ମୋଦିଙ୍କୁ ନାନାବତୀ କମିଶନଙ୍କ କ୍ଲିନଚିଟ୍ । କମିଶନ କହିଲେ, ଯୋଜନାବଦ୍ଧ ନଥିଲା ସାମ୍ପ୍ରଦାୟିକ ଦଙ୍ଗା, ଓ ନଥିଲା ରାଜ୍ୟର କୌଣସି ମନ୍ତ୍ରୀଙ୍କ ଷଡଯନ୍ତ୍ର କିମ୍ବା ପ୍ରୋତ୍ସାହନ
କନକ ବ୍ୟୁରୋ : ମୋଦିଙ୍କୁ ନାନାବତୀ କମିଶନଙ୍କ କ୍ଲିନଚିଟ୍ । ୨୦୦୨ ଫେବୃଆରୀରେ ସାବରମତୀ ଏକ୍ସପ୍ରେସ୍ ଟ୍ରେନପୋଡି ଘଟଣା ପରେ ଗୁଜରାଟରେ ଦଙ୍ଗା ଦେଖାଯାଇଥିଲା । ତେବେ ଏହି ସାମ୍ପ୍ରଦାୟିକ ଦଙ୍ଗା ଯୋଜନାବଦ୍ଧ ନଥିଲା ଏବଂ ଏଥିରେ ରାଜ୍ୟର କୌଣସି ମନ୍ତ୍ରୀଙ୍କ ଷଡଯନ୍ତ୍ର କିମ୍ବା ପ୍ରତ୍ସାହନ ନଥିଲା ବୋଲି ଜଷ୍ଟିସ ନାନାବତୀ କମିଶନଙ୍କ ତଦନ୍ତ ରିପୋର୍ଟ ରେ କୁହାଯାଇଛି । ଗୁଜରାଟ ବିଧାନସଭାରେ ନାନାବତୀ କମିଶନ ରିପୋର୍ଟ ଉପସ୍ଥାପନ ହୋଇଥିବା ବେଳେ ଏହା ପୂର୍ବତନ ଗୁଜୁରାଟ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦି ଏବଂ ଅନ୍ୟମାନଙ୍କୁ କ୍ଲିନଚିଟ୍ ପ୍ରଦାନ କରିଛି । କମିଶନ ତାଙ୍କ ରିପୋର୍ଟରେ କହିଛନ୍ତି ଯେ, ଗୋଧ୍ରା ପରବର୍ତୀ ଦଙ୍ଗାରେ ରାଜ୍ୟର କୌଣସି ନେତା ଓ ପୁଲିସ ଅଧିକାରୀଙ୍କ ସଂପୃକ୍ତି ନଥିଲା ।
Kanak News is now on WhatsApp
Join and get latest news updates delivered to you via WhatsApp
କମିଶନ ମୋଦିଙ୍କ ସହ ହରେନ୍ ପାଣ୍ଡ୍ୟା, ଅଶୋକ ଭଟ୍ଟ, ଏବଂ ପୂର୍ବତନ ମନ୍ତ୍ରୀ ଭରତ ବାରୋଟଙ୍କୁ ମଧ୍ୟ କ୍ଲିନଚିଟ୍ ପ୍ରଦାନ କରିଛି । ତତକାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦି ସେହି ସମୟରେ ଗୋଧ୍ରାଯାଇ ପୋଡାଯାଇଥିବା ଏସ-୬ ବଗିର ଯାଂଚ୍ କରିଥିଲେ ଏବଂ ପ୍ରମାଣ ନଷ୍ଟ କରିଥିଲେ ବୋଲି ଯେଉଁ ଅଭିଯୋଗ ହୋଇଥିଲା ତାହା ଭିତିହୀନ ବୋଲି କମିଶନ ସ୍ପଷ୍ଟ କରିଛନ୍ତି । ମୋଦି କାହାକୁ କିଛି ସୂଚନା ନଦେଇ ଗୋଧ୍ରା ଯାଇଥିବା ଅଭିଯୋଗକୁ ମଧ୍ୟ କମିଶନ ପ୍ରତ୍ୟାଖ୍ୟାନ କରିଛି ।