ମୋଦିଙ୍କ ଏକକାଳୀନ ନିର୍ବାଚନ ପ୍ରସ୍ତାବକୁ ନବୀନଙ୍କ ପୂର୍ଣ୍ଣ ସମର୍ଥନ ନେଇ ଚର୍ଚ୍ଚା : କାହିଁକି ମୁଖ୍ୟମନ୍ତ୍ରୀ କଲେ ସମର୍ଥନ?
କନକ ବ୍ୟୁରୋ : ସାରା ଦେଶରେ ଏକକ ନିର୍ବାଚନ କରିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କ ପ୍ରସ୍ତାବକୁ ସମର୍ଥନ ଜଣାଇବା ପରେ ଏହାକୁ ନେଇ ଜୋର ଧରିଛି ଚର୍ଚ୍ଚା । ବିଭିନ୍ନ ପ୍ରସଙ୍ଗରେ କେନ୍ଦ୍ରକୁ ଖୋଲାଖୋଲି ବିରୋଧ କରୁଥିବା ନବୀନ ଏହି ପ୍ରସଙ୍ଗରେ କାହିଁକି ସମର୍ଥନ କଲେ ସେ ନେଇ ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଛି । ବଡ ପ୍ରଶ୍ନ ଉଠୁଛି, ବିଜେଡିକୁ ଏଥିରୁ କି ଫାଇଦା ମିଳିବ । କାହିଁକି ସମର୍ଥନ କଲେ ନବୀନ ? ଏକକ ନିର୍ବାଚନ ପ୍ରସଙ୍ଗରେ ନିଜର ବିଚାର ରଖିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଥିଲେ ଲ କମିଶନ । ଆଉ ଏହାକୁ ସମର୍ଥନ କରିଛନ୍ତି ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ କେନ୍ଦ୍ରରେ ମୋଦି ସରକାର ଆସିବା ପରେ ଗୋଟିଏ ସମୟରେ ସାରା ଦେଶରେ ଏକକ ନିର୍ବାଚନ କରିବା ନେଇ ଯୁକ୍ତି ରଖି ଆସୁଛନ୍ତି । ଆଉ ଏହି ପ୍ରକ୍ରିୟାକୁ ଆଗେଇ ନେବା ପାଇଁ ଲ’ କମିଶନ ଏଭଳି ଏକ ଆଲୋଚନାଚକ୍ରର ଆୟୋଜନ କରିବାକୁ ଯାଉଛି । କେନ୍ଦ୍ର ସରକାରଙ୍କ ଆଇନ ବିଭାଗ, ଗତ ଏପ୍ରିଲ ୧୬ ତାରିଖରେ ଲ’ କମିଶନଙ୍କୁ ଏହି ପ୍ରସଙ୍ଗରେ ଅନୁଧ୍ୟାନ କରିବାକୁ କହିଥିଲେ । ଏହା ପରେ ଲ’ କମିଶନ ଏହି ପ୍ରସଙ୍ଗକୁ ସର୍ବସାଧାରଣଙ୍କ ସମ୍ମୁଖରେ ରଖିବା ସହ ରାଜନୈତିକ ଦଳ ଗୁଡ଼ିକର ମତାମତ ଜାଣିବାର ପ୍ରକ୍ରିୟା ଆରମ୍ଭ କରିଛନ୍ତି । ଏହି ଚିଠି ପାଇବା ପରେ ମୁଖ୍ୟମନ୍ତ୍ରୀ ନିଜ ପ୍ରତିକ୍ରିୟାରେ କହିଥିଲେ -ଏହି ପ୍ରସ୍ତାବକୁ ଆମେ ସ୍ୱାଗତ କରୁଛୁ । ବର୍ଷ ସାରା ନିର୍ବାଚନ ହେଲେ ବିକାଶ କାମରେ ବାଧା ଉପୁଜୁଛି । ତେଣୁ ଏପ୍ରସ୍ତାବକୁ ଆମେ ସ୍ୱାଗତ କରୁଛୁ ।