ଯୋଗନୀତିରେ ରାଜନୀତି ପୁରାଇଲା ବିଜେଡି
କନକ ବ୍ୟୁରୋ : ମୋଦିଙ୍କ ଯୋଗକୁ ନବୀନଙ୍କ ନା । ଠିକ ବର୍ଷକ ତଳେ ପ୍ରଥମ ଯୋଗ ଦିବସରେ ସାମିଲ ହୋଇଥିଲେ ନବୀନଙ୍କ କ୍ୟାବିନେଟର ଚାରି ସହଯୋଗୀ । ପ୍ରଥମ ଅନ୍ତର୍ଜାତୀୟ ଯୋଗ ଦିବସକୁ ଥିଲା ନବୀନଙ୍କ ଗ୍ରୀନ ସିଗନାଲ । ହେଲେ ବର୍ଷକ ଭିତରେ ବଦଳିଗଲା ଆଭିମୁଖ୍ୟ । ପ୍ରସଙ୍ଗରେ ପଶିଗଲା ରାଜନୀତି । ତେବେ ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନବୀନ ସରକାରକୁ ଘେରିଛନ୍ତି । କହିଛନ୍ତି , ଯୋଗ ଦିବସ ରାଜନୈତିକ କାର୍ଯ୍ୟକ୍ରମ ନୁହଁ, ବରଂ ସାମାଜିକ ଆନ୍ଦୋଳନା ଅଜ୍ଞାନତା କାରଣରୁ ରାଜ୍ୟ ସରକାର ନିର୍ବୋଧତା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଶ୍ନ ଉଠୁଛି, ଯୋଗକୁ ରାଜ୍ୟ ସରକାର ରାଜନୀତି ସହ ଯୋଡୁଛନ୍ତି କି? ମୋଦି ସରକାରଙ୍କ ପଦକ୍ଷେପକୁ ଆପଣାଇବାକୁ ନବୀନ କୁଣ୍ଠିତ କାହିଁକି?
ତେବେ ବିବାଦ ଭିତରେ ରାଜ୍ୟରେ ପାଳନ ହୋଇଛି ଯୋଗ ଦିବସ । ଯୋଗରେ ସାମିଲ ହୋଇଥିଲେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମ । ଗୋଟିଏ ପରେ ଗୋଟିଏ ମୁଦ୍ରାରେ ଆସୁଥିଲେ ମୋଦିଙ୍କ ଦୁଇ ସହଯୋଗୀ । ଆଉ ପଛରେ ଥିଲା ପୁରା ପ୍ଲାଟୁନ ।