ନବୀନଙ୍କ ମିଡିଆ ମ୍ୟାନେଜମେଂଟ୍ : ଓଡିଶା ମିଡିଆକୁ ନା, ହେଲେ ଜାତୀୟ ମିଡିଆକୁ ଦେଉଛନ୍ତି ପ୍ରତିକ୍ରିୟା
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାଧାରଣତଃ ରାଜ୍ୟର ଗଣମାଧ୍ୟମଗୁଡ଼ିକୁ ପ୍ରତିକ୍ରିୟା ଦେଇନଥାନ୍ତି । ସେ ନଗଡ଼ା ହେଉ କି ଗୁମୁଡୁମାହା କୌଣସି ସମ୍ବେଦନଶୀଳ ପ୍ରସଙ୍ଗରେ ସାମ୍ବାଦିକଙ୍କ ପ୍ରଶ୍ନର ଉତର ଦେଇନଥାନ୍ତି ନବୀନ । ଆଜି ନଗଡ଼ା ପ୍ରସଙ୍ଗରେ ରାଜ୍ୟ ଗଣମାଧ୍ୟମର ପ୍ରତିନିଧିମାନଙ୍କୁ ଏଡାଇଯାଇଥିବା ବେଳେ କୌଣସି କାରଣରୁ ଏକ ଜାତୀୟ ଟେଲିଭିଜନ୍ ଚାନେଲର ସାମ୍ବାଦିକଙ୍କ ପାଖରେ ଅଟକି ଯାଇଥିଲେ ନବୀନ । ଆଉ କହିଥିଲେ ନଗଡ଼ା ସଂପର୍କରେ ଏକ ଟାସ୍କଫୋର୍ସ ଗଢ଼ାଯାଇଛି । ଆଉ ତା’ ଭିତରେ ନବୀନଙ୍କ ବାଇଟ୍ ପାଇବା ପାଇଁ ରାଜ୍ୟ ଗଣମାଧ୍ୟମର ପ୍ରତିନିଧିଙ୍କୁ ପୁରାପୁରି କସରତ୍ କରିବାକୁ ପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ନବୀନ ନଗଡ଼ା ପ୍ରସଙ୍ଗରେ ଏକ ଟାସ୍କ ଫୋର୍ସ ଗଢ଼ାଯାଇଛି ବୋଲି କହିିଥିଲେ ମଧ୍ୟ ସଂପୃକ୍ତ ସାମ୍ବାଦିକାଙ୍କ ଅଧିକ କୌଣସି ପ୍ରଶ୍ନର ଉତର ଦେଇନଥିଲେ । ସଂପୃକ୍ତା ସାମ୍ବାଦିକା ପଚାରିଥିଲେ- ଆପଣ କ’ଣ ଭାବୁ ନାହାନ୍ତି, ୧୬ ବର୍ଷର ଶାସନ ପରେ ଏହା ଆପଣଙ୍କ ସରକାରର ଏକ ବିଫଳତା । ଆପଣଙ୍କ ମନ୍ତ୍ରୀ କହୁଛନ୍ତି- ସେହି ଲୋକଙ୍କର ଅଧିକ ପିଲା ଅଛନ୍ତି । ମାତ୍ର ଏ ସବୁ କଥା ଶୁଣି ବି କୌଣସି ଉତର ନଦେଇ ଆଗକୁ ଚାଲିଥିଲେ ମୁଖ୍ୟମନ୍ତ୍ରୀ।
ହେଲେ ଏହାରି ଭିତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମାୟାବତୀଙ୍କ ଉପରେ ଜଣେ ବିଜେପି ନେତା ଦେଇଥିବା ଅଶୋଭନୀୟ ଟିପ୍ପଣୀ କୁ ନିନ୍ଦା କରିଥିଲେ। ଏ ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ ବିବୃତି ଜାରି କରାଯାଇଥିଲା ।