ନବରଙ୍ଗପୁରରେ ଶିକ୍ଷା ବ୍ୟବସ୍ଥାର ଅସଲ ଚିତ୍ର । ଶିକ୍ଷକଙ୍କ ଭୂମିକାରେ କୁନି ଛାତ୍ରୀ । ସଜାଡୁଛନ୍ତି ସାଥୀ ସହପାଠୀଙ୍କ ଭବିଷ୍ୟତ
ପାଠପଢାଇବାକୁ କେହି ନାହାଁନ୍ତି, ଉପସ୍ଥାନ ପଡୁନି କି ମଧ୍ୟାହ୍ନ ଭୋଜନ ବି ହେଉନି
କନକ ବ୍ୟୁରୋ: ଛାତ୍ରୀ ସାଜିଲେ ଶିକ୍ଷକ । ଶିକ୍ଷକ ବଦଳରେ ପାଠ ପଢାଉଛନ୍ତି ଛାତ୍ରୀ । ସଜାଡୁଛନ୍ତି ସାଥୀ ସହପାଠୀଙ୍କ ଭବିଷ୍ୟତ । ଏମିତି ଚିତ୍ର ଦେଖିବାକୁ ମିଳିଛି ନବରଙ୍ଗପୁର ଡାବୁଗାଁ ବ୍ଲକ ଅଚଂଳା ପଂଚାୟତର ଧର୍ନିଯୋଡିର ସରକାରୀ ପ୍ରାଥମିକ ସ୍କୁଲରେ । ଏଠାରେ କୌଣସି ଶିକ୍ଷକ ନଥିବାବେଳେ ଜଣେ ଚତୁର୍ଥ ଶ୍ରେଣୀର ଛାତ୍ରୀ ପାଠ ପଢାଉଥିବାର ଦେଖିବାକୁ ମିଳିଛି । ଏହି ସ୍ତୁଲରେ ଶିକ୍ଷକ ରହୁନଥିବାରୁ ଉପସ୍ଥାନ ପଡୁନାହିଁ ଓ ରୋଷେଇ ହେଉନାହିଁ । ଧର୍ନିଯୋଡି ସରକାରୀ ପ୍ରାଥମିକ ବିଦ୍ୟାଳୟରେ ଦୁଇଜଣ ଶିକ୍ଷକ ଅଛନ୍ତି । କିନ୍ତୁ ସେମାନେ ଅନୁପସ୍ଥିତ ରହୁଥିବାରୁ ଏଭଳି ପରିସ୍ଥିତି ଉପୁଜିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଡାବୁଗାଁ ବ୍ଲକ ଅଂଚଳା ପଂଚାୟତର ଧର୍ନିଯୋଡିର ସରକାରୀ ପ୍ରାଥମିକ ବିଦ୍ୟାଳୟରରେ କୌଣସି ଶିକ୍ଷକ ନିଥିବା ବେଳେ ଜଣେ ଚତୁର୍ଥ ଶ୍ରେଣୀର ଛାତ୍ରୀ ପାଠପଢାଉଥିବାର ଚିତ୍ର ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । କୁନି କୁନି ପିଲାମାନେ ପାଠପଢିବାକୁ ବିଦ୍ୟାଳୟକୁ ଯାଉଥିବା ବେଳେ ସେମାନଙ୍କୁ ହିଁ ପାଠ ପଢାଇବା ଦାୟିତ୍ୱ ଦିଆଯିବା ଶିକ୍ଷା ବିଭାଗକୁ ପୁଣି ଥରେ କାଠଗଡାକୁ ଟାଣି ଆଣିଛି । ଉକ୍ତ ବିଦ୍ୟାଳୟରେ ଶିକ୍ଷକ ରହୁ ନଥିବା ବେଳେ ଉପସ୍ଥାନ ପଡୁନାହିଁ ଏବଂ ରୋଷେଇ ମଧ୍ୟ ହୋଇପାରୁନଥିବା ଅଭିଯୋଗ ହୋଇଛି । ଧାର୍ନିଯୋଡି ସରକାରୀ ପ୍ରାଥମିକ ବିଦ୍ୟାଳୟରେ ୨ଜଣ ଶିକ୍ଷକ ନିଯୁକ୍ତି ପାଇଛନ୍ତି । ଜଣେ ଶିକ୍ଷକ ଛୁଟିରେ ଥିବା ବେଳେ ଅନ୍ୟ ଜଣେ ଶିକ୍ଷକ ଅନୁପସ୍ଥିତ ଥିଲେ ।
ତେବେ ଶିକ୍ଷକଙ୍କ ଅନୁପସ୍ଥିତ ଥିବା ବେଳେ ବିକଳ୍ପ ଶିକ୍ଷକ ସାଜି ଶ୍ରେଣୀ ଚଳାଇବାର ଦ୍ୱାୟିତ୍ୱ ନେଇ ପାଠପଢାଇଛନ୍ତି ଏହି କୁନି ଛାତ୍ରୀ ଜଣକ । ତେବେ ବଡ କଥା ହେଉଛି ଯଦି ସ୍କୁଲ ଶିକ୍ଷକଙ୍କ ଅନୁପସ୍ଥିତିରେ କୌଣସି ଅଘଟଣ ଘଟିଥିଲେ ଏଥିପାଇଁ କିଏ ଦାୟୀ ହେବେ । ସେପଟେ ସଂପୃକ୍ତ ଶିକ୍ଷକଙ୍କ ସହ ଯୋଗାଯୋଗ କରିଥିଲେ ବି ଏହା ସମ୍ଭବ ହୋଇପାରିନାହିଁ ।