କନକ ବ୍ୟୁରୋ : ଆଇଆଇଟି ଅରୁଗୁଳରେ ଉଦବୋଧନ ଦେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ କହିଛନ୍ତି ଆଜି ଓଡିଶାର ବିକାଶ ପାଇଁ ବିଭିନ୍ନ ପ୍ରକଳ୍ପର ଶିଳାନ୍ୟାସ କରାଯାଇଛି । ଉଚ୍ଚଶିକ୍ଷା ଠାରୁ ଆରମ୍ଭ କରି ସ୍ୱାସ୍ଥ୍ୟ, ଗ୍ୟାସ, ରୋଡ ଏବଂ ଓଡିଶା ସଂସ୍କୃତିର ବିକାଶ ଦିଗରେ ଏହି ପ୍ରକଳ୍ପ ଗୁଡିକ ସହାୟକ ହେବ । ଓଡିଶାର ବିକାଶ ପାଇଁ ଏହି ଯୋଜନା ଅତ୍ୟନ୍ତ ମହତ୍ୱପୂର୍ଣ୍ଣ ଅଟେ । କେନ୍ଦ୍ର ସରକାରଙ୍କ ଦ୍ୱାରା ପୂର୍ବ ଭାରତର ବିକାଶ ପାଇଁ ଧ୍ୟାନ ଦିଆଯାଉଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ଏହା ସହ ମୋଦି କହିଛନ୍ତି, ପୂର୍ବ ଭାରତ ପୂର୍ବ ଏସିଆର ଗେଟୱେ ହେବ । ସବକା ସାଥ୍ ସବକା ବିକାଶର ମନ୍ତ୍ର ନେଇ ଓଡିଶାର କୋଣ ଅନୁକୋଣର ବିକାଶର ସଙ୍କଳ୍ପ ନେଇ କେନ୍ଦ୍ର ସରକାର ଆଗକୁ ବଢୁଥିବା ମୋଦି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଦି କହିଛନ୍ତି, ଇତିହାସରେ ଏଭଳି ପ୍ରଥମ ଥର ପାଇଁ ହୋଇଛି, ଯେଉଁଠି କେନ୍ଦ୍ର ସରକାରଙ୍କ ଦ୍ୱାରା ପୂର୍ବ ଭାରତର ବିକାଶ ପାଇଁ ଗୁରୁତ୍ୱ ଦିଆଯାଉଛି । ମୋଦି କହିଛନ୍ତି କେନ୍ଦ୍ର ସରକାର ଓଡିଶାର ବିକାଶ ପାଇଁ କାର୍ଯ୍ୟ କରୁଛନ୍ତି । ତେବେ ଆଜି ଆଇଆଇଟି ଅରୁଗୁଳର ଉଦଘାଟନ କରିବା ସହ ମୋଦି କହିଛନ୍ତି, ଆଇଆଇଟି ଅରୁଗୁଳ ପାଇଁ ୧ ହଜାର ୨୬୦ କୋଟି ଟଙ୍କା ଖର୍ଚ୍ଚ କରାଯାଇଛି । ଆଇଆଇଟି ଭୁବନେଶ୍ୱର ଓଡିଶାର ଯୁବକ ମାନଙ୍କ ପାଇଁ ନୂଆ ସୁଯୋଗ ସୃଷ୍ଟି କରିବ । ଏହା ସହ ଆଦିବାସୀ ଭାଇଭାଉଣୀଙ୍କ ଜୀବନକୁ ଉନ୍ନତ କରିବାକୁ ଏହି ପ୍ରୟାସ କରାଯାଇଥିବା ମୋଦି କହିଛନ୍ତି ।
ଓଡିଶା ହେବ ପେଟ୍ରୋଲିୟମ୍ ହବ୍ । ଓଡିଶା ନ୍ୟୁ ଇଣ୍ଡିଆର ଇଞ୍ଜିନ୍ ହେବ । ତେଲ ଓ ଗ୍ୟାସ ନେଇ ଓଡିଶାର ଭବିଷ୍ୟତ ଉଜ୍ଜଳ ହେବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ନିଜ ବକ୍ତବ୍ୟରେ କହିଛନ୍ତି । ଏହା ସହ ମୋଦି କହିଛନ୍ତି, ପୂର୍ବ ଭାରତର ପେଟ୍ରୋଲିୟମ୍ ହବ୍ ହେବ ଓଡିଶା । ଓଡିଶାରେ ସିଏନଜି ଲାଇନ୍ ବିଛାଇବାକୁ ବ୍ୟବସ୍ଥା କରାଯାଉଥିବା ମୋଦି କହିଛନ୍ତି । ବୋକାରୋ-ଅନୁଗୁଳ ପାଇପଲାଇନ୍ ଓଡିଶାର ସ୍ୱପ୍ନ ସାକାର କରିବ । ସେହିପରି ପାଇକ ବିଦ୍ରୋହ ସ୍ମୃତିରେ ଡାକ ଟିକେଟ୍ ଓ ମୁଦ୍ରା ଉନ୍ମୋଚିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲଳିତଗିରିରେ ହୋଇଥିବା ସଂଗ୍ରହାଳୟ ବିଦେଶୀ ରିସର୍ଚ୍ଚରଙ୍କୁ ଆକର୍ଷିତ କରିବ ବୋଲି ମୋଦି କହିଛନ୍ତି ।