ଏମିତି ଏକ ନିଆରା ଡ୍ୟାମ୍ ! ଯାହା ବିଦ୍ୟୁତ ଉତ୍ପାଦନ କରିବା ସହ ଶୁଣାଇବ ଜଳ ତରଙ୍ଗର ସ୍ୱର ।
କଣ ଆପଣ ଏମିତି କୌଣସି ଡ୍ୟାମ ଦେଖିଛନ୍ତି ଯେଉଁଠି ଜଳ ତରଙ୍ଗର ଅତି ମଧୁର ସ୍ୱରର ମଜା ଉଠାଯାଇପାରିବ । ସିମଲା ଜିଲ୍ଲାର ହାଟେକାଟିରେ ପୱର ନଦୀ ଉପରେ ଦେଶର ପ୍ରଥମ ଏମିତି ନିଆରା ଡ୍ୟାମ ନିର୍ମାଣ କରାଯାଇଛି । ଯାହାର ବେୟାର ଗୁଡିକୁ ପିଆନୋ ସଦୃଶରେ ତିଆରି କରାଯାଇଛି । ଆଉ ଏଥିରୁ ବିଦ୍ୟୁତ ଉତ୍ପାଦନ ହେବା ସହ ସଙ୍ଗୀତର ବାତାବରଣରେ ଚତୁଃପାଶ୍ୱ ଗୁଞ୍ଜରିତ ହୋଇଉଠିବ । ସିମଲା ଠାରୁ ପାଖାପାଖି ୧୦୦ କିଲୋମିଟର ଦୂରତାରେ ଥିବା ପ୍ରସିଦ୍ଧ ଶକ୍ତିପୀଠ ହାଟକୋଟୀ ଦେଇ ବହୁଥିବା ପୱର ନଦୀ ଉପରେ ଏହି ଡ୍ୟାମର ନିର୍ମାଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାବଡା କୁଣ୍ଡୁ ପରିଯୋଜନା ଅନ୍ତର୍ଗତ ଏହି ଡ୍ୟାମ୍ କାର୍ଯ୍ୟ ପ୍ରଦେଶର ସରକାରୀ କମ୍ପାନୀ ହିମାଚଳ ପାୱର କର୍ପୋରେସନକୁ ଦିଆଯାଇଛି । ଏହି ଡ୍ୟାମ ପାଖାପାଖି ପ୍ରସ୍ତୁତ ହୋଇସାରିଥିବା ବେଳେ ୫ ମାସ ମଧ୍ୟରେ ଏଥିରେ ପାଣି ଭରପୂର କରାଯିବ । ଡ୍ୟାମର ଯେଉଁ ଭାଗରୁ ୭ଟି ଧାରା ବୋହିବ ତାହା ପାଖାପାଖି ଅଧା କିଲୋମିଟର ବିସ୍ତାର ହୋଇଛି । ଏହି ଡ୍ୟାମ୍ ଦ୍ୱାରା ଦେଶବିଦେଶର ପର୍ଯ୍ୟଟକ ମାନଙ୍କୁ ଆକର୍ଷିତ କରିବାର ଯୋଜନା ପ୍ରସ୍ତୁତ କରାଯାଇଛି ।
ବିଦ୍ୟୁତ ଉତ୍ପାଦନ କରାଯିବା ନିମନ୍ତେ ଏଥିରେ ତିନୋଟି ମେସିନ ସ୍ଥାପିତ କରାଯାଇଛି । ଜଳର ଧାରାରୁ ସୃଷ୍ଟି ହେଉଥିବା ସ୍ୱର ତରଙ୍ଗ ପର୍ଯ୍ୟଟକ ମାନଙ୍କୁ ବେଶ ଆକର୍ଷିତ କରିବ । ଏଥି ପାଇଁ ଡ୍ୟାମଟିକୁ ଏଭଳି ରୂପ ଦିଆଯାଇଛି ।