କନକ ବ୍ୟୁରୋ : ସହିଦ ଓଡିଆ ଯବାନଙ୍କ ପରିବାର ସହ କଥାହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨ ଓଡିଆ ସହିଦ ପରିବାରଙ୍କ ସହ ନବୀନ ପଟ୍ଟନାୟକ କଥାହୋଇଛନ୍ତି । ସହିଦଙ୍କ ପରିବାରଙ୍କୁ ସମବେଦନା ଜଣାଇଛନ୍ତି । ପୁଲୱାମା ଆକ୍ରମଣରେ ଦୁଇଜଣ ଓଡିଆ ବୀର ସହିଦ ହୋଇଛନ୍ତି । ସେମାନେ ହେଉଛନ୍ତି ଜଗତସିଂହପୁର ଜିଲ୍ଲା ନାଉଗାଁ ଶିଖର ଗାଁର ପ୍ରସନ୍ନ କୁମାର ସାହୁ ଓ କଟକ ଜିଲ୍ଲାର ରତନପୁର ଗାଁର ମନୋଜ ବେହେରା । ଗତକାଲି ଆତଙ୍କବାଦୀ ହମଲାରେ ଏହି ଦୁଇ ଓଡିଆ ବୀର ସହିଦ ହୋଇଛନ୍ତି । ପ୍ରସନ୍ନ ସିଆରପିଏଫର ୬୧ ବାଟାଲିୟନରେ କାର୍ଯ୍ୟରତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତରାତି ପ୍ରାୟ ୧୨ଟାରୁ ଗୋଟାଏ ଭିତରେ ନାଉଗାଁ ଥାନାଙ୍କ ପ୍ରସନ୍ନଙ୍କ ସହିଦ୍ ହେବା ଖବର ଆସିଥିଲା । ତାପରେ ପୋଲିସ ଏହି ଖବର ପ୍ରସନ୍ନଙ୍କ ଘରେ ଜଣାଇଥିଲା । ଆଜି ତାଙ୍କ ମରଶରୀର ଆସିବ ବୋଲି ଜଣାପଡିଛି । ଏହି ଖବର ପାଇବା ପରେ ତାଙ୍କ ଜନ୍ମମାଟି ଶିଖର ଗାଁରେ ଶୋକାକୂଳ ପରିବେଷ ସୃଷ୍ଟି ହୋଇଛି ।ସେହିପରି ନିଆଳି ରତନପୁର ଗାଁର ମନୋଜ ବେହେରା ପୁଲୱାମା ଆକ୍ରମଣରେ ଦେଶ ପାଇଁ ସହିଦ ହୋଇଛନ୍ତି । ସେ ମାତ୍ର କିଛି ଦିନ ତଳେ ଗାଁକୁ ଆସି ଫେରିଥିଲେ । ଏହି ଖବର ଆସିବା ପରେ ଗାଁରେ ଶୋକର ଛାୟା ଖେଳିଯାଇଛି । ମନୋଜଙ୍କ ଦୁଇବର୍ଷର ଝିଅ ଅଛି । ମନୋଜଙ୍କୁ ଗାଁ ଲୋକେ ଝୁରୁଛନ୍ତି । ୨୦୦୬ରେ ସେ ସିଆରପିଏଫରେ ଯୋଗ ଦେଇଥିଲେ ।
ଜମ୍ମୁ-କାଶ୍ମୀରର ପୁଲଓ୍ବାମା ଠାରେ ହୋଇଥିବା ହୃଦୟ ବିଦାରକ ଆତଙ୍କବାଦୀ ଆକ୍ରମଣରେ ଶହୀଦ ଯବାନଙ୍କ ମଧ୍ୟରେ ଦୁଇ ଓଡ଼ିଆ ଯବାନ ପ୍ରସନ୍ନ କୁମାର ସାହୁ ଓ ମନୋଜ କୁମାର ବେହେରା ଶହୀଦ ହୋଇଥିବା ବିଷୟରେ ଜାଣି ମୁଁ ମର୍ମାହତ। ବୀର ଯବାନଙ୍କ ଅମର ଆତ୍ମାର ସଦଗତି କାମନା କରିବା ସହିତ ଶୋକସନ୍ତପ୍ତ ପରିବାର ବର୍ଗଙ୍କ ପ୍ରତି ମୋର ସମବେଦନା ଜଣାଉଛି।
— Naveen Patnaik (@Naveen_Odisha) February 15, 2019