ଗୁଜବ୍ ଜାଲରେ ଦିଲ୍ଲୀର କ୍ୟାବ୍ ଡ୍ରାଇଭର୍ ! ଚାଲାଣରୁ ବଂଚିବା ପାଇଁ ଗାଡିରେ ଧରି ବୁଲୁଛନ୍ତି ନିରୋଧ , ପୋଲିସ୍ କହିଲା ନିୟମ ।
ଦିଲ୍ଲୀରେ ଆଜିକାଲି କ୍ୟାବ୍ ଡ୍ରାଇଭର୍ ମାନେ ଗାଡିରେ ନିରୋଧ ରଖି ବୁଲୁଛନ୍ତି । ଏହାକୁ ନେଇ ଏହି ଡ୍ରାଇଭର୍ ମାନେ କୁହନ୍ତି ଯେ ପାଖରେ ନିରୋଧ ନ ରଖିଲେ ଦିଲ୍ଲୀ ପୋଲିସ୍ ତାଙ୍କ ଚାଲାଣ କାଟିଦେବ । ତେବେ ଆଗରୁ ସିଟ୍ ବେଲ୍ଟ ନ ପିନ୍ଧିଲେ କିମ୍ବା ଗାଡିର ଉପଯୁକ୍ତ କାଗଜପତ୍ର ନଥିଲେ ଚାଲାଣ୍ କଟିଥିବା କଥା ଜାଣିଛୁ କିନ୍ତୁ ଏବେ ଏହି ନୂଆ ନିୟମ କେବେଠାରୁ ଲାଗୁ ହେଲାଣି ସେ ବିଷୟରେ ତ ଆମେ ଜାଣିନାହୁଁ । ତେବେ ଆସନ୍ତୁ ଏ ପୁରା ମାମଲା କ’ଣ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
Cab drivers in Delhi say they’ve been carrying condoms, besides other medicines, in their first aid kits as they’re penalised by police if found without condoms in their first aid kits. Say “We’ve never asked reason but we get challans if found without condoms in first aid kits.” pic.twitter.com/IPTzHJQ8ip
— ANI (@ANI) September 21, 2019
ଦିଲ୍ଲୀର ବିଶେଷ ପୁଲିସ୍ ତାଜ୍ ହସନ୍ ଙ୍କ କହିବାନୁସାରେ ନୂଆ ମୋଟର୍ ଯାନ ଆକ୍ଟରେ ନିରୋଧକୁ ନେଇ କୌଣସି କଥା କୁହାଯାଇନାହିଁ । ତାଙ୍କ କହିବାନୁସାରେ ଗାଡିରେ ଫାଷ୍ଟ୍ ଏଡ୍ ବାକ୍ସରେ କଣ୍ଡୋମ୍ ନ ରଖିଲେ କୌଣସି ଚାଲାଣ୍ କଟେ ନାହିଁ । ଦିଲ୍ଲୀ କ୍ୟାବ୍ ଡ୍ରାଇଭର୍ ଙ୍କ କହିବାନୁସାରେ ସେମାନେ ଫାଷ୍ଟ୍ ଏଡ୍ ବାକ୍ସରେ ଔଷଧ ଛଡା ନିରୋଧ ମଧ୍ୟ ରଖିଥାନ୍ତି । ବାକ୍ସରେ କଣ୍ଡୋମ୍ ନ ରଖିଲେ ଦିଲ୍ଲୀ ପୋଲିସ୍ ତାଙ୍କ ଚାଲାଣ୍ କାଟୁଛି । ସେମାନେ ଏ ବିଷୟରେ ପୋଲିସକୁ ଡରି କେବେ ପଚାରିନାହାନ୍ତି କିନ୍ତୁ ନିରୋଧ ନଥିଲେ ଜରିମାନା ଦେବାକୁ ପଡୁଛି ।
କ୍ୟାବ୍ ଡ୍ରାଇଭର୍ ଙ୍କ କହିବା ମୁତାବକ , କେବଳ ସୁରକ୍ଷିତ ଯୌନ ସଂପର୍କ ପାଇଁ ନୁହେଁ କାର୍ ପ୍ରେଶର୍ ପାଇପ୍ ଫାଟିଗଲେ କଣ୍ଡୋମ୍ କିଛି ସମୟ ପାଇଁ ରିସାବ୍ କୁ ରୋକିବାରେ ସାହାଯ୍ୟ କରିଥାଏ । ବର୍ଷା ହେଲେ ଜୋତା କଭର୍ କରିଥାଏ । କୌଣସି ସ୍ଥାନରେ କ୍ଷତ ହେଲେ ମଧ୍ୟ ଉକ୍ତ ସ୍ଥାନକୁ ଘୋଡାଇବାରେ ସାହାଯ୍ୟ କରିଥାଏ । ନିରୋଧର ବ୍ୟବହାର ଅନେକ ପ୍ରକ୍ରିୟାରେ ହୋଇପାରିବ କିନ୍ତୁ ଆଜି ବି ଲୋକମାନେ ନିରୋଧ ନାଁ କହିଲେ ଲାଜ କରୁଛନ୍ତି କିମ୍ବା ହସି ମୁହଁ ଲୁଚାଉଛନ୍ତି । ଆଉ ପୋଲିସ୍ ବାବୁ ଆମ କଥା ଶୁଣିଲେ ହସି ହସି ବେଦମ୍ ହେଉଛନ୍ତି ।