ଓଡିଶାରେ ଆସନ୍ତା ୩୬ ଘଂଟା ପର୍ଯ୍ୟନ୍ତ ପ୍ରବଳରୁ ଅତି ପ୍ରବଳ ବର୍ଷା ହେବ । ଏନେଇ ଓଡିଶା ପାଇଁ ଅରେଂଜ ଆଲର୍ଟ ଜାରି କରିଛି ଭାରତୀୟ ପାଣିପାଗ ବିଭାଗ । ଉତର ପଶ୍ଚିମ ବଙ୍ଗୋପସାଗର ଓ ପଶ୍ଚିମବଙ୍ଗ ଉପକୂଳରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ଏଥିସହ ଦକ୍ଷିଣ ଛତିଶଗଡରେ ଆଉ ଏକ ଘୂର୍ଣ୍ଣିବଳୟ କ୍ଷେତ୍ର ମିଶିଥିବାରୁ ଓଡିଶାରେ ମୌସୁମୀ ବାୟୁ ସକ୍ରିୟ ରହିଛି । ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କଳାହାଣ୍ଡି, ଗଂଜାମ, ପୁରୀ, ବରଗଡ, ଜଗତସିଂହପୁର, କେନ୍ଦ୍ରାପଡା ଓ ଭଦ୍ରକ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ପୁର୍ବାନୁମାନ କରାଯାଇଛି । ଆସନ୍ତା ୪୮ ଘଂଟା ଭିତରେ କେତେକ ସ୍ଥାନରେ ୧୦୦ ମିଲିମିଟର ବର୍ଷା ହେବାର ସମ୍ଭାବନା ରହିଛି । ତେବେ ଏଭଳି ଆଲର୍ଟ ପାଣିପାଗରେ କାହିଁକି ଏବଂ କେଉଁ କାରଣରୁ ଜାରି କରାଯାଏ ଜାଣନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ପାଣିପାଗ ବିଭାଗ ଅନୁସାରେ, ଏହି ଆଲର୍ଟସ ପାଇଁ ରଙ୍ଗର ଚୟନ କେତୋଟି ଏଜେନ୍ସିଙ୍କ ଦ୍ୱାରା ମିଳିତ ପ୍ରକ୍ରିୟାରେ ସ୍ଥିରୀକୃତ କରାଯାଇଛି । ଖାସ୍ କରି ପ୍ରଚଣ୍ଡ ଖରା,ଶୀତ ଏବଂ ମୌସୁମୀ କିମ୍ବା ଘୂର୍ଣ୍ଣିଝଡର ବିବରଣୀ ଦେବା ପାଇଁ ଏହି ରଙ୍ଗର ବ୍ୟବହାର କରାଯାଏ । ଯେମିତି ଯେମିତି ଋତୁ ତା ଚରମ ରୁପ ଆଡକୁ ଅଗ୍ରସର ହୁଏ ତାହାକୁ ଆଖି ଆଗରେ ରଖି ଆଲର୍ଟର ମଧ୍ୟ ଚୟନ କରାଯାଏ । ।
ୟେଲୋ ଆଲର୍ଟ : ୟେଲୋ ଆଲର୍ଟ ଏହା ସୁଚାଏ ଯେ ବିପଦ ପ୍ରତି ସତର୍କ ରୁହନ୍ତୁ । ଏହି ଆଲର୍ଟ ଲୋକଙ୍କୁ ସତର୍କବାଣୀ ଦେଇଥାଏ । ଏହି ଆଲର୍ଟ ଜଷ୍ଟୱାଚର ସିଗନାଲ୍ ଦେଇଥାଏ ।
ଅରେଞ୍ଜ ଆଲର୍ଟ : ଅରେଞ୍ଜ ଆଲର୍ଟର ଅର୍ଥ ବିପଦ । ପାଣିପାଗ ବିଭାଗର ରିପୋର୍ଟ ଅନୁସାରେ ପାଗ ଯେମିତି ଯେମିତି ଖରାପ ହୁଏ ୟେଲୋ ଆଲର୍ଟକୁ ଅପଡେଟ୍ କରାଯାଇ ଅରେଞ୍ଜ କରାଯାଏ । ଏହି ଆଲର୍ଟରେ ଲୋକଙ୍କୁ ସାବଧାନତାର ରହିବା ପାଇଁ କୁହାଯାଏ ଏବଂ ବାହାରକୁ ବାହାରିବା ପାଇଁ ବାରଣ କରାଯାଏ ।
ରେଡ୍ ଆଲର୍ଟ : ବିପଦପୂର୍ଣ୍ଣ ସ୍ଥିତି । ପାଣିପାଗ ବିଭାଗର ସୁଚନା ଅନୁସାରେ ଯେତେବେଳେ ପାଗ ଅଧିକରୁ ଅଧିକ ଖରାପ ହୁଏ ଏବଂ ଧନଜୀବନ ହାନି ହେବାର ପରିସ୍ଥିତି ଉପୁଜେ ସେତେବେଳେ ରେଡ୍ ଆଲର୍ଟ ଜାରି କରାଯାଏ ।