ଶଙ୍କରାଚାର୍ଯ୍ୟଙ୍କ ସଜ୍ଞାକୁ ନେଇ ପ୍ରଶ୍ନ ଉଠାଇଲେ ନରସିଂହ । କହିଲେ, ଉଇଲ୍ ଅନୁସାରେ ନିଜ ନାଁରେ ଦେବତୀର୍ଥ ଲେଖୁ ନାହାନ୍ତି ସ୍ୱାମୀ ନିଶ୍ଚଳାନନ୍ଦ ।
କନକ ବ୍ୟୁରୋ : ଓଡିଶା ହିନ୍ଦୁ ଦେବୋତ୍ତର ସଂଶୋଧନ ବିଲ୍-୨୦୧୯ ବିଧାନସଭାରେ ପାରିତ ହୋଇଥିବା ବେଳେ ଏହାକୁ ନେଇ ପ୍ରଶ୍ନ ଉଠାଇଛନ୍ତି ବରିଷ୍ଠ କଂଗ୍ରେସ ବିଧାୟକ ନରସିଂହ ମିଶ୍ର । ଦେବୋତ୍ତର ଆଇନ୍ ଅନୁସାରେ ମଠ ଗୁଡିକ ଆଇନ୍ ଅନୁଯାୟୀ ଆକାଉଂଟ୍ ଡିଟେଲ ଦେବା ଆବଶ୍ୟକ ଓ ଆୟର ୫ ପ୍ରତିଶତ ସରକାରଙ୍କୁ ଦେବା କଥା, କିନ୍ତୁ କେହି ଦେଉନାହାନ୍ତି ବୋଲି କହିଛନ୍ତି ନରସିଂହ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ପୂର୍ବ ଶଙ୍କରାଚାର୍ଯ୍ୟଙ୍କ ଉଇଲ୍ ଅନୁସାରେ ବର୍ତ୍ତମାନର ଶଙ୍କରାଚାର୍ଯ୍ୟ ନିଜ ନାଁରେ ଦେବତୀର୍ଥ ଲେଖିବା କଥା, କିନ୍ତୁ ତାହା ସେ କରୁ ନାହାନ୍ତି ବୋଲି ସେ କହିଛନ୍ତି । ଏହାକୁ ନେଇ କଡା ପ୍ରତିକ୍ରିୟା ପ୍ରକାଶ କରିଛି ପୁରୀ ଗୋବର୍ଦ୍ଧନ ପୀଠ । ପୀଠର ମୁଖପାତ୍ର ପ୍ରତିକ୍ରିୟା ରଖି ନରସିଂହ ମିଶ୍ରଙ୍କ କୌଣସି ସ୍ୱୀକୃତି ଆବଶ୍ୟକ ନାହିଁ ବୋଲି କହିଛନ୍ତି । ଗତକାଲି ଦେବୋତ୍ତର ସଂଶୋଧନ ବିଲ୍ ପାରିତ ହେବା ସହ ଏଣିକି ଦେବୋତ୍ତର କମିଶନଙ୍କ ନିୟନ୍ତ୍ରଣରେ ରହିବନି ପୁରୀ ଗୋବର୍ଦ୍ଧନ ପୀଠ । ଏହାର ପରିଚାଳନା ଦାୟିତ୍ୱ ଶଙ୍କରାଚାର୍ଯ୍ୟଙ୍କ ହାତରେ ରହିବ ।