ନବରଙ୍ଗପୁରର ଧଡ୍ରା ପଂଚାୟତରେ ମହିଳା ସରପଂଚଙ୍କୁ ଦୁର୍ବ୍ୟବହାର ଅଭିଯୋଗ ! ଡିପିଓଙ୍କ ବିରୋଧରେ ଉମରକୋଟ ଥାନାରେ ଏତଲା
କନକ ବ୍ୟୁରୋ : ମହିଳା ସରପଂଚଙ୍କୁ ଦୁର୍ବ୍ୟବହାର ଅଭିଯୋଗ । ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଧଡ୍ରା ପଂଚାୟତରେ ମହିଳା ସରପଂଚଙ୍କୁ ଦୁର୍ବ୍ୟବହାର ଅଭିଯୋଗ ହୋଇଛି । ଏନେଇ ମାମଲା ଥାନାରେ ପହଂଚିଛି । ଡିପିଓଙ୍କ ବିରୋଧରେ ଉମରକୋଟ ଥାନାରେ ଏତଲା ଦେଇଛନ୍ତି ମହିଳା ସରପଂଚ ବେଲମତି ମାଝି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ ଅଭିଯୋଗ ଅନୁସାରେ ଗତକାଲି ପ୍ରାୟ ଦିନ ୧୧ଟା ବେଳେ ଜିଲ୍ଲା ପଂଚାୟତ ଅଧିକାରୀ ପି.ଇ.ଓ ଙ୍କ ଅଫିସରେ ପହଂଚି ସରପଂଚ ପ୍ରାର୍ଥୀଙ୍କୁ ଡକାଇଥିଲେ । ସେଠାରେ ତାଙ୍କୁ କଟୁ ମନ୍ତବ୍ୟ ଦେବା ସହ ଅପମାନିତ କରିଥିବା ଅଭିଯୋଗ କରିଛନ୍ତି ।
ଏହି ଘଟଣାକୁ ଜିଲ୍ଲା କଂଗ୍ରେସ ନିନ୍ଦା କରିବା ସହ ବେଲମତି ମାଝି କଂଗ୍ରେସ ସମର୍ଥିତ ପ୍ରାର୍ଥୀ ହୋଇଥିବାରୁ ବିଜେଡି ଦଳର ଇଙ୍ଗିତରେ ଅପମାନ କରାଯାଇଥିବା କଂଗ୍ରେସ କହିଛି । ଏତଲା ହେବା ପରେ ଏହି ଘଟଣାରେ ତଦନ୍ତ କରୁଛନ୍ତି ଉମରକୋଟ ଥାନା ଅଧିକାରୀ ।