ସିବିଆଇର ପୂର୍ବ ଅନ୍ତରୀଣ ନିର୍ଦ୍ଦେଶକ ନାଗେଶ୍ୱର ରାଓଙ୍କୁ ସୁପ୍ରିମକୋର୍ଟଙ୍କ ବଡ ଝଟକା ! ଲକ୍ଷେ ଟଙ୍କା ଜରିମାନା ସହ ପୁରା ଦିନ କୋର୍ଟରେ ବସି ରହିବାକୁ ନିର୍ଦ୍ଦେଶ
କନକ ବ୍ୟୁରୋ : ନାଗେଶ୍ୱର ରାଓଙ୍କୁ ସୁପ୍ରିମକୋର୍ଟଙ୍କ ବଡ ଝଟକା । ମୁଜ୍ଜାଫରପୁର ସେଲଟର ହୋମ ମାମଲାର ତଦନ୍ତକାରୀ ଅଧିକାରୀଙ୍କ ବଦଳି ଘଟଣାରେ ସିବିଆଇର ପୂର୍ବ ଅନ୍ତରୀଣ ନିର୍ଦ୍ଦେଶକ ନାଗେଶ୍ୱର ରାଓଙ୍କୁ କଡା ଭର୍ତ୍ସନା କରିଛନ୍ତି ସର୍ବୋଚ୍ଚ ଅଦାଲତ । ତାଙ୍କର କ୍ଷମା ଆବେଦନକୁ ମଧ୍ୟ କୋର୍ଟ ଅଗ୍ରାହ୍ୟ କରିବା ସହ ୧ଲକ୍ଷ ଟଙ୍କା ଜରିମାନ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟ ବିଚାରପତି ରଂଜନ ଗୋଗୋଇ ଏହାର ଶୁଣାଣି କରି ଏହି ନିର୍ଦ୍ଦେଶନାମା ଜାରି କରିଛନ୍ତି । ଯେପର୍ଯ୍ୟନ୍ତ କୋର୍ଟ କାର୍ଯ୍ୟ ଜାରି ରହିବ ସେପର୍ଯ୍ୟନ୍ତ ନାଗେଶ୍ୱର ରାଓ ଓ ଅନ୍ୟ ଅଧିକାରୀ କୋର୍ଟରୁମ ପରିସରରେ ବସିବାକୁ ପଡିବ ବୋଲି କଡାବାଣୀ ଶୁଣାଇଛନ୍ତି ମାନ୍ୟବର କୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ମୁଜ୍ଜାଫରପୁର ସେଲଟର ହୋମର ଯାଂଚ କରୁଥିବା ଟିମ ମଧ୍ୟରେ କୌଣସି ପରିବର୍ତ୍ତନ ହେବ ନାହିଁ ବୋଲି ସଫା ସଫା ମନାକରିଦେଇଛନ୍ତି କୋର୍ଟ । ଅରୁଣ ଶର୍ମା ହିଁ ଏହି କେସର ନେତୃତ୍ୱ ନେବେ । ନାଗେଶ୍ୱର ରାଓଙ୍କ ବ୍ୟତୀତ ଏସ୍.ଭସୁରଣଙ୍କ ଉପରେ ମଧ୍ୟ ଏକ ଲକ୍ଷର ଜୋରିମାନା ଲଗାଇଛନ୍ତି ସୁପ୍ରିମକୋର୍ଟ ।