ରାଜଧାନୀରେ ହୁତୁ ହୁତୁ ହୋଇ ଜଳିଗଲା ଚଳନ୍ତା କାର୍ ! ଅଳ୍ପକେ ବର୍ତ୍ତିଲେ ଯାତ୍ରୀ
କନକ ବ୍ୟୁରୋ: ମଝି ରାସ୍ତାରେ ଜଳିଗଲା କାର୍ । ଭୁବନେଶ୍ୱର ନାଲକୋ ଅଫିସ ସମୁଖରେ ଏକ ଇଣ୍ଡିଗୋ କାରରେ ହଠାତ୍ ନିଆଁଲାଗି ସମ୍ପୂର୍ଣ୍ଣ ଜଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ନୟାଗଡ଼ ଜିଲ୍ଲା ରଣପୁର ଅଂଚଳର ଭାଷ୍କର ଚନ୍ଦ୍ର ରଣା ନିଜ ଇଣ୍ଡିଗୋ କାର୍, ଗାଡି ନମ୍ବର ଓଡି-୦୨-ଜି-୮୬୩୬ ନେଇ ଏକ ବ୍ୟକ୍ତିଗତ କାମରେ ଭୁବନେଶ୍ୱର ଆସିଥିଲେ । ଡ୍ରାଇଭର ଭୋଳାନାଥ ପ୍ରଧାନ ଗାଡ଼ି ଚଳାଉ ଥିବାବେଳେ ନାଲକୋ ଛକ ନିକଟରେ କାରର ବର୍ନେଟରୁ ନିଆଁ ବାହାରିଥିଲା ।
ସଙ୍ଗେ ସଙ୍ଗେ ସେମାନେ କାରରୁ ଓହ୍ଲାଇ ପଡିଥିଲେ ଏବଂ କାରଟି ହୁତୁ ହୁତୁ ହୋଇ ଜଳିବାରେ ଲାଗିଥିଲା । ଘଟଣାସ୍ଥଳରେ ଅଗ୍ନିଶମ ବିଭାଗ ପହଂଚି ନିଆଁକୁ ଆୟତ୍ତ କରିଥିଲା । ତେବେ କେଉଁ କାରଣ ପାଇଁ କାରଟିରେ ନିଆଁ ଲାଗିଲା ତାହା ସ୍ପଷ୍ଟ ହୋଇନାହିଁ । ଏଥିରେ କେହି ହତାହତ ହୋଇନାହାନ୍ତି ।