ଚାଷୀଙ୍କ ହକ୍ ପାଇଁ ରାଜରାସ୍ତାକୁ ଓହ୍ଲାଇଲା ନବନିର୍ମାଣ କୃଷକ ସଂଗଠନ ! ବିଜେପି ପ୍ରତିଶ୍ରୁତି ପାଳନ କରୁ ବୋଲି କଲେ ଦାବି
କନକ ବ୍ୟୁରୋ : ଚାଷୀଙ୍କ ହକ୍ ପାଇଁ ପୁଣି ରାଜରାସ୍ତାକୁ ଓହ୍ଲାଇଲା ନବନିର୍ମାଣ କୃଷକ ସଂଗଠନ । ସ୍ୱାମୀନାଥନ୍ କମିଟିର ସୁପାରିଶକୁ ଲାଗୁ କରିବା ଦାବିରେ ଭୁବନେଶ୍ୱର ଲୋୟର ପିଏମ୍ଜିରେ ସଂଗଠନ ପକ୍ଷରୁ ସତ୍ୟାଗ୍ରହ କରାଯାଇଛି । ଚାଷୀଙ୍କ ମନଲୋଭା ପ୍ରତିଶ୍ରୁତି ଦେଇ କେନ୍ଦ୍ରରେ କ୍ଷମତାକୁ ଆସିଥିବା ବିଜେପି, ନିଜ ନିର୍ବାଚନ ଇସ୍ତାହାରରେ ଦିଆଯାଇଥିବା ପ୍ରତିଶ୍ରୁତି ପାଳନ କରିବାକୁ ଦାବି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱରରେ ବର୍ତମାନ ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ଚାଲିଥିବାରୁ ଚାଷୀଙ୍କ ସମସ୍ୟାକୁ ପ୍ରଧାନମନ୍ତ୍ରୀ ମୋଦିଙ୍କ ଦୃଷ୍ଟିଗୋଚରକୁ ଆଣିବା ଉର୍ଦ୍ଦେଶ୍ୟରେ ନବନିର୍ମାଣ କୃଷକ ସଂଗଠନ ପକ୍ଷରୁ ଏଭଳି ଏକ ସତ୍ୟାଗ୍ରହର ଆୟୋଜନ କରାଯାଇଛି । ଓଡ଼ିଶାରେ କ୍ଷମତା ଦଖଲ ଲକ୍ଷ୍ୟ ରଖିବା ବିଜେପି, ଚାଷୀଙ୍କ ମନଜିଣିବା ଜରୁରୀ ।
ମନ ଜିଣିଲେ ଭୋଟ୍ ଜିତିପାରିବ ବୋଲି ସଂଗଠନ ପକ୍ଷରୁ କୁହାଯାଇଛି । ଏଥିରେ ନବ ନିର୍ମାଣ କୃଷକ ସଂଗଠନ ଉପଦେଷ୍ଟା ସୌମ୍ୟରଂଜନ ପଟ୍ଟନାୟକ, ସଂଗଠନର ଆବାହାକ ଅକ୍ଷୟ କୁମାରଙ୍କ ସମେତ ଶତାଧିକ ଚାଷୀ ଓ ସଂଗଠନ କର୍ମକର୍ତା ଏହି ସତ୍ୟାଗ୍ରହରେ ଉପସ୍ଥିତ ଥିଲେ ।