ଆରମ୍ଭ ହେଲା ଜିଓ ଜମାନା : ୨୦୧୬ ଶେଷ ଯାଏଁ ଉପଭୋକ୍ତାଙ୍କ ପାଇଁ ମାଗଣା ପ୍ଲାନ୍
କନକ ବ୍ୟୁରୋ : ଦେଶର ଟେଲିକମ କ୍ଷେତ୍ରରେ ସବୁଠାରୁ ବଡ ବିପ୍ଳବ। ବିଶ୍ୱର ସବୁଠାରୁ ଶସ୍ତା ପ୍ଲାନ ଦେଇଛି ମୁକେଶ ଅମ୍ବାନୀଙ୍କ ରିଲାଏନସ ଜିଓ । ମୁକେଶ ଅମ୍ବାନୀ ଆଜି ବହୁ ପ୍ରତୀକ୍ଷିତ ଟାରିଫ ଆଉ ଡାଟା ପ୍ଲାନ ନେଇ ସୂଚନା ଦେଇଛନ୍ତି । ଏହା ସାରା ଭାରତରେ ଆଜି ଚର୍ଚ୍ଚାର ବିଷୟ ପାଲଟିଛି । ଭାରତୀୟ ଟେଲିକମ ୟୁଜର୍ସଙ୍କୁ ସବୁଠାରୁ ବଡ ଉପହାର ଦେଇଛି ରିଲାଏନସ ।
Kanak News is now on WhatsApp
Join and get latest news updates delivered to you via WhatsApp
କଂପାନୀର ବାର୍ଷିକ ସାଧାରଣ ବୈଠକରେ ମୁକେଶ ଅମ୍ବାନୀ କହିଛନ୍ତି, ମାର୍ଚ୍ଚ ୨୦୧୭ ସୁଦ୍ଧା ଦେଶରେ ୧. ୨୫ ବିଲିୟନ ଅର୍ଥାତ ୧୨୫ କୋଟି ଭାରତୀୟଙ୍କୁ ମୋବାଇଲ ନେଟୱାର୍କ ଭିତରକୁ ଆଣିବାକୁ ଲକ୍ଷ୍ୟ ରଖିଛି ରିଲାଏନସ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିଜିଟାଲ ଇଣ୍ଡିଆ ଚିନ୍ତାଧାରା ପାଇଁ ଜିଓକୁ ଉତ୍ସର୍ଗ କରାଯାଇଥିବା କହିଛନ୍ତି ମୁକେଶ ଅମ୍ବାନୀ ।
ସେପ୍ଟେମ୍ବର ୫ରୁ ସମସ୍ତଙ୍କ ପାଇଁ ଏହି ରିଲାଏନସ ଜିଓ ଉପଲବ୍ଧ ହେବ ଏବଂ ୨୦୧୬ ଶେଷ ଯାଏଁ ଜିଓ ମାଗଣା ସେବା ଯୋଗାଇବ ବୋଲି ସେ କହିଛନ୍ତି । ୨୦୧୭ ଆରମ୍ଭରୁ ଡାଟା ବାବଦରେ ଅର୍ଥ ଦେବାକୁ ପଡିବ ଏବଂ ଏହା ଅନ୍ୟ କଂପାନୀଙ୍କ ତୁଳନାରେ ବେଶ୍ କମ ରହିବ। ସେହିପରି ବିନା ଟଙ୍କା ଖର୍ଚ୍ଚ କରି ଆପଣ ଭଏସ କଲ କରିପାରିବେ ବୋଲି କହିଛନ୍ତି ମୁକେଶ । ଦେଶ ଭିତରେ ଜିଓ ରୋମିଂ ଫ୍ରି ବ୍ୟବସ୍ଥା ଯୋଗାଇବ ବୋଲି ସେ ସୂଚନା ଦେଇଛନ୍ତି।