କନକ ବ୍ୟୁରୋ : ଆଜି ଓଡିଶା ବନ୍ଦ୍ । ପ୍ରାଇସ୍ , ପ୍ରେଷ୍ଟିଜ୍ ଓ ପେନସନ ଦାବିରେ ନବ ନିର୍ମାଣ କୃଷକ ସଂଗଠନ ପକ୍ଷରୁ ଏହି ବନ୍ଦ ପାଳନ କରାଯାଉଛି । ବନ୍ଦ୍ ପାଳନକାରୀମାନେ ରାସ୍ତା ଅବରୋଧ କରିବା ସହ ବିଭିନ୍ନ ବ୍ୟବସାୟୀ ପ୍ରତିଷ୍ଠାନ ବନ୍ଦ୍ ରହିଛି । ସଙ୍ଗଠନର କର୍ମୀମାନେ ବିଭିନ୍ନ ଜିଲ୍ଳା ମୁଖ୍ୟାଳୟ ଓ ସଦର ମହକୁମାମାନଙ୍କରେ ବିକ୍ଷୋଭ ପ୍ରଦର୍ଶନ କରି ରାସ୍ତାରେ ଯାହାକିଛି ସ୍ୱଳ୍ପ ଯାନବାହନ ଚଳାଚଳ କରୁଛି ତାହାକୁ ଅଟକାଉଛନ୍ତି । ରାଜ୍ୟ ମଧ୍ୟ ଦେଇ ଯାଇଥିବା ଜାତୀୟ ରାଜପଥ, ରାଜ୍ୟ ରାଜପଥ ଓ ଅନ୍ୟାନ୍ୟ ସଡ଼କପଥରେ ବସ୍, ଟ୍ରକ୍, କାର୍ ଓ ଅନ୍ୟାନ୍ୟ ପରିବହନ ମାଧ୍ୟମ ଚଳାଚଳ କରୁନାହିଁ । ରେଳଚଳାଚଳ ମଧ୍ୟ ବନ୍ଦ ରହିଛି । ଦୋକାନ ବଜାର ମଧ୍ୟ ଖୋଲି ନାହିଁ।
Kanak News is now on WhatsApp
Join and get latest news updates delivered to you via WhatsApp
ନବନିର୍ମାଣ କୃଷକ ସଂଗଠନର ବନ୍ଦ ପାଳନର ପ୍ରଭାବ ଭୁବନେଶ୍ୱର କଟକ ରୋଡରେ ଦେଖିବାକୁ ମିଳିଛି । କଟକ ରୋଡରେ ନବନିର୍ମାଣ କୃଷକ ସଂଗଠନର ସଦସ୍ୟ ରାସ୍ତାରେ ଟାୟର ଜାଳି ରାସ୍ତା ଅବରୋଧ କରିଛନ୍ତି । ବନ୍ଦକୁ ସମର୍ଥନ କରିବା ପାଇଁ ରାସ୍ତାରେ ଯାଆସ କରୁଥିବା ଲୋକଙ୍କୁ ବନ୍ଦ୍ ପାଳନକାରୀ ବୁଝାଉଥିବା ଦେଖିବାକୁ ମିଳିଛି । ସେପଟେ ମାଷ୍ଟରକ୍ୟାଂଟିନରେ ମଧ୍ୟ ନବ ନିର୍ମାଣ ସଂଗଠନର କିଛି ସଦସ୍ୟ ବନ୍ଦ ପାଳନ କରିଛନ୍ତି । ପ୍ରାଇସ୍, ପ୍ରେଷ୍ଟିଜ୍, ପେନସନ ଦାବିରେ ପିକେଟିଂ କରିଛନ୍ତି । ତେବେ ବନ୍ଦପାଳନକାରୀମାନଙ୍କୁ ଉଠାଇ ନେଇଛି ପୋଲିସ୍ । ଏହାବ୍ୟତୀତ ସୁନ୍ଦରଗଡ଼, ଧର୍ମଶାଳା, ଜଗତସିଂହପୁର, ଭଦ୍ରକ ଆଦି ସ୍ଥାନରେ ବନ୍ଦର ପ୍ରଭାବ ଦେଖିବବା ପାଇଁ ମିଳୁଛି ।
ନବନିର୍ମାଣ କୃଷକ ସଂଗଠନ ପକ୍ଷରୁ ଓଡିଶା ବନ୍ଦ୍ ପାଳନ ଯୋଗୁଁ ଉକ୍ରଳ ବିଶ୍ୱବିଦ୍ୟାଳୟ ଅଧୀନରେ ହେବାକୁ ଥିବା ଆଜିର ସମସ୍ତ ପରୀକ୍ଷାକୁ ବାତିଲ କରାଯାଇଛି । ପରିବର୍ତିତ ପରୀକ୍ଷା ସୂଚୀ ପରବର୍ତୀ ସମୟରେ ଜଣାଇ ଦିଆଯିବ ବୋଲି ବିଶ୍ୱବିଦ୍ୟାଳୟ ପରୀକ୍ଷା ନିୟନ୍ତ୍ରକ ସୂଚନା ଦେଇଛନ୍ତିି ।