ବିଶ୍ୱାସ ନା ଅନ୍ଧବିଶ୍ୱାସ ! ଗୋଟିଏ ଦିନ ପୂର୍ବରୁ ନେଇଥିଲେ ନାଗର ଜୀବନ,ପରଦିନ ତିନିଜଣଙ୍କୁ ଚୋଟ ମାରିଲା ନାଗୁଣୀ ।
ସିନେମାରେ ନାଗ-ନାଗୁଣୀଙ୍କ ପ୍ରେମପ୍ରଣୟ ଏବଂ ପ୍ରତିଶୋଧର ବିଭିନ୍ନ ଚିତ୍ର ଦେଖିଥିବେ । କିନ୍ତୁ ଅସଲ ଜୀବନରେ ଏସବୁ ଶୁଣିଲେ ହୁଏତ କେହି ବିଶ୍ୱାସ କରିବେନି । ଆଧୁନିକ ଯୁଗରେ ଲୋକଙ୍କ ମଧ୍ୟରେ ଏଭଳି ଚିନ୍ତା ରଖିବା କେବଳ ଭ୍ରମର ଏକ ରୂପ ମନାଯାଏ । କିନ୍ତୁ ଏଭଳି ଘଟଣା ଯେତେବେଳେ ସତ ହୁଏ ଲୋକଙ୍କ ମଧ୍ୟରେ ଡର ଏବଂ ଭୟର ଆଶଙ୍କା ବଢିଯିବା ମଧ୍ୟ ସାଧାରଣ ହୋଇପଡେ । ଘଟଣାଟି ହେଉଛି ମଥୁରାର । ମଥୁରାର କସବାରାୟ ନାମକ ଏକ ସ୍ଥାନରେ ଘଟିଛି ଏଭଳି ଏକ ଘଟଣା । ଯେଉଁଠି ଗୋଟିଏ କଳା ନାଗସାପକୁ ସ୍ଥାନୀୟ ଯୁବକମାନେ ପିଟିପିଟି ମାରିଦେଇଥିଲେ । ଏହାର ମାତ୍ର ଗୋଟିଏ ଦିନ ପରେ ହିଁ ଉକ୍ତ ଯୁବକ ମାନଙ୍କ ମଧ୍ୟରୁ ତିନିଜଣଙ୍କୁ ସାପ କାମୁଡି ମାରିଦେବାର ଖବର ଏବେ ସାମ୍ନାକୁ ଆସୁଛି । ବର୍ତ୍ତମାନ ଉକ୍ତ ସ୍ଥାନରେ ଲୋକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ ଯୁବକ ହରିଓମ୍ ଯେ ପ୍ରଥମେ ନାଗ ଉପରକୁ ପ୍ରହାର କରିଥିଲେ,ବିଲରେ କାମ କରୁଥିବା ସମୟରେ ହାତରେ ସାପ ଗୁଡାଇ ହୋଇ ଯାଇଥିଲା । ସାପର ଚୋଟ ପରେ ହରିଓମ୍ ଙ୍କୁ ଡାକ୍ତରଖାନା ନେବା ସମୟରେ ରାସ୍ତାରେ ତାଙ୍କ ପ୍ରାଣବାୟୁ ଉଡିଯାଇଥିଲା । ଏହାପରେ ଅଭୟ ଏବଂ ବୈଦ୍ୟନାଥ ନାମକ ଦୁଇଜଣ ଯୁବକ ମଧ୍ୟ ଭିନ୍ନ ଭିନ୍ନ ପ୍ରକ୍ରିୟାରେ ସର୍ପ ଦଂଶନର ଶିକାର ପାଲଟିଥିଲେ । ବର୍ତ୍ତମାନ ଗାଁରେ ଏଭଳି ପରିସ୍ଥିତି ଦେଖି ଅନ୍ୟମାନେ ମଧ୍ୟ କୋକୁଆଭୟରେ ରହିଛନ୍ତି । କିଛି ଲୋକ ଏହାକୁ ନାଗୁଣୀର ପ୍ରତିଶୋଧ ବୋଲି ମଧ୍ୟ କହୁଛନ୍ତି । ତେବେ ପ୍ରକୃତ ଘଟଣା କ’ଣ ତାହା ଏପର୍ଯ୍ୟନ୍ତ ଜଣାପଡିନାହିଁ ।