ବିଜେଡ଼ିର ଜନସମ୍ପର୍କ ପଦଯାତ୍ରାରୁ ବିଜେପିକୁ ଟାର୍ଗେଟ କଲେ ନବୀନ : କହିଲେ ପମ୍ପା ମାଠିଆର ଶଦ୍ଦ ବେଶୀ, କଥାରେ ନୁହେଁ ଆମେ କାମରେ ବିଶ୍ୱାସ କରୁ
କନକ ବ୍ୟୁରୋ : ଆଜିଠାରୁ ବିଜେଡ଼ି ଆରମ୍ଭ କରିଛି ଜନ ସମ୍ପର୍କ ପଦଯାତ୍ରା । ଗାନ୍ଧୀ ଜୟନ୍ତୀ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଦଯାତ୍ରାର ଶୁଭାରମ୍ଭ କରିଛନ୍ତି । ତେବେ ଗାନ୍ଧୀ ଜୟନ୍ତୀରେ ବିଜେପି ଜନସଂପର୍କ ପଦଯାତ୍ରା ଶୁଭାରମ୍ଭ ଅବସରରେ ବିଜେପିଙ୍କୁ ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପମ୍ପା ମାଠିଆର ଶଦ୍ଦ ବେଶି ବୋଲି ନବୀନ କହିଛନ୍ତି । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଏକ ଐତିହାସିକ ପଦକ୍ଷେପ । ରାଜ୍ୟ ସରକାର ନିଜସ୍ୱ ଖାଦ୍ୟ ସୁରକ୍ଷା ଯୋଜନା ଆଜିଠୁ ଆରମ୍ଭ କରୁଛନ୍ତି । ୨୫ ଲକ୍ଷ ଲୋକ ଏହି ସୁବିଧା ପାଇବେ । କଥାରେ ନୁହେଁ କାମରେ ବିଶ୍ୱାସ କରୁ ବୋଲି ନବୀନ କହିଛନ୍ତି । ଓଡ଼ିଶା ଲୋକଙ୍କ ସହ ଆମ ସରକାର ଅଛି ।ଲୋକଙ୍କୁ ଦେଇଥିବା ପ୍ରତିଶ୍ରୁତି ପାଳନ କରୁଛୁ । ପୁଣି ସ୍ୱତନ୍ତ୍ର ପାହ୍ୟା ରାଜ୍ୟ ପ୍ରସଙ୍ଗ ଉଠାଇଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
ପଦଯାତ୍ରା ସମୟରେ ଦଳୀୟ କର୍ମୀମାନେ ରାଜ୍ୟସରକାରଙ୍କ ବିଭନ୍ନ ଜନହିତକର କାର୍ୟ୍ୟକ୍ରମ ଆମ ଗାଁ ଆମ ବିକାଶ, ଆମ ସହର ଆମ ଉନ୍ନତି, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁରକ୍ଷା ଯୋଜନା, ମହିଳା, କୃଷକ ଓ ଛାତ୍ରଙ୍କ ପାଇଁ ୧ ପ୍ରତିଶତ ସୁଧରେ ଋଣ ବ୍ୟବସ୍ଥା, ଜନଜାତିଙ୍କ ପାଇଁ ସ୍ୱତନ୍ତ୍ର ବିକାଶ ପରିଷଦ ଗଠନ,ସହରାଂଚଳ ବସ୍ତି ବାସିନ୍ଦାଙ୍କୁ ଭୂମି ଓ ସଂପତି ଅଧିକାର, ମିଶନ ଶକ୍ତି ଯୋଜନା ସଂପର୍କରେ ଜନସାଧାରଣଙ୍କୁ ଅବଗତ କରାଇଛନ୍ତି ।
ଆଜିଠୁ ଏକ ମାସ ଧର ବିଜେଡିର ଜନସଂପର୍କ ପଦଯାତ୍ରା ଚାଲିବ । ଭୁବନେଶ୍ୱର ମହାନଗର ନିଗମର ୫୩ ନମ୍ବର ୱାର୍ଡ ଅନ୍ତର୍ଗତ ଝରଣା ସାହି ବସ୍ତିରୁ ଏହି ପଦଯାତ୍ର ଶୁଭାରମ୍ଭ କରାଯାଇଛି । ସାରା ରାଜ୍ୟରେ ଏଭଳି ପଦଯାତ୍ରା କରାଯାଇଛି । ବିଜେଡି କର୍ମକର୍ତାମାନେ ପ୍ରତି ୱାର୍ଡକୁ ଯାଇ ଲୋକଙ୍କ ପାଖରେ ପହଚିଂବେ । ପଦଯାତ୍ରା ସମୟରେ ଦଳୀୟ କର୍ମୀମାନେ ରାଜ୍ୟସରକାରଙ୍କ ବିଭନ୍ନ ଜନହିତକର କାର୍ଯ୍ୟକ୍ରମ ଆମ ଗାଁ ଆମ ବିକାଶ, ଆମ ସହର ଆମ ଉନ୍ନତି, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁୂରକ୍ଷା ଯୋଜନା, ମହିଳା, କୃଷକ ଓ ଛାତ୍ରଙ୍କ ପାଇଁ ୧ ପ୍ରତିଶତ ସୁଧରେ ଋଣ ବ୍ୟବସ୍ଥା, ଜନଜାତିଙ୍କ ପାଇଁ ସ୍ୱତନ୍ତ୍ର ବିକାଶ ପରିଷଦ ଗଠନ,ସହରାଂଚଳ ବସ୍ତି ବାସିନ୍ଦାଙ୍କୁ ଭୂମି ଓ ସଂପତି ଅଧିକାର, ମିଶନ ଶକ୍ତି ଯୋଜନା ସଂପର୍କରେ ଜନସାଧାରଣଙ୍କୁ ଅବଗତ କରାଯିବ ।