ଆକ୍ରମଣ ପରେ ବି ସିଆରପିଏଫର ଯବାନ ପାକିସ୍ତାନର ଉଚ୍ଚାୟୋଗଙ୍କୁ ଦେଉଛନ୍ତି ସୁରକ୍ଷା
ଭାରତରେ ଅବସ୍ଥାପିତ ପାକିସ୍ତାନ ଉଚ୍ଚାୟୋଗର ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି
କନକ ବ୍ୟୁରୋ : ପୁଲୱାମା ଆକ୍ରମଣ ହେବା ପରେ ସାରା ଦେଶରେ ଆତଙ୍କବାଦୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବା ପାଇଁ ଦାବି ଜୋର ଧରିଛି । କେବଳ ଏତିକି ନୁହେଁ ସାରା ଦେଶରେ ପାକିସ୍ତାନ ବିରୋଧରେ ନାରାବାଜି ମଧ୍ୟ ହେଉଛି । ଅନେତ ସ୍ଥାନରେ ପାକିସ୍ତାନର ପତାକା ମଧ୍ୟ ପୋଡାଯାଇଛି । ସେପଟେ ସହିଦଙ୍କୁ ସମ୍ମାନ ଜଣାଇ କ୍ୟାଣ୍ଡେଲ ଶୋଭାଯାତ୍ରା ମଧ୍ୟ କରାଯାଇଛି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ ଆତଙ୍କବାଦୀଙ୍କ ଆକ୍ରମଣ ପରେ ଭାରତରେ ଅବସ୍ଥାପିତ ପାକିସ୍ତାନ ଉଚ୍ଚାୟୋଗର ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ ବିଷୟ ହେଲା ଯେଉଁ ସିଆରପିଏଫ ଯବାନମାନେ ସହିଦ ହୋଇଛନ୍ତି ସେହିମାନଙ୍କ ସାଥୀ ସୁରକ୍ଷା ଦେଉଛନ୍ତି ପାକର ଉଚ୍ଚାୟୋଗଙ୍କୁ । ଯାହାକୁ ନେଇ ବିରୋଧ ମଧ୍ୟ ହେଉଥିବା ଜଣାପଡିଛି । ଗତକାଲି କିନ୍ତୁ ସିଆରପିଏଫ ଟ୍ୱିଟ କରି କହିଛି ଯେ, ଆତଙ୍କବାଦୀ ଯେପରି ଭାବରେ ଆମ ଉପରେ ଆକ୍ରମଣ କରିଛନ୍ତି ତାହାକୁ ଆମେ ଭୁଲି ପାରୁବୁ ନାହିଁ କି କ୍ଷମା ମଧ୍ୟ କରିବୁ ନାହିଁ । ଏହାସହ ସମସ୍ତ ସହିଦଙ୍କୁ ସଲାମ କରିବା ସହ ତାଙ୍କ ପରିବାର ସାଙ୍ଗେ ଆମେ ଛିଡା ହେବୁ ବୋଲି କୁହାଯାଇଛି । ତେବେ ଏପରି ଭାବରେ ଆତଙ୍କବାଦୀ ଆକ୍ରମଣ ପରେ ବି ପାକିସ୍ତାନରର ଅଧିକାରୀ ସୁରକ୍ଷା ଯୋଗାଇଦେବାକୁ ନାପସନ୍ଦ କରାଯାଇଥିବା ଜଣାପଡିଛି ।