ଧୋନିଙ୍କ ମହାନତା ! ଜଣେ ଚା’ବିକାଳି ସହିତ କଲେ ରାତ୍ରି ଭୋଜନ
ଭାରତୀୟ କ୍ରିକେଟ୍ ଦଳର ଅଧିନାୟକ ମହେନ୍ଦ୍ର ସିଂହ ଧୋନି ପୁଣି ଥରେ ନିଜ ମହାନତାର ପରିଚୟ ଦେଇଛନ୍ତି । ନିକଟରେ ହୋଇଥିବା କୋଲକତାର ବିଜୟ ହଜାରେ ଟ୍ରଫି ଖେଳୁଥିବା ସମୟରେ ସେ ନିଜର ଜଣେ ପୁରୁଣା ଚା’ ବିକାଳି ବନ୍ଧୁକୁ ରାତ୍ର ଭୋଜନକୁ ନେଇ ତାଙ୍କ ଋଣ ପରିଶୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯେତେବେଳେ ଧୋନି ଖଡଗପୁରରେ ଟିଟି ଚାକିରି କରୁଥିଲେ ସେଠାରେ ‘ଥୋମାସ’ ନାମକ ଜଣେ ଚା’ ଦୋକାନି ସହ ତାଙ୍କର ପରିଚିତ ହୋଇଥିଲା । ଆଉ ଏହି ଚା’ ବିକାଳି ଜଣକ ତାଙ୍କୁ ଅନେକ ସାହାର୍ଯ୍ୟ ମଧ୍ୟ କରିଥିଲେ । ଧୋନି ତାଙ୍କ ଚା’କୁ ବହୁତ ପସନ୍ଦ କରୁଥିଲେ । ତେବେ ଝାଡଖଣ୍ଡ ଦଳର ନେତୃତ୍ୱ ନେଇ ଇଡେନ ଗାର୍ଡେନରେ ଧୋନି ଖେଳୁଥିବା ବେଳେ ଥୋମାସ ତାଙ୍କୁ ଭେଟିବା ଲାଗି ଖଡଗପୁରରୁ ଯାଇ ଦୀର୍ଘ ସମୟ ଧରି ଅପେକ୍ଷା କରିଥିଲେ ।
ଧୋନି ପଡିଆ ବାହରକୁ ଆସିବା କ୍ଷଣି ସେ ତାଙ୍କ ପାଖକୁ ଦୌଡିଯାଇ ଖୁସିରେ କୁଣ୍ଢାଇ ପକାଇଥିଲେ । ଧୋନି ମଧ୍ୟ ତାଙ୍କୁ ଚିହ୍ନି ପାରିଥିଲେ । ଧୋନି କେବଳ ଥୋମାସଙ୍କ ସହ କଥା ହୋଇ ନଥିଲେ ତାଙ୍କୁ ରାତ୍ର ଭୋଜନରେ ମଧ୍ୟ ସାମିଲ କରିଥିଲେ ।