ଆଜି ଓଡିଶା ଫେରିବେ ଶ୍ରେଷ୍ଠ ପ୍ରଶାସକ ନବୀନ ପଟ୍ଟନାୟକ ! ରେଳ ଦୁର୍ଘଟଣା ଯୋଗୁଁ ନିରାଡମ୍ବର ଶୁଭେଚ୍ଛା ଜଣାଇବାକୁ ବିଜେଡିର ଅପିଲ୍
କନକ ବ୍ୟୁରୋ: ଆଉଟଲୁକ୍ ତରଫରୁ ଦେଶର ଶ୍ରେଷ୍ଠ ପ୍ରଶାସକ ଭାବେ ସମ୍ମାନିତ ହେବା ପରେ ଆଜି ଓଡିଶା ଫେରୁଛନ୍ତି ମୁଖ୍ୟମନ୍ତ୍ରୀ । ନବୀନଙ୍କୁ ଜୋରଦାର ସ୍ୱାଗତ କରିବା ସହ ଶକ୍ତି ପ୍ରଦର୍ଶନ କରିବାକୁ ବିଜେଡିି ଅଂଟା ଭିଡିିଛି । ବିରାଟ ଶୋଭାଯାତ୍ରାରେ ହଜାର ହଜାର କର୍ମୀ ଏକାଠି ହୋଇ ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବେ । ଦିଲ୍ଲୀରେ ବିପୁଳ ସମ୍ବର୍ଦ୍ଧନା ପରେ ଓଡିଶାରେ ଉପକୂଳରୁ ଉପାନ୍ତ ଯାଏଁ ମୁଖ୍ୟମନ୍ତ୍ରୀଙ୍କ ଭାବମୂର୍ତ୍ତି ପହଂଚାଇବାକୁ ଦଳ କରିଛି ସ୍ୱତନ୍ତ୍ର ପ୍ରସ୍ତୁତି । ମାତ୍ର ଉତ୍କଳ-କଳିଙ୍ଗ ଏକ୍ସପ୍ରେସ ଟ୍ରେନ ଦୁର୍ଘଟଣା ଭଳି ଦୁଃଖଦ ଘଟଣା ଘଟିଥିବାରୁ ମୁଖ୍ୟମନ୍ତ୍ରୀଙ୍କୁ ନିରାଡ଼ମ୍ବର ଭାବେ ସ୍ୱାଗତ କରିବାକୁ ବିଜେଡି ଜନସାଧାରଣଙ୍କୁ ଅପିଲ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଆମେ କହିରଖୁଛୁ କି, ଦିଲ୍ଲୀରେ ଆଉଟଲୁକ୍ ପକ୍ଷରୁ ଦେଶର ଶ୍ରେଷ୍ଠ ପ୍ରଶାସକ ଭାବେ ସମ୍ମାନିତ ହେବା ପରେ ଆଜି ଓଡ଼ିଶା ଫେରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତାଙ୍କୁ ସ୍ୱାଗତ ଜଣାଇବା ପାଇଁ ଦଳ ପକ୍ଷରୁ ରାଜଧାନୀରେ କରାଯାଇଛି ବ୍ୟାପକ ପ୍ରସ୍ତୁତି । ହଜାର ହଜାର କର୍ମୀଙ୍କ ଜରିଆରେ ସୁପ୍ରିମୋଙ୍କୁ ସ୍ୱାଗତ କରିବାକୁ ହୋଇଛି ଗୋଟିଚାଳନା । ତୁଙ୍ଗ ନେତାଙ୍କୁ ପଛରେ ପକାଇ ନବୀନ ବାଜି ମାରିବା ପରେ, ଏହା ତାଙ୍କ ଭାବମୂର୍ତ୍ତିକୁ ଆହୁରି ବଢାଇଥିବା ଦର୍ଶାଇ ବିଜେଡି ତିଆରି କରିଛି ରଣନୀତି । ଉପକୁଳରୁ ଉପାନ୍ତ ଯାଏଁ କିଭଲି ଏହି ବାର୍ତ୍ତାକୁ ପହଂଚାଯିବ ସେନେଇ ଉଦ୍ୟମ ମଧ୍ୟ ଆରମ୍ଭ ହୋଇଛି ।
ଖାଲି ଭୁବନେଶ୍ୱର ନୁହେଁ ବରଂ ଦିଲ୍ଲୀରେ ମଧ୍ୟ ଭାବମୂର୍ତ୍ତି ସଜାଡିବାକୁ ଉଦ୍ୟମ ଆରମ୍ଭ ହୋଇଛି । ମୁଖିଆଙ୍କୁ ଦିଆଯାଇଛି ସମ୍ବର୍ଦ୍ଧନା । ଅନ୍ୟ ରାଜ୍ୟର ମୁଖ୍ୟମନ୍ତ୍ରୀଙ୍କୁ ପଛରେ ପକାଇ ନବୀନ ବାଜି ମାରିବା ସହ ରାଜ୍ୟରେ ପ୍ରତିପକ୍ଷଙ୍କୁ ଚେକମେଟ୍ ଦେଇଥିବା କୁହାଯାଉଛି । ଯଦିଓ ଏହାକୁ ପ୍ରାୟୋଜିତ ଆୱାର୍ଡ ଭାବେ ଅଭିହିତ କରି ବିରୋଧୀ ପ୍ରଚାର ଚଳାଇଛନ୍ତି, କିନ୍ତୁ ବାସ୍ତବତା ହେଉଛି, ରାଜନୀତିରେ ପୁଣି ନବୀନଙ୍କ କାଟତି ବଢିଛି ।