ଖଟ, ଚଉକି, ଲଣ୍ଠନ ଏବଂ କ୍ୟାଟେଲ୍ : ଜେଲରେ ନୱାଜ୍ ସରିଫ୍ ଏବଂ ଝିଅ ମରିୟମଙ୍କୁ ମିଳିବ ଏହି ସୁବିଧା ।
ପାନାମା ପେପରରେ ଜଡିତ ଥିବା ଭ୍ରଷ୍ଟାଚାରରେ ଦୋଷୀ ସାବ୍ୟସ୍ତ ହେବା ପରେ ପାକିିସ୍ତାନ ପୂର୍ବ ପ୍ରଧାନମନ୍ତ୍ରୀ ନୱାଜ୍ ସରିଫ୍ ଏବଂ ଝିଅ ମରିୟମକୁ ଗିରଫ କରାଯାଇଛି । ଦୁହିଁଙ୍କୁ ଶୁକ୍ରବାର ଲଣ୍ଡନରୁ ପାକିସ୍ତାନ ଆସିବା ବାଟରେ ହିଁ ଗିରଫ କରାଯାଇଥିଲା । ଦୁହିଁଙ୍କୁ ରାୱଲପାଣ୍ଡି ଅଦିୟାଲା ସେଣ୍ଟ୍ରାଲ୍ ଜେଲରେ ରଖାଯାଇଥିଲା । ଯେଉଁଠାରେ ବାପ,ଝିଅଙ୍କୁ ବି କ୍ଲାସ୍ ସୁବିଧା ଯୋଗାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ପାନାମା ପେପର୍ସ ଲିକ ମାମଲାରେ ୬୮ବର୍ଷୀୟ ସରିଫଙ୍କୁ ପାକିସ୍ତାନୀ ଆକାଉଂଟିବିଲିଟି କୋର୍ଟ ୧୦ବର୍ଷ ସଶ୍ରମ କାରାଦଣ୍ଡାଦେଶ ଶୁଣାଇଛନ୍ତି । ପାନାମା ଦୁର୍ନୀତି ଅଭିଯୋଗ ସହ ଲଣ୍ଡନରେ ୪ଟି ଫ୍ଲାଟ କିଣାରେ ଦୁର୍ନୀତି ହୋଇଥିବା ନେଇ ଅଭିଯୋଗ ହୋଇଥିଲା । ଝିଅ ମରିୟମଙ୍କୁ ମଧ୍ୟ ୭ବର୍ଷ ଜେଲ ଦଣ୍ଡାଦେଶ ହୋଇଛି । ତେବେ ଏହି କ୍ଷେତ୍ରରେ ନୱାଜଙ୍କ ପୁଅ ଉକ୍ତ ସ୍ଥାନରୁ ପଳାୟନ କରିବାରେ ସଫଳ ହୋଇଛନ୍ତି ।
ବାପ-ଝିଅଙ୍କୁ ଜେଲରେ ମିଳିବ ଏହି ସୁବିଧା :
୧. ନୱାଜ୍ ସରିଫ୍ ଏବଂ ଝିଅ ମରିୟମକୁ ଅଦିୟାଲା ସେଣ୍ଟ୍ରାଲ୍ ଜେଲର ଭିନ୍ନ ଭିନ୍ନ ସେଲରେ ରଖାଯିବ । ଦୁହିଁଙ୍କ ଶୋଇବା ପାଇଁ ଗୋଟିଏ ଗୋଟିଏ ଖଟ,ଗଦି ଏବଂ କମ୍ବଳ ଦିଆଯିବ ।
୨. ଦୁହିଁଙ୍କୁ ପ୍ରତିଦିନ ପଢିବା ପାଇଁ ବହି ଏବଂ ଉର୍ଦ୍ଦୁ,ଇଂରାଜି ଖବରକାଗଜ ଦିଆଯିବ ।
୩. ଦୁହିଁଙ୍କୁ ୨୧ ଇଞ୍ଚ ଟି.ଭି.,ଗୋଟିଏ ଟେବୁଲ ଏବଂ ଚଉକି ମିଳିବ ।
୪. ଘର ପୋଷାକ ବ୍ୟବହାର କରିବାକୁ ସୁବିଧା ଦିଆଯିବ ।
୫. ଦୁହିଁଙ୍କ ଇଚ୍ଛା ମୁତାବକ ଘର କିମ୍ବା ଜେଲର ଖାଇବା ଦିଆଯିବ ।
୬. କାଠ ଆଲମାରୀ,କ୍ୟାଟିଲ ଏବଂ ଲଣ୍ଠନ ମଧ୍ୟ ଦିଆଯିବ ।
୭. ସ୍ନାନ ପାଇଁ ସାନିଟାରୀ ସାମଗ୍ରୀ ମଧ୍ୟ ଉପଲବ୍ଧ ରହିବ ।