୩୪ ନାବାଳିକାଙ୍କୁ ସ୍ୱାମୀଙ୍କ ଯୌନ ନିର୍ଯାତନା ଅଭିଯୋଗ, ମନ୍ତ୍ରୀ ପଦରୁ ଇସ୍ତଫା ଦେଲେ ସ୍ତ୍ରୀ, ବିହାର ରାଜନୀତିରୁ ବଡ ଖବର
ବିହାର ମନ୍ତ୍ରୀଙ୍କ ଇସ୍ତଫା । ବିହାରର ସମାଜ କଲ୍ୟାଣ ମନ୍ତ୍ରୀ ମଞ୍ଜୁ ବର୍ମା ଇସ୍ତଫା ଦେଇଛନ୍ତି । ଆଶ୍ରୟ ଗୃହରେ ୩୪ ନାବାଳିକାଙ୍କୁ ମଞ୍ଜୁ ବର୍ମାଙ୍କ ସ୍ୱାମୀ ଚଣ୍ଡେଶ୍ୱର ବର୍ମା ଯୌନ ନିର୍ଯାତନା ଦେଇଥିବା ଅଭିଯୋଗ ମାମଲା ବିବାଦରେ ଥିଲେ ମନ୍ତ୍ରୀ ମଞ୍ଜୁ ବର୍ମା । ଯହାକୁ ନେଇ ବିରୋଧୀ ଓ ସାଧାରଣ ଜନତାଙ୍କ ପ୍ରତିବାଦ ସ୍ୱର ତୀବ୍ର ହେବାରେ ଲାଗିଥିଲା । ତେବେ ଏନେଇ ଆଜି ସେ ବିହାରର ସମାଜ କଲ୍ୟାଣ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ବୋଲି ଜଣାପଡିଛି । ମଞ୍ଜୁ ବର୍ମା ତାଙ୍କ ଇସ୍ତଫା ପତ୍ର ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ହସ୍ତଗତ କରାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଗତ କିଛି ଦିନ ତଳେ ମୁଜାଫରପୁର ଆଶ୍ରୟ ଗୃହରେ ରହୁଥିବା ୩୪ ଜଣ ନାବାଳିକାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗ କରିଥିଲେ ବିରୋଧୀ ଦଳ । କାରଣ ଟିଆଇଏସଏସ ସୋସିଆଲ ଅଡିଟ୍ ରିପୋର୍ଟ ଆଧାରରେ ଆଶ୍ରୟସ୍ଥଳୀ ଗୃହରେ ନାବାଳିକାଙ୍କୁ ଯୌନ ନିର୍ଯାତନା ଦିଆଯାଉଥିବା ରିପୋର୍ଟ ପ୍ରକାଶ ପାଇଥିଲା । ଏବଂ ସେହି ଆଶ୍ରୟସ୍ଥଳୀ ଗୃହକୁ ମନ୍ତ୍ରୀଙ୍କ ସ୍ୱାମୀ ବାରମ୍ବାର ଯାଉଥିବା ଅଭିଯୋଗ କରିଥିଲେ ଜଣେ ଚାଇଲ୍ଡ ପ୍ରୋଟେକସନ ଅଫିସର । ଯାହାକୁ ନେଇ ମନ୍ତ୍ରୀଙ୍କ ସ୍ୱାମୀ ବିରୋଧରେ ଥାନାରେ ମାମଲା ଦାୟର ହୋଇଥିଲା । ଏନେଇ ବିରୋଧୀ ସମାଜ କଲ୍ୟାଣ ମନ୍ତ୍ରୀଙ୍କୁ ବିରୋଧୀ ଟାର୍ଗେଟ କରିଥିଲେ । ସାଧାରଣ ଲୋକମାନେ ଅସନ୍ତୋଷ ପ୍ରକାଶ କରିଥିଲେ । ଧିରେ ଧିରେ ଏହି ମାମଲା ତୀବ୍ର ହେବାରେ ଲାଗିଲା ବେଳକୁ ଶେଷରେ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ମଞ୍ଜୁ ବର୍ମା ।
ତେବେ ଏନେଇ ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଯେ, ସେ ଏହି ମାମଲାରେ ପ୍ରତେକ୍ଷ୍ୟ କି ପରୋକ୍ଷ ଭାବେ ଯିଏ ସଂପୃକ୍ତ ଥିବ ସେ ଦୋଷୀ ହେବ । ସିବିଆଇ ଏହାର ତଦନ୍ତ କରୁଛି, ଯେ କୌଣସି ବ୍ୟକ୍ତି ଏହି ଘଟଣାରେ ଦୋଷୀ ସାବ୍ୟସ୍ତ ହେଲେ ତାଙ୍କୁ ଜେଲ ଦଣ୍ଡ ଦିଆଯିବ । ମନ୍ତ୍ରୀ ହୁଅନ୍ତୁ ଅବା ଆଉ କେହି କାହାକୁ ବି ନିସ୍ତାର ଦିଆଯିବ ନାହିଁ ବୋଲି କହିଛନ୍ତି ନୀତିଶ କୁମାର ।