ୍ୟୁରୋ : ପାକିସ୍ତାନ ନିର୍ବାଚନ ଫଳାଫଳ ଆସିବା ପରେ ଆଜି ପ୍ରଥମ ଥର ପାଇଁ ପଦାକୁ ଆସିଛି ଜେଲ ଦଣ୍ଡ ଭୋଗୁଥିବା ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ୍ ପ୍ରତିକ୍ରିୟା । ସେ କହିଛନ୍ତି ଏହି ନିର୍ବାଚନରେ ଭୋଟରଙ୍କ ମତଦାନକୁ ଚୋରି କରାଯାଇଛି । ଚେତାବନୀ ଦେଇ କହିଛନ୍ତିି ଯେଉଁ ନିର୍ବାଚନ ଫଳାଫଳ ଆସିଛି ତାହା କଳଙ୍କିତ ଓ ସନ୍ଦେହଜନକ । ଏହା ଦେଶର ରାଜନୀତି ଉପରେ ଖରାପ ପ୍ରଭାବ ପକାଇବ । ଫୈସଲାବାଦ୍, ଲାହୋର ଓ ରାଓଲପିଣ୍ଡିରେ ଦଳ ଦୃଢ଼ ସ୍ଥିତିରେ ଥିଲେ ତାଙ୍କ ସମର୍ଥିତ ପ୍ରାର୍ଥୀମାନେ ପରାଜୟ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ନିର୍ବାଚନରେ ସବୁଠାରୁ ବଡ ଦଳ ଭାବେ ଉଭା ହୋଇଛି ପୂର୍ବତନ କ୍ରିକେଟର ଇମ୍ରାନ ଖାନଙ୍କ ପାର୍ଟି ତେହେରିକ ଏ ଇନସାଫ । ପ୍ରଥମ ଥର ପାଇଁ ପାରମ୍ପରିକ ଇସଲାମିକ ପାର୍ଟିଗୁଡିକୁ ପ୍ରତ୍ୟାଖାନ କରି ଇମ୍ରାନଙ୍କ ଦଳ ଉପରେ ଆସ୍ଥା ପ୍ରକଟ କରିଛନ୍ତି ପାକିସ୍ତାନବାସୀ । ମୋଟ ୨୭୨ ଆସନରୁ ସର୍ବାଧିକ ୧୨୨ଟିରେ ଜିତି ସଂଖ୍ୟା ଗରିଷ୍ଠ ଦଳର ନେତା ଭାବେ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି ଇମ୍ରାନ ଖାନ । ଆଉ ଦେଶର ଭାବି ପ୍ରଧାନମନ୍ତ୍ରୀ ଭାବେ ସାମ୍ବାଦିକ ସମ୍ମିଳନୀ କରି ତାଙ୍କର ଆଭିମୁଖ୍ୟ ରଖିଛନ୍ତି ।