କେନ୍ଦ୍ରମନ୍ତ୍ରୀଙ୍କ କଟାକ୍ଷ ! ତଥାଗତ ଶତପଥୀଙ୍କୁ କହିଲେ ମୁଖ୍ୟମନ୍ତ୍ରୀଙ୍କ ସହ କେଉଁ ଭାଷାରେ କଥା ହେଉଛ
କନକ ବ୍ୟୁରୋ : ବିଜେଡି ସାଂସଦ ତଥାଗତଙ୍କୁ କେନ୍ଦ୍ରମନ୍ତ୍ରୀଙ୍କ ସମାଲୋଚନା । ମୁଖ୍ୟମନ୍ତ୍ରୀଙ୍କ ସହ କେଉଁ ଭାଷାରେ କଥା ହେଉଛନ୍ତି ଏବଂ କେଉଁ ଭାଷାରେ ଚିଠି ଦେଉଛନ୍ତି ବୋଲି ପ୍ରଶ୍ନ କରିଛନ୍ତି ଦୁଇ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ଏବଂ ନରେନ୍ଦ୍ର ସିଂ ତୋମାର । ଓଡ଼ିଆ ଭାଷା ପ୍ରତି ତାଙ୍କର ସମ୍ମାନ ଅଛି, କିନ୍ତୁ ୧୭ ବର୍ଷ ଧରି ଶାସନରେ ଥିବା ମୁଖ୍ୟମନ୍ତ୍ରୀଙ୍କୁ ବୁଝାନ୍ତୁ ବୋଲି ତଥାଗତଙ୍କୁ କହିଛନ୍ତି ଦୁଇ କେନ୍ଦ୍ରମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀଙ୍କ ହିନ୍ଦୀ ଚିଠିର ଉତ୍ତରରେ ସାଂସଦ ତଥାଗତ ଶତପଥୀ ଦେଇଥିବା ଓଡ଼ିଆ ଚିଠି, ଏବେ ଭାଷାର ଲଢ଼େଇରୁ ରାଜେନୈତିକ ଲଢ଼େଇର ରୁପ ନେବାରେ ଲାଗିଛି । ଆଉ ଏହି ଲଢ଼େଇରେ ବିଜେଡି ମୋଦିଙ୍କୁ ଟାଣୁଥିବା ବେଳେ ବିଜେପି ନବୀନଙ୍କୁ ଟାର୍ଗେଟ୍ କରୁଛି । ଚିଠିକୁ ନେଇ ଲାଗିଥିବା ଏହି ବିବାଦ ଆଉ ଗୋଟିଏ ପାଦ ଆଗକୁ ଯାଇଛି, ଯେତେବେଳେ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର, ମୁଖ୍ୟମନ୍ତ୍ରୀଙ୍କ ଓଡ଼ିଆ ଭାଷାଜ୍ଞାନ ନେଇ ପ୍ରଶ୍ନ ଉଠାଇଛନ୍ତି ।
୧୭ ବର୍ଷର ଶାସନରେ ମୁଖ୍ୟମନ୍ତ୍ରୀ ଓଡ଼ିଆ କହିବାରୁନଥିବାରୁ, ତାଙ୍କୁ କାହିଁ ସାଂସଦ ପଚାରୁ ନାହିଁନ୍ତି ବୋଲି ସେ ପ୍ରଶ୍ନ କରିଛନ୍ତି । ଆଉ ପ୍ରକାଶ ଜାଭଡେକରଙ୍କ ଷ୍ଟାଇଲରେ ନରେନ୍ଦ୍ର ସିଂ ତୋମାର ବି ସମାନ ଢଙ୍ଗରେ ନବୀନ ପଟ୍ଟନାୟକଙ୍କୁ ସମାଲୋଚନା କରିଛନ୍ତି ।
ଗତ ୧୧ ତାରିଖରେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର, ପ୍ରଧାନମନ୍ତ୍ରୀଙ୍କ ନ୍ୟୁ ଇଣ୍ଡିଆ ଅଭିଯାନ ସଂପର୍କରେ ଏହି ଚିଠି ଲେଖିଥିଲେ । ଚିଠିଟି ହିନ୍ଦିରେ ଥିବାରୁ ସାଂସଦ ପଢ଼ିବାରେ ଅସମର୍ଥ ଥିବା ଦର୍ଶାଇ ପ୍ରତି ଉତ୍ତରରେ କେନ୍ଦ୍ରମନ୍ତ୍ରୀଙ୍କୁ ଓଡ଼ିଆ ଚିଠି ଲେଖିଥିଲେ ତଥାଗତ ।
ଆଉ ହିନ୍ଦୀଭାଷା ଲଦି ଦିଆଯାଉଥିବା ନେଇ ଅଭିଯୋଗ ବି କରିଥିଲେ । ତଥାଗତଙ୍କ ଏହି ଚିଠିକୁ ନେଇ ଗଣମାଧ୍ୟମରୁ ଆରମ୍ଭ କରି ସୋସିଆଲ ମିଡ଼ିଆ ସବୁଠି ଚର୍ଚ୍ଚା । ଯାହା ଉପରେ ମିଶ୍ର ପ୍ରତିକ୍ରିୟା ପ୍ରକାଶ ପାଉଛି । କିନ୍ତୁ ଏହାକୁ ନେଇ ବିଜେଡି ଓ ବିଜେପି ରାଜନୀତିର ରୋଟି ସେକିବାକୁ ପଛାଉ ନାହାଁନ୍ତି ।