କନକ ବ୍ୟୁରୋ : ଜଗତସିଂହପୁର ବିଜେଡି ପଂଚାୟତ ସମୀକ୍ଷାବେଳେ ମାନ ଦେଖାଇଲେ ଦାମ । ବୈଠକ ଅଧାରୁ ଉଠି ବାହାରେ କର୍ମୀଙ୍କ ପାଖରେ ବସିଲେ ବିଜେଡି ଉପ-ସଭାପତି ଡାକ୍ତର ଦାମୋଦର ରାଉତ । ପରେ ଦଳୀୟ ନେତା ବୁଝାସୁଝା କରିବା ପରେ ଦାମ ବାବୁ ପୁଣି ବୈଠକରେ ଯୋଗ ଦେଇଥିଲେ । ମୁଖ୍ୟମନ୍ତ୍ରୀ ଥିବା ସମୟରେ ଦାମ ବାବୁ ବୈଠକରୁ ଉଠିବାରୁ ପ୍ରଶ୍ନ ଉଠୁଛି, କାହିଁକି ଖପ୍ପା ହେଲେ ଦାମ ବାବୁ?
Kanak News is now on WhatsApp
Join and get latest news updates delivered to you via WhatsApp
ଦାମଙ୍କ କ୍ଷୋଭ । ଜଗତସିଂହପୁର ବିଜେଡି ପଂଚାୟତ ସମୀକ୍ଷା ଅଧାରୁ ଉଠି ଆସିଥିଲେ ଦାମ ବାବୁ । ବିଜେଡି ମୁଖ୍ୟ କାର୍ଯ୍ୟାଳୟର ଏସି ରୁମ୍ ଛାଡି ଟାଣ ଖରାରେ କର୍ମୀଙ୍କ ସହ ବସିଥିଲେ ଦାମ । ଦୀର୍ଘ ସମୟ ଆଲୋଚନା ପରେ ବାହାରକୁ ଆସିଥିଲେ ଯୁବ ବିଜେଡି ସାଧାରଣ ସଂପାଦକ ବିଜୟ ନାୟକ । ଏବଂ ବାହାରେ ବସିଥିବା ଦାମ ବାବୁଙ୍କୁ ବୁଝାସୁଝା କରିଥିଲେ । ଶେଷରେ ତାଙ୍କ କଥା ମାନି ପୁଣି ଥରେ ବୈଠକରେ ଯୋଗ ଦେଇଥିଲେ ଦାମ ବାବୁ ।
ଏବେ ପ୍ରଶ୍ନ ଉଠୁଛି, କାହିଁକି ଦାମ ବାବୁଙ୍କ ଏହି କ୍ଷୋଭ?
– ମଂଚ ତଳେ ଦାମ । ହେଲେ ମଂଚ ଉପରେ ସୂର୍ଯ୍ୟ ପାତ୍ର ଓ ଦେବାଶିଷ ସାମନ୍ତରାୟଙ୍କୁ ହଜମ କରି ପାରିଲେନି କି?
– କିଛି କର୍ମୀ ଦାମଙ୍କ ବିରୋଧରେ ନବୀନଙ୍କୁ କହିଲେ କି?
– ସବୁ କର୍ମୀଙ୍କୁ କହିବା ପାଇଁ ସୁଯୋଗ ମିଳିଲାନି କି?
ତେବେ ବିଭିନ୍ନ ସମୟରେ ବିଜେଡିର କାର୍ଯ୍ୟକ୍ରମରେ ଦେଖିବାକୁ ମିଳେ ଦାମ ବାବୁଙ୍କ ଅସନ୍ତୋଷ । ଗୋଟାଏ ପଟେ ଦାମଙ୍କ ଗଡରେ ପରାଜିତ ହେଲା ବିଜେଡି ତ ଅନ୍ୟପଟେ ଦଳୀୟ ପରିଚାଳନାକୁ ନେଇ ଦାମଙ୍କ ଅସନ୍ତୋଷର ନିଆଁ କମୁନି । ଏପରି ସ୍ଥିତିରେ ଦଳୀୟ ମତାନ୍ତର ଦୂର ପାଇଁ ଯେଉଁ ସମୀକ୍ଷା ବୈଠକ କରୁଥିଲେ ନବୀନ, ସେଠାରୁ ଦାମ ବାବୁ ଉଠି ପଳାଇବା ବିଜେଡି ନେତାଙ୍କ ମଧ୍ୟରେ ଚାଲିଥିବା କନ୍ଦଳ ପ୍ରସଙ୍ଗର ଚର୍ଚ୍ଚା ପାଇଁ ଖୋରାକ୍ ଯୋଗାଇଛି ।