ବାଣୀବିହାରକୁ ମିଳିଲା ‘ଏ’ ପ୍ଲସ ମାନ୍ୟତା
କନକ ବ୍ୟୁରୋ : ବାଣୀବିହାରକୁ ‘ଏ’ ପ୍ଲସ ମାନ୍ୟତା ମିଳିଛି । ନ୍ୟାସନାଲ ଆସେସମେଂଟ ଆଣ୍ଡ ଆକ୍ରିଡିଏସନ କାଉନସିଲ ବା ନାକ୍ ରେ ବାଜି ମାରିଛି ବାଣୀବିହାର । ରାଜ୍ୟର ଶତାଧିକ ସରକାରୀ ଓ ଘରୋଇ ଶିକ୍ଷାନୁଷ୍ଠାନକୁ ପଛରେ ପକାଇ ବାଣୀବିହାର ହାସଲ କରିଛି ‘ଏ’ ପ୍ଲସ ମାନ୍ୟତା । ୩.୫୩ ସିଜିପିଏ ପଏଂଟ ସହ ପ୍ରଥମ ଥର ଲାଗି ରାଜ୍ୟର କୌଣସି ସରକାରୀ ଶିକ୍ଷାନୁଷ୍ଠାନ ଭାବେ ଏହି ମାନ୍ୟତା ହାସଲ କରିଛି ବାଣୀବିହାର । ଭିତ୍ତିଭୂମି, ଶିକ୍ଷା ଦାନ ପ୍ରଣାଳୀ ଓ ପାଠ୍ୟକ୍ରମକୁ ନେଇ ଦିଆଯାଉଥିବା ମାନ୍ୟତାରେ ସବୁଠୁ ଆଗରେ ରହିଛି ବାଣୀବିହାର । ନାକ୍ ରେ ୧୯ତମ ଷ୍ଟାଣ୍ଡିଂ କମିଟି ବୈଠକରେ ଓଡ଼ିଶାର ୩୦ଟି ଶିକ୍ଷାନୁଷ୍ଠାନକୁ ମାନ୍ୟତା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
୧୦ବର୍ଷ ତଳେ ବାଣୀବିହାରକୁ ‘ବି’ ଗ୍ରେଡ ମିଳିଥିବା ବେଳେ ଏବେ ‘ଏ’ ପ୍ଳସ ମାନ୍ୟତା ଯୋଗୁଁ କ୍ୟାମ୍ପସରେ ଖୁସିର ଲହରୀ ଖେଳିଯାଇଛି । ଗତ ଏକ ମାସ ମଧ୍ୟରେ ନାକ୍ର ବିଭିନ୍ନ ଟିମ୍ ଓଡ଼ିଶାର ୩୦ଟି ଶିକ୍ଷାନୁଷ୍ଟାନ ଗସ୍ତ କରିଥିଲେ । ଏଥିରେ ଗୋଟିଏ ବିଶ୍ୱବିଦ୍ୟାଳୟ ଓ ୨୯ଟି ସରକାରୀ ଓ ଘରୋଇ ଶିକ୍ଷାନୁଷ୍ଠାନ ରହିଛି । ଏଥିମଧ୍ୟରୁ ଉତ୍କଳ ବିଶ୍ୱବିଦ୍ୟାଳୟକୁ ‘ଏ’ ପ୍ଳସ ମାନ୍ୟତା ମିଳିଛି । ସେହିପରି ବିଜେବି ସ୍ୱୟଂଶାସିତ ମହାବିଦ୍ୟାଳୟ, ରାଜଧାନୀ କଲେଜ, ସୃଷ୍ଟି ଏକାଡେମି ଅଫ୍ ଟେକ୍ନୋଲୋଜି ଓ ଏନ୍ଆଇଟି ରାଉରକେଲାକୁ ‘ଏ’ ଗ୍ରେଡ ମିଳିଛି ।