କଳାହାଣ୍ଡି : ସର୍ବକନିଷ୍ଠ ପର୍ବତାରୋହୀ ଲାଲୁ ପ୍ରସାଦ ଭୋଇ ମନାଲି ପର୍ବତରୁ ଓହ୍ଳାଇବା ବେଳେ ମୃତ
କନକ ବ୍ୟୁରେ : ପର୍ବତାରୋହଣ ବେଳେ ପର୍ବତାରୋହୀଙ୍କ ମୃତ୍ୟୁ । କଳାହାଣ୍ଡି ଜିଲ୍ଲାର ସର୍ବକନିଷ୍ଠ ପର୍ବତାରୋହି ଲାଲୁ ପ୍ରସାଦ ଭୋଇ ମନାଲି ପର୍ବତରୁ ଓହ୍ଳାଇବା ବେଳେ ହଠାତ ତାଙ୍କର ମୃତ୍ୟୁ ହୋଇଛି । ଏହି ଖବର ଜଣା ପଡିବା ପରେ କଳାହାଣ୍ଡି ଜିଲ୍ଲାରେ ଶୋକରଛାୟା ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରୁପ୍ରା ଗାଁର ବଳଦେବ ଭୋଇଙ୍କ ପୁଅ ଲାଲୁ ଏଭେରେଷ୍ଟ ପର୍ବତାରୋହୀ ଯୋଗବ୍ୟାସ ଭୋଇଙ୍କ ସହ ଏହି ପର୍ବତାରୋହଣରେ ଯାଇଥିଲେ । ସେ ମନାଲିର ଏକ ଟ୍ରାକିଂ କ୍ୟାମ୍ପରେ ଯୋଗଦେଇ ଯୋଗବ୍ୟାସଙ୍କ ସହ ପର୍ବତାରୋହଣ କରିଥିଲେ । ପର୍ବତରୁ ଓହ୍ଲାଇବା ସମୟରେ ବାଟରେ ହଠାତ ତାଙ୍କ ଦେହ ଅସୁସ୍ଥ ହୋଇପଡିଥିଲା । ଗୁରୁତର ଅବସ୍ଥାରେ ତାଙ୍କୁ ମନାଲି ମେଡିକାଲକୁ ନିଆଯାଇଥିଲା ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେ ସର୍ବ କନିଷ୍ଠ ପର୍ବତାରୋହି ଭାବେ ଜିଲ୍ଲା ପାଇଁ ବେଶ ଗୌରବ ଆଣିଥିଲେ ।