କନକ ବ୍ୟୁରୋ: ମଦମୁକ୍ତ ଭାରତ ଗଠନ ପାଇଁ ଭୁବନେଶ୍ୱରରେ ଆରମ୍ଭ ହୋଇଛି ଜାତୀୟ ସମ୍ମିଳନୀ । ଦୁଇ ଦିନ ଧରି ଚାଲିବାକୁ ଥିବା ଏହି ଜାତୀୟ ସମ୍ମିଳନୀରେ ୧୦ହଜାର ଲୋକ ସାମିଲ ହୋଇଛନ୍ତି । ୨୨ଟି ରାଜ୍ୟର ୫୦ଟି ସଂଗଠନ ମଦମୁକ୍ତ ଭାରତ ଗଠନ ପାଇଁ ଆୟୋଜିତ ଏହି ଜାତୀୟ ସମ୍ମିଳନୀରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଥାଉ କି, ମଦମୁକ୍ତ ଭାରତ ଗଠନ ପାଇଁ ଦୁଇ ଦିନିଆ ଜାତୀୟ ଅଧିବେଶନ ସୋମବାରଠାରୁ ଭୁବନେଶ୍ୱରରେ ଆରମ୍ଭ ହୋଇଛି । ମିଳିତ ଓଡ଼ିଶା ନିଶାନିବାରଣ ଅଭିଯାନ ପକ୍ଷରୁ ଆୟୋଜିତ ଏହି ସମ୍ମିଳନୀରେ ଦେଶର ବିଭିନ୍ନ ରାଜ୍ୟରୁ ମଦ ବିରୋଧରେ କାର୍ଯ୍ୟ କରୁଥିବା ୫୦ରୁ ଅଧିକ ସାମାଜିକ ସଂଗଠନର ପ୍ରତିନିଧି ଯୋଗ ଦେଇଛନ୍ତି । ମଦ ଯୋଗୁଁ ସାମାଜିକ କ୍ଷତି ଚରମ ସୀମାରେ ପହଂଚିଥିବାରୁ ସରକାର ତୁରନ୍ତ ଦେଶବ୍ୟାପୀ ମଦକୁ ନିଷିଧ କରନ୍ତୁ ବୋଲି ବିଶିଷ୍ଟ ସାମାଜିକ କର୍ମୀମାନେ ଦାବି କରିଛନ୍ତି ।
ଜାତୀୟ ରାଜପଥ କଡ଼ରୁ ମଦ ଦୋକାନ ହଟାଇବା ପାଇଁ ସୁପ୍ରିମକୋର୍ଟରେ ମାମଲା କରିଥିବା ଛତିଶଗଡ଼ର ସାମାଜିକ କର୍ମୀ ମମତା ଶର୍ମା ସରକାରଙ୍କ ଆନ୍ତରିକତାହୀନ ପଦକ୍ଷେପକୁ ସମାଲୋଚନା କରିଛନ୍ତି । ସେହିଭଳି ହାଇଦ୍ରାବାଦର ଚେତନା ଶ୍ରବନ୍ତୀ ସଭାନେତ୍ରୀ ଡକ୍ଟର ଏସ୍ ରେହମାନ କହିଛନ୍ତି, ମଦକୁ ଦେଶରୁ ନିଷିଦ୍ଧ କରିବା ପରିବର୍ତ୍ତେ ସୁପ୍ରିମକୋର୍ଟ ଯେଉଁଭଳି ଭାବେ ୧ ଲକ୍ଷ ଟଭ୍କାର ଜୋରିମାନା ପକାଇଛନ୍ତି ତାହାର ପୁର୍ନବିଚାର ପାଇଁ ସେମାନେ ପୁଣିଥରେ ସୁପ୍ରିମକୋର୍ଟର ଦ୍ୱାରସ୍ଥ ହେବେ ବୋଲି କହିଛନ୍ତି ।
ସେହିଭଳି କିଛି ଗୃହଣୀ ମଦକୁ ନେଇ କହିଛନ୍ତି ଯେ, ଯେଉଁମାନେ ମଦ ପିଉଛନ୍ତି ତାଙ୍କ ଅପେକ୍ଷା ଅନ୍ୟ ମାନେ ଅଧିକ ପ୍ରଭାବିତ ହେଉଛନ୍ତି । ତେଣୁ ମଦ ଦେଶରୁ ନିଷିଦ୍ଧ ହେବା ନିହାତି ଆବଶ୍ୟକ । ଆଜି ଏ ନେଇ ଭୁବନେଶ୍ୱର ଲୋୟର ପିଏମଜିରେ ଏକ ବିରାଟ ସମ୍ମିଳନୀ ଆୟୋଜିତ ହୋଇଛି ।