ନବରଙ୍ଗପୁର ଝରିଗାଁରେ ପଦାକୁ ଆସିଲା ବିକାଶର ଚେହେରା ! ରାସ୍ତା କି ପୋଲ ନଥିବାରୁ ଶବକୁ କାନ୍ଧେଇ ନାଳ ପାରିହେଲେ ସମ୍ପର୍କୀୟ
କନକ ବ୍ୟୁରୋ: ନବରଙ୍ଗପୁର ଝରିଗାଁ ବ୍ଲକ ଇଚ୍ଛାପୁର ପଂଚାୟତ ଅନ୍ତର୍ଗତ କାଳିଆପାଣି ଗାଁରେ ଘଟିଛି ଅଭାବନୀୟ ଘଟଣା । ସବୁଦିନିଆ ରାସ୍ତା ଓ ପୋଲ ନଥିବାରୁ ଶବକୁ କାନ୍ଧେଇ ନାଳ ପାରି ହୋଇଛନ୍ତି ସମ୍ପର୍କୀୟ । ବର୍ଷାରେ ଗାଁକୁ ଯାଇଥିବା ରାସ୍ତା ଶୋଚନୀୟ ହୋଇପଡିଛି । ନାଳରେ ପୋଲ ବି ନିର୍ମାଣ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଫଳରେ ଗାଁର ମୋହନ ମାଝିଙ୍କ ଗର୍ଭବତୀ ପତ୍ନୀ ନିଲେ ମାଝିଙ୍କୁ ସମ୍ପର୍କୀୟ ଟ୍ରାକ୍ଟର ଯୋଗେ ନାଳ ପାର କରାଇ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ଶେଷରେ ତାଙ୍କ ଶବକୁ ୩ କିଲୋମିଟର ଦୂର କାନ୍ଧରେ ବୋହି ଭରା ନାଳ ପାର ହୋଇ ଗାଁକୁ ଫେରିବା ଘଟଣା ଚର୍ଚ୍ଚାର ବିଷୟ ହୋଇଛି । ରବିବାର ରାତି ୨ଟାରେ ନିଲେଙ୍କୁ ପ୍ରସବ ବେଦନା ହୋଇଥିଲା । ଗାଁର ଜଣେ ବ୍ୟକ୍ତିଙ୍କ ଟ୍ରାକ୍ଟର ସହାୟତାରେ ତାଙ୍କୁ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା ।
ତେବେ ଚିକିତ୍ସାଧୀନ ଅବସ୍ଥାରେ ନିଲେଙ୍କ ମୃତ୍ୟୁ ହୋଇଥିଲା । ସ୍ୱାସ୍ଥ୍ୟକେନ୍ଦ୍ରର ଆମ୍ବୁଲାନ୍ସରେ ଶବକୁ ପଠାଯାଇଥିଲା । ମାତ୍ର ରାସ୍ତା ଖରାପ ଥିବାରୁ ଆମ୍ବୁଲାନ୍ସ ଆଗକୁ ଯାଇପାରିନଥିଲା । ପରେ ବହୁତ ପାଣି ଯୋଗୁଁ ନିଲେଙ୍କ ଶବଙ୍କୁ ଟ୍ରାକ୍ଟର ଯୋଗେ କେବଡି ନଦୀ ପାର କରାଇବା ସମ୍ଭବ ହୋଇନଥିଲା । ଫଳରେ ସମ୍ପର୍କୀୟମାନେ ଶବକୁ ବୋହି ବୋହି ବହୁ କଷ୍ଟରେ ନାଳ ପାର କରାଇଥିଲେ । ସେଠାରେ କାଦୁଅ ରାସ୍ତାରେ ୩ କିଲୋମିଟର ଚାଲି ଚାଲି ସମ୍ପର୍କୀୟ କାଳିଆପାଣି ଗାଁରେ ପଂହଚିଥିଲେ ।
ଏହା ସହ ଦେଖନ୍ତୁ ଏହି ଭିଡିଓ-