ବର୍ଷର ଶେଷ ଦିନରେ ମନର କଥା କହିଲେ ପ୍ରଧାନମନ୍ତ୍ରୀ ! ନିୟୁ ଇଣ୍ଡିଆ ଗଠନ ପାଇଁ ଯୁବଶକ୍ତି ଉପରେ ଗୁରୁତ୍ୱ
କନକ ବ୍ୟୁରୋ: ଚଳିତ ବର୍ଷର ଶେଷ ‘ମନ କି ବାତ’ କାର୍ଯ୍ୟକ୍ରମ । ପ୍ରଧାନମନ୍ତ୍ରୀ ମୋଦି ମନ କି ବାତ କାର୍ୟ୍ୟକ୍ରମ ଜରିଆରେ ୨୦୧୮ ପାଇଁ ଶୁଭକାମନା ଜଣାଇଛନ୍ତି । ଜୀବ ସେବା ହିଁ ଶିବଙ୍କ ସେବା ଓ ସେବା ଭାବ ମାନବୀୟ ମୂଲ୍ୟବୋଧର ପରିଚୟ ବୋଲି ମୋଦି କହିଛନ୍ତି । ଜନତା ହିଁ ଏକବିଂଶ ଶତାଦ୍ଦୀର ଭାରତକୁ ଗଠନ କରିବେ । ଯୁବକମାନେ ନିୟୁ ଇଣ୍ଡିଆ ଗଠନ କରିପାରିବେ । ଯୁବକମାନେ ଦେଶର ଶକ୍ତି ଓ ଭବିଷ୍ୟତ । ନୂଆ ଭାରତ ଜାତିବାଦ ଓ ସଂପ୍ରଦାୟବାଦର ମୁକ୍ତ ହେବ ବୋଲି କହିଛନ୍ତି ମୋଦି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ପ୍ରଧାନମନ୍ତ୍ରୀ ମୋଦିଙ୍କ ମନ୍ କି ବାତ୍ କାର୍ଯ୍ୟକ୍ରମ ପ୍ରସାରଣ ପାଇଁ ବିଜେପୁରରେ ସ୍ୱତନ୍ତ୍ର ବ୍ୟବସ୍ଥା କରିଥିଲା ଓଡ଼ିଶା ବିଜେପି । ବିଜେପୁର ଉପନିର୍ବାଚନକୁ ଦୃଷ୍ଟିରେ ରଖି ଏହି କାର୍ଯ୍ୟକ୍ରମ ଆୟୋଜନ କରିଥିଲା ବିଜେପି । ବିଜେପୁର ନିର୍ବାଚନ ମଣ୍ଡଳିର ୨୭୦ ବୁଥରେ ଏହି କାର୍ଯ୍ୟକ୍ରମ ହୋଇଥିଲା । ଏଥିରେ ସାମିଲ ହୋଇଥିଲେ ଦୁଇ କେନ୍ଦ୍ରମନ୍ତ୍ରୀ ଜୁଏଲ ଓରାମ ଏବଂ ଧର୍ମେନ୍ଦ୍ର ପ୍ରଧାନ ଓ ବହୁ ବରିଷ୍ଠ ନେତା । ବିଜେପି ରାଜ୍ୟ ସଭାପତି ବସନ୍ତ ପଣ୍ଡା, ବିଜେପି ବିଧାୟକ ଦଳ ନେତା କନକବର୍ଦ୍ଧନ ସିଂଦେଓଙ୍କ ସମେତ ସମସ୍ତ ବିଜେପି ବିଧାୟକ ଏହି ବିଜେପୁରରେ ଉପସ୍ଥିତ ଥିଲେ ।
ସେପଟେ ବିଜେପୁର ଉପନର୍ବିାଚନ ଆଗକୁ ଥିବାରୁ ୨୭୦ ବୁଥର ମନ କି ବାତ କାର୍ଯ୍ୟକ୍ରମ ଆୟୋଜନ ଏକ ସଂଯୋଗ ମାତ୍ର ବୋଲି କହିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରତି ମାସର ଶେଷ ରବିବାରରେ ମୋଦିଙ୍କ ମନ କି ବାତ ଶୁଣିବାକୁ ରାଜ୍ୟ ବିଜେପି ନିଷ୍ପତି ହୋଇଛି । ଏନେଇ ପ୍ରତି ନିର୍ବାଚନ ମଣ୍ଡଳୀରେ ମୋଦିଙ୍କ କଥା ଶୁଣିବାକୁ ଲୋକଙ୍କ ଏକାଠି କରାଯିବ ବୋଲି ଧର୍ମେନ୍ଦ୍ର କହିଛନ୍ତି ।
ସେହିପରି ବିଜେପୁରରେ ମୋଦିଙ୍କ ମନ କି ବାତ ପ୍ରସଙ୍ଗକୁ ସମାଲୋଚନା କରିଛନ୍ତି ବିଜେଡି ମୁଖପାତ୍ର ପ୍ରତାପ ଦେବ । ମନ କି ବାତ ବିଜେପୁରକୁ କି ଓଡିଶାକୁ ଛୁଇଁଲାନି । ପ୍ରଧାନମନ୍ତ୍ରୀ ଓଡିଶା ଉପରେ କିଛି ଟିପ୍ପଣୀ ରଖିଲାନି । ବିଜେପୁର ଉପନିର୍ବାଚନ ଉପରେ ଏହାର ପ୍ରଭାବ ପଡିବନି ବୋଲି ପ୍ରତାପ ଦେବ କହିଛନ୍ତି । ବିଜେପି କଥା ବଦଳାଉଛି ଲୋକଙ୍କୁ ମିଛି କହୁଛି ବୋଲି ପ୍ରତାପ ଦେବ କହିଛନ୍ତି ।