ସୁଷମାଙ୍କ ପାଇଁ ବାହାରିଲେନି ମୋଦି, ସମର୍ଥନ ଦେଲେ ନବୀନ । କହିଲେ, ସାଧାରଣ ଲୋକଙ୍କ ପାଇଁ କାମ କରୁଛନ୍ତି । ଅସୈାଜନ୍ୟ ବ୍ୟବହାରକୁ ନିନ୍ଦା କରୁଛି ।
କେନ୍ଦ୍ର ବୈଦେଶିକ ବ୍ୟାପାରମନ୍ତ୍ରୀ ସୁଷମା ସ୍ୱରାଜଙ୍କ ସପକ୍ଷରେ ବାହାରିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଟ୍ୱିଟରରେ ଯେଉଁଭଳି ଭାବେ ସୁଷମାଙ୍କ ବିରୋଧରେ ଅପମାନସୂଚକ ମତ ପ୍ରୟୋଗ କରାଯାଇଥିଲା ତାକୁ ଦୃଢ ଭାବେ ନିନ୍ଦା କରିଛନ୍ତି ମୁଖ୍ୟମନ୍ତ୍ରୀ । ସୋସିଆଲ ମିଡିଆରେ ଯେଉଁଭଳି ଅସହିଷ୍ଣୁତାର ବାତାବରଣ ତିଆରି କରାଗଲା ତାହା ଗ୍ରହଣୀୟ ନୁହେଁ ବୋଲି ବାର୍ତ୍ତା ଦେଇଛନ୍ତି ଓଡିଶା ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ନବୀନ ନିଜ ଟ୍ୱିଟର ପେଜରେ ଲେଖିଛନ୍ତି, ସୋସିଆଲ ମିଡିଆକୁ ମାଧ୍ୟମ କରି ସୁଷମା ସ୍ୱରାଜ ଦେଶର ସେବା କରୁଛନ୍ତି, ସାଧାରଣ ଲୋକଙ୍କ ପାଇଁ କାମ କରୁଛନ୍ତି । ତାଙ୍କ ପ୍ରତି ଅସୈାଜନ୍ୟ ବ୍ୟବହାର ଓ ବିଷୋଦଗାରକୁ ମୁଁ ନିନ୍ଦା କରୁଛି ।
Strongly denounce the vitriolic & intolerant responses to @SushmaSwaraj ji. She has been a leader in using social media to help common citizens of the country. Such conduct must be strongly condemned.
— Naveen Patnaik (@Naveen_Odisha) July 4, 2018
ଗତ କିଛି ଦିନ ଭିତରେ ଟ୍ୱିଟର ପେଜରେ ଜଣେ ପାସପୋର୍ଟ ଅଧିକାରୀଙ୍କ ବଦଳିକୁ ନେଇ ବିବାଦ ଦେଖିବାକୁ ମିଳିଥିଲା । ଯେତେବେଳେ ଜଣେ ହିନ୍ଦୁ ଓ ମୁସଲମାନ ଦମ୍ପତିଙ୍କ ପ୍ରତି ଜଣେ ପାସପୋର୍ଟ ଅଧିକାରୀ ଅପମାନସୂଚକ ବୟାନ ଦେଇଥିଲେ ଆଉ କାର୍ଯ୍ୟାନୁଷ୍ଠାନ ସ୍ୱରୂପ ତାଙ୍କୁ ବଦଳି କରାଯାଇଥିଲା । ବଡ କଥା ହେଉଛି ଯେ, ସୁଷମାଙ୍କୁ ତାଙ୍କ ଦଳ ଭିତରୁ ସମର୍ଥନ ମିଳିନଥିଲା । ଆଉ ଏବେ ନବୀନ ତାଙ୍କୁ ସମର୍ଥନ ଦେଇ ଭିନ୍ନ ଏକ ପରିଭାଷା ସୃଷ୍ଟି କରିଛନ୍ତି ।
ଜଣେ ପାସପୋର୍ଟ ଅଧିକାରୀଙ୍କ ବଦଳିକୁ ନେଇ ଟ୍ରୋଲର ଶିକାର ହୋଇଥିଲେ ସୁଷମା । ହିନ୍ଦୁ ଓ ମୁସଲମାନ ଦଂପତିଙ୍କ ପାସପୋର୍ଟ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା । ରିପୋର୍ଟ ଅନୁସାରେ ଅଧିକାରୀ ଜଣଙ୍କ ଉକ୍ତ ମହଳାଙ୍କୁ କହିଥିଲେ, ଜଣେ ହିନ୍ଦୁ ହୋଇ ମୁସଲମାନଙ୍କୁ କାହିଁକି ବାହା ହେଲେ? ଏହାକୁ ନେଇ ରିପୋର୍ଟ ସାମ୍ନାକୁ ଆସିବା ପରେ ଅଧିକାରୀ ବିକାଶ ମିଶ୍ରଙ୍କୁ ବଦଳି କରାଯାଇଥିଲା ।
ଏହି ପ୍ରସଙ୍ଗରେ ସୁଷମାଙ୍କୁ ତାଙ୍କ ଦଳ ଭିତରେ ମଧ୍ୟ ବିଶେଷ ସମର୍ଥନ ମିଳିନଥିଲା । ରାଜନାଥ ସିଂ ଓ ନୀତିନ ଗଡକରୀଙ୍କୁ ଛାଡିଦେଲେ ଆଉ କେହି ସାମ୍ନାକୁ ଆସିନଥିଲେ । ଗୁରୁତ୍ୱପୂର୍ଣ୍ଣ କଥା ହେଉଛି, ଯେଉଁମାନେ ସୁଷମା ସ୍ୱରାଜଙ୍କ ପ୍ରତି ଅପମାନ ସୂଚକ ବୟାନ ଦେଇଥିଲେ ସେମାନଙ୍କ ମଧ୍ୟରୁ ଅନେକଙ୍କୁ ସୋସିଆଲ ମିଡିଆରେ ବିଜେପିର ନେତା ମନ୍ତ୍ରୀ ଫଲୋ କରିଛନ୍ତି । ଯାହାକୁ ନେଇ ବିବାଦ ମଧ୍ୟ ଦେଖିବାକୁ ମିଳିଥିଲା । ତେବେ ନିଜ କ୍ୟାବିନେଟର ବରିଷ୍ଠ ମନ୍ତ୍ରୀ ସୁଷମା ସ୍ୱରାଜଙ୍କ ପ୍ରତି ନିନ୍ଦନୀୟ ଆଚରଣକୁ ଏଯାଏଁ ମୋଦି ନିନ୍ଦା
କରିନାହାନ୍ତି । ସେ କାହିଁକି ଚୁପ ଅଛନ୍ତି ବୋଲି ମଧ୍ୟ ଅନେକ ପ୍ରଶ୍ନ ପଚାରିଛନ୍ତି ।