ଆଗକୁ ଅସହଯୋଗ ଆନ୍ଦୋଳନ! ଜଗତସିଂହପୁରରେ ନବନିର୍ମାଣ କୃଷକ ସଂଘର ସଙ୍କଳ୍ପ ଦିବସ
କନକ ବ୍ୟୁରୋ : ନବ ନିର୍ମାଣ କୃଷକ ସଂଗଠନର ଚାଷୀଙ୍କ ଅଧିକାରୀ ପାଇଁ କରିଥିବା ଯାତ୍ରାର ଆଜି ହୋଇଛି ଉଦଯାପନ । ଚାଷୀ ପାଇଁ ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍ ଦାବି ନେଇ ଆନ୍ଦୋଳନ କରୁଥିବା ନବ ନିର୍ମାଣ କୃଷକ ସଂଗଠନ ପାଳନ କରିଛି ସଂକଳ୍ପ ଦିବସ । ଜଗତସିଂହପୁରରେ ଆୟୋଜିତ ଏହି ସଂକଳ୍ପ ଦିବସରେ ସାମିଲ ହୋଇଛନ୍ତି ଶହ ଶହ ଚାଷୀ । ଗତ ୨୯ ଦିନରେ ସାରା ଓଡିଶାର ଚାଷୀଙ୍କୁ ଏକାଠି କରିବା ପାଇଁ ସଂଗଠନ କରିଥିଲା ଏହି ଯାତ୍ରା ।
Kanak News is now on WhatsApp
Join and get latest news updates delivered to you via WhatsApp
ଗତ ଡିସେମ୍ବର ୧୪ ତାରିଖରେ ଭୁବନେଶ୍ୱରରେ ବିଶାଳ କୃଷକ ସମାବେଶ ପାଇଁ ଚାଷୀ ଏକାଠି ହେଉଥିବା ବେଳେ ତାହାକୁ ଭଣ୍ଡୁର କରିଥିଲେ ସରକାର । ସମାବେଶ ପୂର୍ବରୁ କୃଷକ ନେତାଙ୍କୁ ଗିରଫ କରିବା ସହ ଭୁବନେଶ୍ୱର ଆସୁଥିବା ଚାଷୀଙ୍କ ଉପରେ ଜୁଲୁମ୍ ବି କରିଥିଲେ । ଏହାର ପ୍ରତିବାଦ କରିବା ସହ ଚାଷୀଙ୍କୁ ସେମାନଙ୍କ ଅଧିକାର ଜଣାଇବା ପାଇଁ ନବ ନିର୍ମାଣ କୃଷକ ସଂଗଠନ ଜାନୁଆରୀ ୩ ତାରିଖରୁ ଯାଜପୁରରୁ ଆରମ୍ଭ କରିଥିଲା କୃଷକ ଅଧିକାର ଯାତ୍ରା । ସାରା ରାଜ୍ୟ ବୁଲିବା ପରେ ଏହାର ସମାପନ ଉତ୍ସବ ଜଗତସିଂହପୁର ଠାରେ ହୋଇଛି ।
ଏହି ସଭା କରିବା ନେଇ ମଧ୍ୟ ଜିଲ୍ଲା ପ୍ରଶାସନ ସର୍ତ ରଖିବା ସହ ସରକାର ବିରୋଧରେ ସ୍ୱର ନଉଠାଇବାରୁ ଚେତାବନୀ ଦେଇଥିଲା । ଏପରି କି ରାଜନୈତିକ ଦଳ ସହ ସଂପୃକ୍ତ ବ୍ୟକ୍ତିଙ୍କୁ ସାମିଲ ନକରିବାକୁ ମଧ୍ୟ କୁହାଯାଇଥିଲା । ଚାଷୀଙ୍କ ସଭାକୁ ନେଇ ଏଭଳି ସର୍ତ ଅନେକ ପ୍ରଶ୍ନ ସୃଷ୍ଟି କରିଛି ।