ଦିଲ୍ଲୀରେ ପହଂଚିଲା ରାଜ୍ୟର କୃଷକ ଆନ୍ଦୋଳନ ! ପ୍ରାଇସ, ପ୍ରେଷ୍ଟିଜ ଓ ପେନସନ ଦାବିରେ କେନ୍ଦ୍ର ସରକାରଙ୍କୁ ନବନିର୍ମାଣ କୃଷକ ସଙ୍ଗଠନର ଚେତାବନୀ
କନକ ବ୍ୟୁରୋ: ଦିଲ୍ଲୀରେ ପହଂଚିଛି ରାଜ୍ୟର କୃଷକ ଆନ୍ଦୋଳନ । ପ୍ରାଇସ, ପ୍ରେଷ୍ଟିଜ ଓ ପେନସନ ଦାବିରେ କେନ୍ଦ୍ର ସରକାରଙ୍କୁ ଚେତାବନୀ ଦେଇଛି ନବନିର୍ମାଣ କୃଷକ ସଙ୍ଗଠନ । ୬ ମାସରେ ଏହାକୁ କାର୍ଯ୍ୟକାରୀ କର, ନହେଲେ ଗାଦି ଛାଡ ବୋଲି ସଙ୍ଗଠନ ଚେତାବନୀ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀର ପ୍ରେସ୍ କ୍ଲବ ଅଫ ଇଣ୍ଡିଆରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସଙ୍ଗଠନର ମୁଖ୍ୟ ସଂଯୋଜକ ଅକ୍ଷୟ କୁମାର କହିଛନ୍ତି- ନିଜ ଦାବି ନେଇ ରାଜ୍ୟରେ ଚାଷୀମାନେ ଦୀର୍ଘ ଦିନ ହେଲା ଆନ୍ଦୋଳନ କରୁଛନ୍ତି । କିନ୍ତୁ ସମସ୍ୟାର ସମାଧାନ ହେଉନାହିଁ । ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ପାଇଁ ଓଡିଶା ସରକାର ପ୍ରସ୍ତାବ ଦେଇଥିଲେ ବି କେନ୍ଦ୍ର ସରକାର ଶୁଣୁନାହାନ୍ତି ।
ଏଥିପାଇଁ ଚାପ ସୃଷ୍ଟି କରାଯିବ । କାଲି କୃଷକ ସଙ୍ଗଠନ ପକ୍ଷରୁ ଦିଲ୍ଲୀରେ ସମ୍ମିଳନୀର ଆୟୋଜନ କରାଯାଇଛି । ଏଥିରେ ୫ ହଜାରରୁ ଅଧିକ ଚାଷୀ ଓ ୨୨ଟି ରାଜ୍ୟର ୧୦ ହଜାରରୁ ଅଧିକ ବ୍ୟକ୍ତିବିଶେଷ ସାମିଲ ହେବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦିଆଯିବ ।