ଆଉ ମାତ୍ର ୨ ଦିନର ଅପେକ୍ଷା । କେନ୍ଦ୍ର ସରକାରଙ୍କ କିଷାନ ଯୋଜନାରେ ୧୨ କୋଟି ଚାଷୀଙ୍କ ଖାତାକୁ ଯିବ ୨ ହଜାର ଟଙ୍କା
ଲୋକସଭା ନିର୍ବାଚନ ପାଖେଇ ଆସିଥିବାରୁ ସାରା ଦେଶରେ ଏବେ ରାଜନୈତିକ ଚର୍ଚ୍ଚା ଚାଲିଛି
କନକ ବ୍ୟୁରୋ : ଲୋକସଭା ନିର୍ବାଚନ ପାଖେଇ ଆସିଥିବାରୁ ସାରା ଦେଶରେ ଏବେ ରାଜନୈତିକ ଚର୍ଚ୍ଚା ଚାଲିଛି । ମିଳିଥିବା ସୂଚନା ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତର ପ୍ରଦେଶର ଗୋରଖପୁରଠାରେ ଦେଶର ଚାଷୀମାନଙ୍କ ଖାତାକୁ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାରେ ପ୍ରଥମ ଥର ଟଙ୍କା ଦେବେ ବୋଲି ସୂଚନା ମିଳିଛି । ଗୋରଖପୁରଠାରେ ରାଷ୍ଟ୍ରୀୟ କିଷାନ ସମ୍ମିଳନୀରେ ଦେଶର ୧୨ କୋଟି କିଷାନଙ୍କ ଖାତାରେ ୨ ହଜାର ଟଙ୍କା ଲେଖାଏଁ ପ୍ରଥମ ଥର ପାଇଁ ଜମାହେବ । ଆଗକୁ ସାଧାରଣ ନିର୍ବାଚନ ଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଯୋଜନାରେ ଚାଷୀଙ୍କ ଖାତାକୁ ଟଙ୍କା ଦେବେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କାରଣ ଚାଷୀମାନଙ୍କ ପାଇଁ ବିଜେପି ନିକଟରେ ୩ଟି ରାଜ୍ୟରେ ପରାଜୟର ସ୍ୱାଦ ଚାଖିଥିଲା ବୋଲି ଘଟଣା ଜୋର ଧରିଥିଲା । ଚାଷୀମାନଙ୍କୁ ଖୁସି କରିବା ପାଇଁ ମୋଦି ଏହି ଯୋଜନା କରିଥିବା ନେଇ ମଧ୍ୟ ଚର୍ଚ୍ଚା ହେଉଛି । କେବଳ ଏତିକି ନୁହେଁ ମୋଦି ସରକାର ଦେଶର ଅନ୍ତରୀଣ ବଜେଟରେ ଚାଷୀମାନଙ୍କ ପାଇଁ ଅନେକ ଯୋଜନା ମଧ୍ୟ କରିଥିଲେ । ଦେଶରେ ଥିବା ଚାଷୀମାନଙ୍କ ଖାତାକୁ ଟଙ୍କା ଦେବା ପାଇଁ ଏନସିପିଆଇକି ନିର୍ଦ୍ଦେଶ ମଧ୍ୟ ଦେଇଛନ୍ତି । ମିଳିଥିବା ସୂଚନା ଅନୁସାରେ ଆସନ୍ତା ୨୪ ତାରିଖରୁ ହିଁ ଚାଷୀମାନଙ୍କ ଖାତାକୁ ଟଙ୍କା ଯିବା ଆରମ୍ଭ କରିବ ।
ଏହି ଯୋଜନାରେ ପାଖାପାଖି ୧୨ କୋଟି ଚାଷୀ ଲାଭ ପାଇବେ ବୋଲି ସୂଚନା ରହିଛି । ସରକାରଙ୍କ ନିଷ୍ପତ୍ତି ଅନୁସାରେ ତିନୋଟି କିସ୍ତିରେ ଚାଷୀମାନଙ୍କ ପାଖକୁ ଟଙ୍କା ଯିବ । ମିଳିଥିବା ସୂଚନା ଅନୁସାରେ ଏହି ଯୋଜନାରେ ଚାଷୀମାନଙ୍କୁ ମିଳିବାକୁ ଥିବା ଟଙ୍କାଙ୍କୁ ପ୍ରଧାନମନ୍ତ୍ରୀ ମୋଦି ୟୁପିର ଗୋରଖପୁରରେ ହିଁ ଶୁଭ ଉଦଘାଟନ କରିବେ । ପ୍ରଥମେ ୧୨ କୋଟି ଚାଷୀଙ୍କୁ ଏହି ସୁବିଧା ମିଳିବ ଏବଂ ୨୫ ହଜାରେ କୋଟି ଏଥିପାଇଁ ଖର୍ଚ୍ଚ ହେବ । କେବଳ ଏତିକି ନୁହେଁ ଏହି ଯୋଜନା ପାଇଁ ସରକାର ପ୍ରତିବର୍ଷ ୭୫ ହଜାର କୋଟି ଟଙ୍କାର ବ୍ୟୟବରାଦ କରିଛନ୍ତି । ତେବେ ଏହି ଟଙ୍କା ୨ ହେକ୍ଟର ଜମି କିମ୍ବା ତାହାଠାରୁ କମ ଜମିଥିବା ଚାଷୀଙ୍କୁ ମିଳିବ ବୋଲି ଜଣାପଡିଛି ।