ଦିଲ୍ଲୀରେ ତୁଟିଲା ଓଡିଶା କଳି : ଆଇଓସିଏଲ ଟିକସ ବିବାଦ ନେଇ ନବୀନ- ଧର୍ମେନ୍ଦ୍ର କଲେ ଆଲୋଚନା
କନକ ବ୍ୟୁରୋ : ରାଜନୀତିର ତିକ୍ତ ଲଢ଼େଇ ଭିତରେ ଦୁଇ ପ୍ରତିଦ୍ୱନ୍ଦ୍ୱୀ ରାଜନୈତିକ ଦଳର ଦୁଇ ତୁଙ୍ଗ ନେତା ଏକାଠି ବସିଲେ ଓ ଆଲୋଚନା କଲେ । ଆଲୋଚନାର ବିଷୟ ଥିଲା ପାରାଦ୍ୱୀପ ସ୍ଥିତ ଆଇଓସିଏଲ୍ ଓ ଓଡିଶା ସରକାଙ୍କ ମଧ୍ୟରେ ଚାଲିଥିବା ଟିକସ ବିବାଦ । ଉଭୟ ପକ୍ଷର ଅଦିକାରୀଙ୍କ ସହ ପ୍ରାୟ ୧୫ ମିନିଟର ଆଲୋଚନା ପରେ ବୈଠକ ଶେଷ ହେଲା ଓ ଉଭୟ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଲେ ।
Kanak News is now on WhatsApp
Join and get latest news updates delivered to you via WhatsApp
ଉଭୟ କହୁଛନ୍ତି ବିବାଦର ସମାଧାନ ପାଇଁ ଉଭୟ ପକ୍ଷ ସକରାତ୍ମକ ପ୍ରୟାସ କରିବେ ଏବଂ ୨୦୦୪ରେ ଓଡିଶା ସରକାର ଓ ଆଓସିଏଲ ମଧ୍ୟରେ ହୋଇତିବା ବୁଝାମଣାରେ ପରିବର୍ତ୍ତନ ପାଇଁ କେନ୍ଦ୍ର ସରକାର ରାଜି ହୋଇତିବା , କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି । ଅର୍ଥାତ୍ ଆଇଓସିଏଲ୍ ରୁ ଟିକସ ବାବଦରେ ଓଡିଶା ସରକାର ବକେୟା ରାଶି ପାଇବା ନେଇ ବାଟ ଖୋଲିଛି ।
ଗୋଟିଏ ପଟେ ରାଜ୍ୟ ସ୍ୱାର୍ଥର କଥା ଓ ଆଉ ଗୋଟିଏ ପଟେ ନିଜ ନିଜ ଦଳର ଭାବମୂର୍ତ୍ତିର କଥା । ଗୋଟିଏ ପଟେ ପଂଚମ ଥର ମୁଖ୍ୟମନ୍ତ୍ରୀ ହେବା ପାଇଁ ମୈଦାନକୁ ଓହ୍ଲାଇବେ ନବୀନ ଓ ଅନ୍ୟପଟେ ଓଡିଶା ଦଖଲର ରଣନୀତି ବନାଇଛନ୍ତି ଧର୍ମେନ୍ଦ୍ର । ତେବେ ଏହି ବୈଠକ ପରେ ଯେଉଁ ଗୁରୁତ୍ୱପୂର୍ଣ୍ଣ କଥା ଆଗକୁ ଆସିଛି । ତା’ ହେଉଛି ୨୦୦୪ର ବୁଝାମଣା ପତ୍ର ବଦଳିବ ଏବଂ ଓଡିଶା ସ୍ୱାର୍ଥକୁ ଦୃଷ୍ଟିରେ ରଖି ପରିବର୍ତ୍ତନ କରାଯିବ ।