କନକ ବ୍ୟୁରୋ : ପ୍ରତି ବର୍ଷ ଭଳି ମୁଖ୍ୟମନ୍ତ୍ରୀ ଓ ମନ୍ତ୍ରୀମାନଙ୍କ ସମ୍ପତ୍ତି ତାଲିକା ୱେବସାଇଟରେ ପ୍ରକାଶ ପାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମ୍ପତି ନିର୍ବାଚନ ବେଳେ ପ୍ରାୟ ୧୨ କୋଟି ଟଙ୍କାଥିବାବେଳେ ନିର୍ବାଚନ ପରେ ଏହା ପ୍ରାୟ ୫୦ କୋଟି ଟଙ୍କା ରହିଥିବା ନବୀନ ଦେଖାଇ ଆସୁଛନ୍ତି । ନବୀନଙ୍କ ବିଭିନ୍ନ ଆକାଉଂଟରେ ରହିଛି ପ୍ରାୟ ୨୫ ଲକ୍ଷ ଟଙ୍କା । ତେବେ ମଜାର କଥା ହେଉଛି ନବୀନ ଭଉଣୀ ଗୀତାଙ୍କଠାରୁ ତିନି ବର୍ଷ ତଳେ ଧାର ନେଇଥିବା ୧୫ ଲକ୍ଷ ଟଙ୍କା ଏପର୍ଯ୍ୟନ୍ତ ଫେରାଇନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୭ ବର୍ଷ ଧରି ଲଗାତାର ଚାରି ଚାରି ଥର ମୁଖ୍ୟମନ୍ତ୍ରୀ ରହିଥିବା ନବୀନ ପଟ୍ଟନାୟକ ଭଊଣୀ ଗୀତା ମେହେଟ୍ଟାଙ୍କ ଋଣ ଶୁଝିପାରୁନାହାନ୍ତି । ଏକଥା ଆଉ କେହି ନୁହେଁ, ଖୋଦ୍ ମୁଖ୍ୟମନ୍ତ୍ରୀ ନିଜେ ଦାଖଲ କରିଥିବା ସମ୍ପତ୍ତି ତାଲିକାରେ ଉଲ୍ଲେଖ କରିଛନ୍ତି । ନିର୍ବାଚନ ପରେ ପରେ ନବୀନ ଭଉଣୀ ଗୀତା ମେହଟୋଙ୍କଠାରୁ ୧୫ ଲକ୍ଷ ଟଙ୍କା କରଜ ବା ଋଣ ଆଣିଥିଲେ ବୋଲି ୨୦୧୪-୧୫ ମସିହାରେ ଦର୍ଶାଇଥିଲେ । ତେବେ ଏହି ଋଣ ଏବେ ବି ଗଡୁଛି । ନବୀନଙ୍କ ଦିଲ୍ଲୀ ଓ ଭୁବନେଶ୍ୱର ସମେତ କେତେକ ଆକାଉଂଟରେ ପ୍ରାୟ ୨୫ ଲକ୍ଷ ଟଙ୍କା ସଂଚୟ ରହିଛି ।
ନଜର ପକାନ୍ତୁ ମୁଖ୍ୟମନ୍ତ୍ରୀଙ୍କ ସମ୍ପତ୍ତି ତାଲିକା ଉପରେ…
ସମ୍ପତ୍ତି ମୂଲ୍ୟ (ଟଙ୍କାରେ)
ବିଭିନ୍ନ ବ୍ୟାଙ୍କ୍ ଆକାଉଂଟ୍ ୨୪ ଲକ୍ଷ ୭୧ ହଜାର
ଗହଣା ୨ ଲକ୍ଷ ୫ ହଜାର
୧୯୮୦ ମସିହାର ଆମ୍ବାସଡର କାର ୧୦ ହଜାର
ଫରିଦାବାଦରେ ଥିବା ୨୨.୭ ଏକର-
ଫାର୍ମ ଜମି ଓ କୋଠା ୭ କୋଟି ୨୫ ଲକ୍ଷ
ନବୀନ ନିବାସରେ ଥିବା
ଦୁଇ-ତୃତୀୟାଂଶ ଭାଗ ୫ କୋଟି ୭୦ ଲକ୍ଷ
ଦିଲ୍ଲୀରେ ଥିବା ଘରର ଅଧା ଅଂଶର ମୂଲ୍ୟ ୩୬ କୋଟି ଟଙ୍କା
୨୦୧୪ ନିର୍ବାଚନ ବେଳେ ନବୀନ ପୈତୃକ ସମ୍ପତ୍ତିକୁ ନେଇ ପ୍ରାୟ ୧୨ କୋଟି ଟଙ୍କାର ମାଲିକ ଥିଲେ ବୋଲି ଦର୍ଶାଇଥିଲେ । ନିର୍ବାଚନ ପରେ ଏହି ସମ୍ପତ୍ତିର ମୂଲ୍ୟ ପ୍ରାୟ ୫୦ କୋଟି ଟଙ୍କା ହୋଇଥିବା ସେ ଦର୍ଶାଇ ଆସୁଛନ୍ତି । ଯେଉଁଥିରେ ତାଙ୍କର ଦିଲ୍ଲୀସ୍ଥିତ ପୈତୃକ ଘରର ମୂଲ୍ୟ ତିନି ବର୍ଷରେ ୭ ଗୁଣ ବୃଦ୍ଧି ପାଇ ପ୍ରାୟ ୫ କୋଟିରୁ ୩୬ କୋଟିରେ ପହଂଚିଛି ।