ପ୍ରଥମ ସନ୍ତାନ ଝିଅ ହେଲେ ମିଳିବ ୫୦୦୦ ଟଙ୍କା ! ଜାଣନ୍ତୁ କେଉଁଠି ମିଳିବ ଏହି ଯୋଜନାର ଲାଭ ?
ବେଟି ବଚାଓ, ବେଟି ପଢ଼ାଓ ଯୋଜନା ଯାହାର ଲକ୍ଷ୍ୟ ହେଉଛି ଶିଶୁ କନ୍ୟାର ସୁରକ୍ଷା ପାଇଁ ସଚେତନତା ସୃଷ୍ଟି, ମହିଳାଙ୍କ କାର୍ୟ୍ୟଦକ୍ଷତା ଏବଂ ସାମଗ୍ରିକ ଅଭିବୃଦ୍ଧି । ଏହି ଯୋଜନା କେନ୍ଦ୍ର ସରକାରଙ୍କ ଏକ ମହତ୍ୱାକାଂକ୍ଷୀ ଯୋଜନା ଅଟେ । ତେବେ କେବଳ ସରକାରଙ୍କ ବ୍ୟତୀତ ଲୋକମାନେ ତଥା ଅନେକ ସରକାରୀ ଓ ବେସରକାରୀ ବିଭାଗ ସଚେତନ ହେଉଛନ୍ତି । ଏବଂ ଏହି ଯୋଜନା କିପରି ସଫଳ ହୋଇପାରିବ ସେନେଇ ଚେଷ୍ଟାରତ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବେଟି ବଚାଓ, ବେଟି ପଢ଼ାଓ ଅଭିଯାନକୁ ଉତ୍ସାହିତ କରିବା ପାଇଁ ମୁମ୍ବାଇ ପୋଲିସ୍ ଏକ ଅଭିନବ ପ୍ରୟାସ ଆରମ୍ଭ କରିଛି । ପ୍ରଥମ ଥର ପାଇଁ ମା’ ହେଉଥିବା ମହିଳା ପୋଲିସ ଅଫିସରଙ୍କୁ ଝିଅ ଜନ୍ମ ହେଲେ ୫୦୦୦ ଟଙ୍କା ଦେବା ପାଇଁ ନିଷ୍ପତ୍ତି ନେଇଛନ୍ତି । ମୁମ୍ବାଇ ପୋଲିସ ନିଜର ନିଆରା ଅଭିଯାନକୁ ନେଇ ଏବେ ଚର୍ଚ୍ଚାରେ ରୁହନ୍ତି । ମୁମ୍ବାଇ ପୋଲିସର ଏଭଳି ପ୍ରୟାସ ଯୋଗୁଁ ସବୁଆଡ଼ୁ ପ୍ରଶଂସାରୁ ସୁଅ ଛୁଟୁଛି ।
ମହାରାଷ୍ଟ୍ରର ଡିଜିପି ସତୀଶ ମାଥୁର ସମୃଦ୍ଧ ଭାରତ ଅନୁଦାନ ଯୋଜନାର ଘୋଷଣା କରିଛନ୍ତି । ଏହା ବ୍ୟତୀତ ପୁଲିସ ବିଭାଗ ବିଶେଷ ଭତ୍ତା ମଧ୍ୟ ଦେବ । ତେବେ ଏହି ସୁଯୋଗର ଲାଭ ଉଠାଇବା ପାଇଁ ମହିଳା ଅଫିସରଙ୍କୁ ନାଗପାଡ଼ା ପୋଲିସ ଷ୍ଟେସନରୁ ପ୍ରଥମ ଥର ପାଇଁ ମା’ ହେବାର ପ୍ରମାଣପତ୍ର ନେବାକୁ ପଡ଼ିବ । ଶିଶୁକନ୍ୟା ପରେ ଅଧକାରୀଙ୍କୁ ଜନ୍ମ ପ୍ରମାଣପତ୍ର ସହ ନବଜାତର ମଡ଼ିକାଲ ସାର୍ଟିଫିକେଟ୍ ଆବେଦନ ପତ୍ର ସହ ଜମା କରିବା ପାଇଁ ପଡ଼ିବ । ଏସବୁ ପରେ ହିଁ ସେମାନେ ଯୋଜନାର ଲାଭ ଉଠାଇପାରିବେ ।