କୁଆଖାଇ ନଦୀପଠାରୁ ମିଳିଲା ଅଧାପୋଡା ମୃତଦେହ : ମୃତଦେହ ନିକଟରୁ ଲାପଟପ୍, ପେନଡ୍ରାଇଭ୍ ଓ ମହିଳା ଚପଲ ଜବତ
କନକ ବ୍ୟୁରୋ : ନଦୀପଠାରୁ ମିଳିଲା ଅଧାପୋଡା ମୃତଦେହ । ଭୁବନେଶ୍ୱର ମଂଚେଶ୍ୱର ଥାନା ଅନ୍ତର୍ଗତ ନହରକଂଟା କୁଆଖାଇ ନଦୀପଠାରୁ ଜବତ ହୋଇଛି ଯୁବକଙ୍କ ଅଧାପୋଡା ମୃତଦେହ । ମଂଚେଶ୍ୱର ଥାନା ପୋଲିସ ଅଧାପୋଡା ମୃତଦେହକୁ ଜବତ କରିଛି । ଯୁବକଙ୍କ ପେଟରେ ଛୁରୀ ଭୁଷା ହୋଇଥିବା ଦେଖିବାକୁ ମିଳିଥିଲା । ଏହା ସହ ମୃତଦେହ ନିକଟରୁ ଏକ ଲାପଟପ୍, ଅଧାପୋଡା ପେନଡ୍ରାଇଭ୍ ଓ ମହିଳା ଚପଲ ଜବତ ହୋଇଛି । ଯେଉଁଥି ପାଇଁ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି । ମୃତ ଯୁବକଙ୍କ ପରିଚୟ ମିଳି ପାରିନାହିଁ । ପୋଲିସ ଅଧାପୋଡା ମୃତଦେହକୁ ବ୍ୟବଛେଦ ପାଇଁ ପଠାଇ ତଦନ୍ତ ଚଳାଇଛି । ସାଇଂଟିଫିକ୍ ଟିମ୍ ମଧ୍ୟ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁଯାୟୀ ଗତକାଲି ଅପରାହ୍ନ ସମୟରେ ନଦୀପଠାରେ ଏକ ଅଧାପୋଡ଼ା ମୃତଦେହ ପଡ଼ିଥିବା ନେଇ କିଛି ସ୍ଥାନୀୟ ଲୋକ ପୁଲିସକୁ ଖବର ଦେଇଥିଲେ । ତେଣୁ ସାଇଣ୍ଟିଫିକ ଟିମ୍ ସହ ମଞ୍ଚେଶ୍ୱର ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ମୃତ ଯୁବକ ଜଣକ ଏକ ନୀଳ ରଙ୍ଗର ଟି-ସାର୍ଟ ପିନ୍ଧିଥିବା ବେଳେ ତାଙ୍କ ବୟସ ୩୦ ରୁ ୩୫ ଭିତରେ ହେବ ବୋଲି ପୁଲିସ ଅନୁମାନ କରୁଛି । ଯୁବକଙ୍କ ପେଟରେ ଛୁରି ଭୁଷା ହୋଇଥିବାରୁ ଏହା ଏକ ହତ୍ୟାକାଣ୍ଡ ବୋଲି ସ୍ପଷ୍ଟ ହୋଇଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ଘଟଣାର ପ୍ରକୃତ ରହସ୍ୟ ସାମ୍ନାକୁ ଆସିବ ବୋଲି ପୁଲିସ କହିଛି । ଏହି ଘଟଣାରେ ଏକାଧିକ ଲୋକଙ୍କ ହାତ ଥିବା ପୁଲିସ ଅନୁମାନ କରୁଛି ।